updated on:2019-05-18 06:30 PM
ആയംകടവ് പാലം നിര്‍മ്മാണം പൂര്‍ത്തിയായിട്ടും അനുബന്ധ റോഡ് വികസനത്തിന് നടപടിയായില്ല

www.utharadesam.com 2019-05-18 06:30 PM,
പെരിയ: സംസ്ഥാനത്തെ ഏറ്റവും ഉയരം കൂടിയ പാലമെന്ന വിശേഷണവുമായി പതിനേഴ് കോടിയോളം രൂപ ചെലവഴിച്ചുള്ള ആയംകടവു പാലത്തിന്റെ നിര്‍മ്മാണം പൂര്‍ത്തിയാവുമ്പോഴും രണ്ടു കിലോമീറ്റര്‍ അനുബന്ധറോഡിന്റെ വികസനം ചുവപ്പുനാടയില്‍ കുടുങ്ങിക്കിടക്കുന്നു. ആയംകടവു പാലത്തില്‍ നിന്ന് പെരിയയിലേക്കുള്ള റോഡിന്റെ രണ്ടു കിലോമീറ്റര്‍ വീതി കൂട്ടി ടാര്‍ ചെയ്യുന്നതിനാവശ്യമായ നടപടികള്‍ ഇനിയും ബന്ധപ്പെട്ടവരുടെ ഭാഗത്തു നിന്നുണ്ടായിട്ടില്ല. പാലത്തിന്റെ പ്രയോജനം ലഭിക്കണമെങ്കില്‍ ഇപ്പോള്‍ കുണ്ടും കുഴിയുമായി കിടക്കുന്ന വീതി കുറഞ്ഞ റോഡിന്റെ വികസനം അനിവാര്യമാണെന്ന് നാട്ടുകാര്‍ ചൂണ്ടിക്കാട്ടുന്നു. കാസര്‍കോട് വികസന പാക്കേജില്‍ ഉള്‍പ്പെടുത്തിയ ആയംകടവു പാലം ഒരു പാടു വെല്ലുവിളികളെ അതിജീവിച്ചാണ് പൂര്‍ത്തീകരിച്ചത്. ചട്ടഞ്ചാലിലെ ജാസ്മിന്‍ കണ്‍സ്ട്രക്ഷന്‍ കമ്പനി ഇതിന്റെ നിര്‍മ്മാണം ഏറ്റെടുത്തപ്പോള്‍ പറഞ്ഞ സമയത്തിനകം പൂര്‍ത്തീകരിച്ചു കഴിഞ്ഞു. 52 തൂണുകളും 10 സ്പാനുകളുമുള്ള പാലത്തിന് 180 മീറ്ററാണ് നീളം. ദേശീയപാതയിലെ പെരിയ ബസാറില്‍ ചേരുന്ന ആയംകടവ് റോഡിന്റെ വികസനമാണ് ഇനി പൂര്‍ത്തീകരിക്കാനുള്ളത്.
ജില്ലാ കലക്ടറുടെ അനുമതി കിട്ടുന്നതിലുള്ള കാലതാമസമാണ് പ്രശ്‌നമെന്ന് കെ. കുഞ്ഞിരാമന്‍ എം.എല്‍.എ.പറയുന്നു.
പെരിയ ബസാറില്‍നിന്ന് ആയംകടവ് വഴി അഞ്ചുകിലോമീറ്റര്‍ യാത്ര ചെയ്താല്‍ പെര്‍ളടുക്കയിലെത്താം. നിലവില്‍ പൊയിനാച്ചി വഴി പെരിയയില്‍ എത്താന്‍ 11 കിലോമീറ്റര്‍ അധികയാത്ര ചെയ്യണം. പാലത്തിലേക്കുള്ള നാലു കിലോമീറ്റര്‍ ദൂരത്തില്‍ രണ്ടു കിലോമീറ്റര്‍ റോഡ് മാത്രമാണ് വീതി കൂട്ടി നവീകരിക്കാനുള്ളത്. പെര്‍ളടുക്കം മുതല്‍ ആയംകടവ് പാലം വരെ പദ്ധതിയുടെ ഭാഗമായി മെക്കാഡം റോഡ് ഒരുക്കിയ അതേ രീതിയില്‍ പെരിയ ബസാറിലേക്കുള്ള ശേഷിച്ച ഭാഗത്തും റോഡ് നവീകരിച്ച് പാലത്തിന്റെ പ്രയോജനം പൂര്‍ണതോതില്‍ അനുഭവിക്കാനുള്ള അവസരമുണ്ടാക്കണമെന്ന് നാട്ടുകാര്‍ ആവശ്യപ്പെടുന്നു.
റോഡ് വികസനത്തിന്റെ കാര്യത്തില്‍ എത്രയും പെട്ടെന്ന് നടപടിയുണ്ടാകുമെന്നും ജില്ലാ കലക്ടര്‍ക്ക് ഇതു സന്ധിച്ച് കത്തു നല്‍കിയിട്ടുണ്ടെന്നും കെ.കുഞ്ഞിരാമന്‍ എം.എല്‍.എ. പറഞ്ഞു. എം.എല്‍.എയും പൊതുമരാമത്ത് വകുപ്പ് ഉദ്യോഗസ്ഥരും ഇന്നലെ സ്ഥലം സന്ദര്‍ശിച്ച് പ്രവൃത്തി വിലയിരുത്തി.



