updated on:2019-05-16 06:35 PM
ജെ.സി.ഐ കാസര്‍കോടിന്റെ വിദ്യാഭ്യാസ സെമിനാറും ഉന്നത വിജയികള്‍ക്കുള്ള അനുമോദനവും 18, 19ന്

www.utharadesam.com 2019-05-16 06:35 PM,
കാസര്‍കോട്: ജെ.സി.ഐ. കാസര്‍കോടിന്റെ ആഭിമുഖ്യത്തില്‍ ജില്ലയിലെ ഏറ്റവും വലിയ വിദ്യാഭ്യാസ പ്രദര്‍ശനവും എസ്.എസ്.എല്‍.സി, പ്ലസ്ടു ഉന്നത വിജയികള്‍ക്കുള്ള അനുമോദനവും 18, 19 തിയ്യതികളില്‍ സംഘടിപ്പിക്കുമെന്ന് ഭാരവാഹികള്‍ പത്രസമ്മേളനത്തില്‍ അറിയിച്ചു.
പുതിയ ബസ് സ്റ്റാന്റിന് സമീപം സിറ്റി ടവറിന് എതിര്‍വശത്താണ് ചടങ്ങ് സംഘടിപ്പിക്കുന്നത്. രാവിലെ ഒമ്പതരയ്ക്കാണ് ചടങ്ങ്. ഇക്കഴിഞ്ഞ എസ്.എസ്.എല്‍.സി പരീക്ഷയില്‍ മുഴുവന്‍ വിഷയങ്ങള്‍ക്കും എ ഗ്രേഡോ എ പ്ലസ് ഗ്രേഡോ നേടിയവരും പ്ലസ് ടു പരീക്ഷയില്‍ 75 ശതമാനത്തില്‍ കൂടുതല്‍ മാര്‍ക്ക് നേടിയവരേയുമാണ് അനുമോദിക്കുന്നത്.
വിദഗ്ധരുടെ കരിയര്‍ ഗൈഡന്‍സ് ക്ലാസും വിദ്യാഭ്യാസ സെമിനാറും രണ്ട് ദിവസങ്ങളിലായി നടക്കും. വിദ്യാര്‍ത്ഥികള്‍ക്കും രക്ഷിതാക്കള്‍ക്കുമായി പ്രമുഖ കോളേജുകളുടെയും വിദ്യാഭ്യാസ സ്ഥാപനങ്ങളുടെയും പ്രദര്‍ശനവും നടത്തും. ചടങ്ങില്‍ റവന്യുമന്ത്രി ഇ. ചന്ദ്രശേഖരന്‍, എന്‍.എ. നെല്ലിക്കുന്ന് എം.എല്‍.എ, ജില്ലാ കലക്ടര്‍ ഡോ. ഡി. സജിത്ത് ബാബു തുടങ്ങിയവരും വിദ്യാഭ്യാസ പ്രമുഖരും സാംസ്‌കാരിക പ്രവര്‍ത്തകരും സംബന്ധിക്കും. അനുമോദനത്തിന് അര്‍ഹമായവര്‍ 9747392599, 9995238336 എന്നീ നമ്പറുകളില്‍ ബന്ധപ്പെടണം. ആദ്യം രജിസ്റ്റര്‍ ചെയ്യുന്ന 200 വീതം വിദ്യാര്‍ത്ഥികള്‍ക്കാണ് അവസരം.
പത്രസമ്മേളനത്തില്‍ പ്രസിഡണ്ട് എന്‍.എം. ഉമറുല്‍ ഫാറൂഖ്, പ്രോഗ്രാം കണ്‍വീനര്‍ എം.എ. സമീല്‍ അഹമദ്, വനിതാ വിഭാഗം മേഖലാ ഡയറക്ടര്‍ നഫീസത്ത് ഷിഫാനി, എന്‍.എ. ആസിഫ്, ജി. റഷാന്ത്, സഫ്‌വാന്‍ ചെടേക്കാല്‍ സംബന്ധിച്ചു.



Recent News
  മയാസ് മേനത്ത് സ്മാരക സ്വര്‍ണ്ണ മെഡല്‍ അഫ്‌സാനക്ക് സമ്മാനിച്ചു

  നേട്ടങ്ങളില്‍ അഭിരമിക്കാതെ ഉയരങ്ങള്‍ ലക്ഷ്യം വെക്കണം-ജില്ലാ കലക്ടര്‍

  പൂര്‍വ്വ വിദ്യാര്‍ത്ഥികള്‍ ഒത്തുകൂടി

  മദ്രസത്തുല്‍ ദീനിയ്യയുടെ മികച്ച പ്രവര്‍ത്തനങ്ങള്‍ക്ക് പിന്നില്‍ യുവാക്കള്‍-കുമ്പോല്‍ ഷമീം തങ്ങള്‍

  സഞ്ജീവ് ഭട്ടിനൊപ്പം; സോളിഡാരിറ്റിയുടെ ഐക്യദാര്‍ഢ്യം ശ്രദ്ധേയമായി

  'അഭയം' സൗജന്യ ഡയാലിസിസ് സെന്റര്‍ തിങ്കളാഴ്ച്ച പ്രവര്‍ത്തനം ആരംഭിക്കും

  ഫാദര്‍ മാത്യുവടക്കേമുറി സ്മാരക പുരസ്‌കാരം ദിവാകരന്‍ നീലേശ്വരത്തിന്

  വൃക്ക രോഗികള്‍ക്ക് മൊഗ്രാല്‍ പുത്തൂര്‍ പഞ്ചായത്ത് ഹീമോഗ്ലോബിന്‍ ഇഞ്ചക്ഷന്‍ സൗജന്യമായി നല്‍കുന്നു

  മൗലവി ഹജ്ജാവിഷ്‌കാരം 22ന് കാസര്‍കോട്ട്

  സി.പി.എം. പ്രവര്‍ത്തകര്‍ വിദ്യാനഗര്‍ പൊലീസ് സ്റ്റേഷന് മുന്നില്‍ കുത്തിയിരിപ്പ് സമരം നടത്തി

  കാഞ്ഞങ്ങാട്-പാണത്തൂര്‍ സംസ്ഥാന പാതക്ക് കിഫ്ബി സഹായം; ടെണ്ടര്‍ ഉടന്‍

  അസീസ് കരിപ്പൊടി അനുസ്മരണ യോഗം സംഘടിപ്പിച്ചു

  തളങ്കര പടിഞ്ഞാറില്‍ വെസ്റ്റേണ്‍ പ്രീ പ്രൈമറി സ്‌കൂള്‍ കെട്ടിടം ഉദ്ഘാടനം ചെയ്തു

  കോയിപ്പാടിയില്‍ കടല്‍ഭിത്തി നിര്‍മ്മിക്കാന്‍ സര്‍ക്കാറിനോട് ആവശ്യപ്പെടും -ഉണ്ണിത്താന്‍

  ഹൃദ്യലക്ഷ്മിയെ അനുമോദിച്ചു