updated on:2016-11-30 04:55 PM
റൊമാന്റിക് ഹീറോ കുഞ്ചാക്കോ ബോബനോടൊപ്പം ആംസ്റ്റര്‍ഡാമിലേക്ക് പറക്കാന്‍ കാസര്‍കോട് സ്വദേശിയും

'ലെറ്റ്‌സ് ഗോ ആംസ്റ്റര്‍ഡാം' യാത്രാ സംഘം ഷാര്‍ജ അന്താരാഷ്ട്ര വിമാനത്താവളത്തില്‍ നടി മീരാനന്ദനോടൊപ്പം. വൃത്തത്തില്‍ അടയാളപ്പെടുത്തിയത് ഹിഷാം അബ്ബാസ് (ഫേസ്ബുക്കില്‍ മീരാനന്ദന്‍ പോസ്റ്റ് ചെയ്ത ചിത്രം)
www.utharadesam.com 2016-11-30 04:55 PM,
ദുബായ്: മലയാളത്തിന്റെ പ്രണയ നായകന്‍ കുഞ്ചാക്കോ ബോബനോടൊപ്പം നെതര്‍ലാന്റ്‌സിന്റെ തലസ്ഥാനമായ ആംസ്റ്റര്‍ഡാമിലേക്ക് പോകാന്‍ കാസര്‍കോട് സ്വദേശിക്കും അവസരം. പള്ളിക്കര സ്വദേശിയും ദുബായില്‍ അല്‍ബക്കര്‍ ഗ്രൂപ്പ് ഓഫ് കമ്പനീസില്‍ പ്രോപ്പര്‍ട്ടി മാനേജരുമായ ഹിഷാം അബ്ബാസാണ് ഇന്നുരാവിലെ ഷാര്‍ജ അന്താരാഷ്ട്ര വിമാനത്താവളത്തില്‍ നിന്ന് ആംസ്റ്റര്‍ഡാമിലേക്ക് തിരിച്ചത്. ഗള്‍ഫിലെ ഗോള്‍ഡ് 101.3 എഫ്.എം. റേഡിയോ ചാനല്‍, ജയ്ഹിന്ദ് ചാനലുമായി സംഘടിപ്പിച്ച 'ലെറ്റ്‌സ് ഗോ ആംസ്റ്റര്‍ഡാം' എന്ന പരിപാടിയില്‍ വിജയിച്ചാണ് ഹിഷാം സിനിമാതാരങ്ങളടക്കമുള്ള പ്രമുഖര്‍ അടങ്ങിയ 51 അംഗ യാത്രാസംഘത്തില്‍ ഇടംപിടിച്ചത്. നടിയും റേഡിയോ അവതാരകയുമായ മീരാ നന്ദന്‍, റേഡിയോ അവതാരകന്‍ വൈശാഖ് സോമരാജന്‍ തുടങ്ങിയവരും ഇന്ന് പുറപ്പെട്ട സംഘത്തിലുണ്ട്. ദൃശ്യഭംഗിയാര്‍ന്ന കനാലുകളും ചരിത്ര പ്രസിദ്ധമായ മ്യൂസിയങ്ങളും വ്യത്യസ്തങ്ങളായ ഭക്ഷ്യവിഭവങ്ങളും കൊണ്ട് സമ്പന്നമായ ആംസ്റ്റര്‍ഡാമിന്റെ മനോഹാരിത ആസ്വദിക്കാനും സാംസ്‌ക്കാരികമായ സവിശേഷതകള്‍ മനസിലാക്കാനും നാലുദിവസം നീണ്ടുനില്‍ക്കുന്ന യാത്രയില്‍ അവസരം ലഭിക്കുമെന്ന് ഹിഷാം പറഞ്ഞു.
ലോകത്തെമ്പാടുമുള്ള വ്യത്യസ്തങ്ങളായ ഭക്ഷണശാലകളെയും വിഭവങ്ങളെയും പരിചയപ്പെടുത്തുന്ന 'ദ ടേസ്റ്റി ലൈഫ്' എന്ന ഫേസ്ബുക്ക് ഗ്രൂപ്പിന്റെ അമരക്കാരിലൊരാളായ ഹിഷാം അബ്ബാസ് സോഷ്യല്‍ മീഡിയയില്‍ വിവിധ വിഷയങ്ങളില്‍ ശക്തമായി ഇടപെടുന്ന വ്യക്തികൂടിയാണ്.



Recent News
  ഉത്തരേന്ത്യയിലെ നിര്‍ധന വിദ്യാര്‍ത്ഥികള്‍ക്കുള്ള സ്‌കൂള്‍ കിറ്റ് പദ്ധതിക്ക് സഹായവുമായി ഖത്തര്‍-കാസര്‍കോട് ജില്ലാ കെ.എം.സി.സി

  ദാറുല്‍ ഹുദാ കുടുംബത്തില്‍ കണ്ണിചേര്‍ന്നവരെ കെ.എം.സി.സി. അഭിനന്ദിച്ചു

  സൗദിയില്‍ മലയാളി ഡ്രൈവര്‍മാര്‍ തൊഴില്‍ നഷ്ടപ്പെട്ട് നാട്ടിലേക്ക് മടങ്ങുന്നു

  കൊടുംചൂടില്‍ ഖത്തര്‍ വേവുന്നു; നോമ്പിന്റെ സമയ ദൈര്‍ഘ്യം 15 മണിക്കൂറിലേറെ

  കെ.എം.സി.സി നോമ്പുതുറ സംഘടിപ്പിച്ചു

  ബ്രോഷര്‍ പ്രകാശനം ചെയ്തു

  മുസ്‌ലിം ലീഗ് നേതാക്കള്‍ക്ക് സ്വീകരണം നല്‍കി

  ഇഫ്താര്‍ സംഗമം നടത്തി

  ഖുര്‍ആനിന്റെ വിസ്മയ തലങ്ങള്‍ തീര്‍ത്ത് ഹോളി ഖുര്‍ആന്‍ പ്രഭാഷണം

  ബാങ്കോട്-ഗള്‍ഫ് ജമാഅത്ത്; സമീര്‍ പ്രസി., സാബിത്ത് ജന.സെക്ര., ഖലീല്‍ ട്രഷ.

  'എം.ഐ.സി. മത-ഭൗതിക വിദ്യാഭ്യാസത്തിന്റെ ഉറവിടം'

  കരുണയുടേയും സഹജീവി സ്‌നേഹത്തിന്റെയും വക്താക്കളാവണം-യഹ്‌യ തളങ്കര

  'ബി.ജെ.പി. ഭരണത്തില്‍ ജനാധിപത്യത്തിന് ഭീഷണി'

  ഗസ്സാലി പ്രീമിയര്‍ ലീഗില്‍ ടൈഗേര്‍സ് ഗസ്സാലി ജേതാക്കള്‍

  'അവശത അനുഭവിക്കുന്ന ഉസ്താദുമാരെ സഹായിക്കും'