താരപുത്രന്‍ തിരക്കിലേക്ക്; കാത്തിരിക്കുന്നത് നിരവധി ചിത്രങ്ങള്‍...
മലയാളത്തിലെ യുവനായകനിരയില്‍ ശ്രദ്ധേയനാവുകയാണ് താരപുത്രന്‍. അണിയറയില്‍ ഒരുങ്ങുന്നത് നിരവധി ചിത്രങ്ങള്‍.
കൊച്ചു കൊച്ചു സന്തോഷങ്ങള്‍, എന്റെ വീട് അപ്പൂന്റെയും എന്ന ചിത്രങ്ങളിലൂടെ ബാലതാരമായി പ്രേക്ഷകരെ വിസ്മയിപ്പിച്ച കാളിദാസ് ജയറാമിനാണ് കൈനിറയെ ചിത്രങ്ങള്‍. കാളിദാസിന്റെ നായകനായുള്ള തുടക്കം തമിഴിലായിരുന്നു. മീന്‍ കുഴമ്പും മന്‍ പാനൈയും, ഒരു പക്കാ കഥൈ എന്നീ ചിത്രങ്ങളിലൂടെ നായകനായി തമിഴില്‍ ഹരിശ്രീ കുറിച്ചു.
മലയാളത്തില്‍ പൂമരത്തിലൂടെയാണ് കാളിദാസ് നായകനാവുന്നത് എന്നാല്‍ ആദ്യ ചിത്രം നായകനെന്ന നിലയില്‍ വിജയത്തുടക്കം കുറിക്കാന്‍ കഴിഞ്ഞില്ലെങ്കിലും യുവനടന്‍മാരില്‍ ഒരിടം നേടി. ജിത്തു ജോസഫ് സംവിധാനം ചെയ്യുന്ന പുതിയ ചിത്രത്തില്‍ നായകനായി അഭിനയിക്കുകയാണ് കാളിദാസിപ്പോള്‍.
അപര്‍ണ ബാലമുരളിയാണ് നായിക. ആലപ്പുഴയില്‍ ഷൂട്ടിംഗ് പുരോഗമിക്കുന്ന ചിത്രത്തില്‍ മികച്ചൊരു ബ്രേക്ക് കിട്ടുമെന്ന പ്രതീക്ഷയിലാണ് കാളിദാസ്. ആഷിഖ് അബു സംവിധാനം ചെയ്യുന്ന വൈറസിലും ശ്രദ്ധേയമായ വേഷം കൈകാര്യം ചെയ്യുന്നു.
കോഴിക്കോട് ജില്ലയെ വിറപ്പിച്ച നിപ്പ വൈറസ് രോഗത്തിന്റെ സംഭവങ്ങളെ ദൃശ്യവല്‍ക്കരിക്കുന്ന ചിത്രത്തില്‍ ഫഹദ് ഫാസില്‍, ടോവിനോ തോമസ്, ആസിഫ് അലി തുടങ്ങി വലിയ താരനിര തന്നെയുണ്ട്.
ഫുട്‌ബോള്‍ പശ്ചാത്തലത്തില്‍ മിഥുന്‍ മാനുവല്‍ സംവിധാനം ചെയ്യുന്ന അര്‍ജന്റീന ഫാന്‍സ് കാട്ടൂര്‍ കടവിലും നായകനായി എത്തുന്നു. മായാനദി, വരത്തന്‍ ഫെയിം ഐശ്വര്യ ലക്ഷ്മിയാണ് നായിക.
ആട് 2 വിന്റെ വന്‍ വിജയത്തിന് ശേഷമാണ് മിഥുന്‍ മാനുവല്‍ ഈ ചിത്രം ഒരുക്കുന്നത്.
മഞ്ജു വാര്യരെ കേന്ദ്രകഥാപാത്രമാക്കി ബോളിബുഡ് കാമറാമനും മലയാളിയുമായ സന്തോഷ് ശിവന്‍ ഒരിടവേളയ്ക്ക് ശേഷം മലയാളത്തില്‍ സംവിധാനം ചെയ്യുന്ന ചിത്രത്തിലും കാളിദാസ് പ്രധാന വേഷത്തില്‍ എത്തുന്നു.
അടുത്ത മാസം ചിത്രീകരണം തുടങ്ങും. ഇതിന് പുറമേ അഞ്ചോളം മലയാള ചിത്രങ്ങളില്‍ കൂടി കാളിദാസ് നായകവേഷത്തില്‍ എത്തുന്നു.
ഇതില്‍ വലിയ ബജറ്റുകളില്‍ ഒരുക്കുന്ന ചിത്രങ്ങളുമുണ്ട്. അല്‍ഫോന്‍സ് പുത്രന്‍ ഒരുക്കുന്ന തമിഴ് ചിത്രത്തില്‍ കാളിദാസന്‍ നായകനാവുന്നു.
ധ്രുവങ്ങള്‍ പതിനാറ് സംവിധാനം ചെയ്ത കാര്‍ത്തിക് നരേന്റെ നാടക മീഡിയ എന്ന ചിത്രത്തിലും കാളിദാസ് നായകനാവും.
മലയാളത്തിലെ പ്രിയപ്പെട്ട നടന്‍ ജയറാമിന്റെയും മുന്‍ നടി പാര്‍വതിയുടെയും മകനായ കാളിദാസ് ജയറാമിന് ഇന്ന് മലയാളത്തിലാണ് കൂടുതല്‍ താരമൂല്യം ഉള്ളത്. നിര്‍മ്മാതാക്കള്‍ക്ക് താങ്ങാനാവുന്ന പ്രതിഫലം വാങ്ങുന്ന കാളിദാസ് മറ്റു യുവതാരങ്ങള്‍ക്കൊപ്പം മുന്നേറാനുള്ള മത്സരത്തിലാണ്. അതിന് പൂര്‍ണ പിന്തുണയുമായി ജയറാമും പാര്‍വതിയുമുണ്ട്.