Recent News
  മയാസ് മേനത്ത് സ്മാരക സ്വര്‍ണ്ണ മെഡല്‍ അഫ്‌സാനക്ക് സമ്മാനിച്ചു

  നേട്ടങ്ങളില്‍ അഭിരമിക്കാതെ ഉയരങ്ങള്‍ ലക്ഷ്യം വെക്കണം-ജില്ലാ കലക്ടര്‍

  പൂര്‍വ്വ വിദ്യാര്‍ത്ഥികള്‍ ഒത്തുകൂടി

  മദ്രസത്തുല്‍ ദീനിയ്യയുടെ മികച്ച പ്രവര്‍ത്തനങ്ങള്‍ക്ക് പിന്നില്‍ യുവാക്കള്‍-കുമ്പോല്‍ ഷമീം തങ്ങള്‍

  സഞ്ജീവ് ഭട്ടിനൊപ്പം; സോളിഡാരിറ്റിയുടെ ഐക്യദാര്‍ഢ്യം ശ്രദ്ധേയമായി

  'അഭയം' സൗജന്യ ഡയാലിസിസ് സെന്റര്‍ തിങ്കളാഴ്ച്ച പ്രവര്‍ത്തനം ആരംഭിക്കും

  ഫാദര്‍ മാത്യുവടക്കേമുറി സ്മാരക പുരസ്‌കാരം ദിവാകരന്‍ നീലേശ്വരത്തിന്

  വൃക്ക രോഗികള്‍ക്ക് മൊഗ്രാല്‍ പുത്തൂര്‍ പഞ്ചായത്ത് ഹീമോഗ്ലോബിന്‍ ഇഞ്ചക്ഷന്‍ സൗജന്യമായി നല്‍കുന്നു

  മൗലവി ഹജ്ജാവിഷ്‌കാരം 22ന് കാസര്‍കോട്ട്

  സി.പി.എം. പ്രവര്‍ത്തകര്‍ വിദ്യാനഗര്‍ പൊലീസ് സ്റ്റേഷന് മുന്നില്‍ കുത്തിയിരിപ്പ് സമരം നടത്തി

  കാഞ്ഞങ്ങാട്-പാണത്തൂര്‍ സംസ്ഥാന പാതക്ക് കിഫ്ബി സഹായം; ടെണ്ടര്‍ ഉടന്‍

  അസീസ് കരിപ്പൊടി അനുസ്മരണ യോഗം സംഘടിപ്പിച്ചു

  തളങ്കര പടിഞ്ഞാറില്‍ വെസ്റ്റേണ്‍ പ്രീ പ്രൈമറി സ്‌കൂള്‍ കെട്ടിടം ഉദ്ഘാടനം ചെയ്തു

  കോയിപ്പാടിയില്‍ കടല്‍ഭിത്തി നിര്‍മ്മിക്കാന്‍ സര്‍ക്കാറിനോട് ആവശ്യപ്പെടും -ഉണ്ണിത്താന്‍

  ഹൃദ്യലക്ഷ്മിയെ അനുമോദിച്ചു