Shafi Theruvath
writer



Other Articles

  ഉണ്ടയുമായി മമ്മുട്ടി കാസര്‍കോട്ട്

  മറഞ്ഞു, വയലിന്‍ വിസ്മയവും ഹിറ്റുകളുടെ ഇന്ദ്രജാലകനും

  വിട പറഞ്ഞത് അറബി അക്ഷരമാലകളും ഖുര്‍ആന്‍ ആയത്തുകളും പകര്‍ന്ന് നല്‍കിയ ഗുരുനാഥന്‍

  മമ്മൂട്ടിയുടെ ചിത്രത്തിലും തിളങ്ങി കാസര്‍കോട്ടുകാരി ശ്രീവിദ്യാനായര്‍

  കാസര്‍കോട് നിന്നൊരു സിനിമ ലോകസിനിമാ ഫെസ്റ്റിവലുകളില്‍

  ചെര്‍ക്കളം അബ്ദുല്ലയും 786 നമ്പര്‍ ഫിയറ്റ് കാറും

  ശ്രീനിവാസന്‍ ധ്യാന്‍ ശ്രീനിവാസനൊപ്പം ചിരിപ്പിക്കാന്‍ എത്തുന്നു

  പൊരിവെയിലില്‍ ഇന്ദ്രന്‍സും സുരഭിയും

  കാഞ്ഞങ്ങാട്ട് മൊട്ടിട്ട മുല്ലകള്‍ ചിത്രീകരണം തുടങ്ങി

  ഇത് മലയാള സിനിമയാണ് നന്മ സ്‌ക്രീനില്‍ മാത്രം പ്രതീക്ഷിച്ചാല്‍ മതി.

  മനസ്സില്‍ നിന്ന് മായുന്നില്ല; മിനാര്‍ താജുവിന്റെ ചിരിക്കുന്ന മുഖം...

  പുരസ്‌കാര നിറവില്‍ ഇന്ദ്രന്‍സ് , പാര്‍വ്വതിക്കും അംഗീകാരം

  കണ്‍ മറഞ്ഞ കണ്ണേ കലൈമാന്‍...

  മുംബൈയില്‍ മോഹന്‍ലാലിനെ കാണാന്‍ മലയാളികള്‍

  മലയാള സിനിമക്ക് ഉണര്‍വ്വേകി യുവ സംവിധായകര്‍