updated on:2019-05-20 07:09 PM
പൂമ്പാറ്റക്കൂട്ടം ഉണര്‍ത്തു ക്യാമ്പ് നവ്യാനുഭവമായി

www.utharadesam.com 2019-05-20 07:09 PM,
ഉദുമ: അവധിക്കാലം ആഘോഷമാക്കി വര്‍ണ്ണ പൂമ്പാറ്റകള്‍ ചന്ദ്രഗിരിക്കരയില്‍ പറന്നിറങ്ങി. താളവും മേളവും പാട്ടും കൂത്തും കളിയും ചിരിയുമായി നാടിന്റെ നാനാഭാഗത്തു നിന്നും പൂമ്പാറ്റകള്‍ ഈ അവധികാലത്ത് അറിവിന്റെ വര്‍ണ്ണ വിസ്മയം തീര്‍ത്തു.
പാറക്കടവ്- അംബാപുരം മൈത്രി വായനശാല ആന്റ് ഗ്രന്ഥാലയം, കളനാട് വാണിയര്‍ മൂല നവഭാരത് വായനശാല ആന്റ് ഗ്രന്ഥാലയം, ഹൊസ്ദുര്‍ഗ്ഗ് താലൂക്ക് ലൈബ്രറി കൗണ്‍സില്‍ എന്നിവയുടെ സംയുക്താഭിമുഖ്യത്തില്‍ ചന്ദ്രഗിരി കടവത്ത് നടന്ന ചന്ദ്രഗിരി കരയിലൊരു പൂമ്പാറ്റക്കൂട്ടം ഉണര്‍ത്തു ക്യാമ്പ് വാര്‍ഡ് മെമ്പര്‍ സൈത്തൂന്‍ അഹമ്മദ് ഉദ്ഘാടനം ചെയ്തു.
എ. പത്മനാഭന്‍ അധ്യക്ഷത വഹിച്ചു. കെ.വി.ഗോപാലന്‍ മാങ്ങാട് സ്വാഗതം പറഞ്ഞു. ക്യാമ്പ് കോ ഓര്‍ഡിനേറ്റര്‍ മോഹനനന്‍ മാങ്ങാട്, ശാലിനി ദാമോദരന്‍, കെ.ടി. ചന്ദ്രന്‍, ഖലീല്‍ കടവത്ത്, പി.കെ. അശോകന്‍, സുനില്‍ മാങ്ങാട്, കബീര്‍ കടവത്ത്, ബാലാമണി വാണിയമൂല എന്നിവര്‍ പ്രസംഗിച്ചു.
കുട്ടികളുടെ മാനസികോല്ലാസത്തിനുള്ള വിവിധ ഗെയിമുകള്‍, നാടന്‍ കളികള്‍, നാടന്‍ പാട്ടുകള്‍, കരകൗശല നിര്‍മ്മാണം, ഉണര്‍ത്തുപാട്ട്, ഒറിഗാമി, അറിവ്, ഉറവകള്‍, സംവാദങ്ങള്‍, പുഴ നടത്തം, നാട്ടറിവുകള്‍, വിത്തെറിയല്‍ എന്നിവ നടത്തി.
ജി.ബി വല്‍സന്‍, ലോഹി മുന്നാട്, വി.കെ. സത്യന്‍, പയോട്ട അന്ത്രു, ടി. രാജന്‍ എന്നിവര്‍ വിവിധ രസക്കൂട്ടുകള്‍ ഒരുക്കി. അമ്മമാരുടെ നേതൃത്വത്തില്‍ കമ്മ്യൂണിറ്റി കിച്ചണ്‍, നാട്ടുകാരുടെ നേതൃത്വത്തില്‍ സ്‌നേഹ മഴ, ഭൂമിയെ പുഷ്പിണിയാക്കാന്‍ വിത്ത് ബോംബിഗ് എന്നിവയും ഒരുക്കി. കുട്ടികള്‍ അപ്പൂപ്പന്‍ താടിയൊടൊപ്പം സഞ്ചരിച്ച്, വിത്ത് വിതരണത്തില്‍ പ്രകൃതിയുടെ സ്വാഭാവികതയറിയാന്‍, കാറ്റിന്റെ ഗതിയറിഞ്ഞ് അപ്പൂപ്പന്‍ താടി പറത്തി. ക്യാമ്പ് സോങ്ങ് പാടി അവധികാല ക്യാമ്പിന് സമാപനം കുറിച്ചു.



Recent News
  കൊറഗ വിഭാഗത്തിലെ ആദ്യ എം.ഫില്‍കാരി ബീഡി തെറുക്കുകയാണ്

  കാസര്‍കോടിന്റെ പൊരിവെയിലത്ത് കുറേ നാള്‍ എം.ജെ രാധാകൃഷ്ണന്‍ ഉണ്ടായിരുന്നു

  ചേരിപ്പാടി സ്‌കൂളിലേക്ക് സ്‌നേഹ സമ്മാനവുമായി ജര്‍മ്മന്‍ ദമ്പതികളെത്തി

  കുക്കു എന്ന് വിളിക്കുമ്പോള്‍ പറന്നുവന്ന് ബഷീറിന്റെ കൈകളിലിരിക്കും ഈ കറുത്ത കുയില്‍

  ദേശീയപാതയോരങ്ങളില്‍ വ്യാപകമായി മാലിന്യം തള്ളുന്നു; അധികാരികള്‍ മൗനത്തില്‍

  ഒടുവില്‍ നഗരസഭ കനിഞ്ഞു; കെ.പി.ആര്‍.റാവു റോഡിന് ശാപമോക്ഷമാവുന്നു

  രണ്ടുപതിറ്റാണ്ടോളമായി കാത്തിരിപ്പ്; മൊഗ്രാല്‍ കാടിയംകുളം കുടിവെള്ള പദ്ധതി യാഥാര്‍ത്ഥ്യമായില്ല

  ബേക്കല്‍ ജംഗ്ഷനില്‍ വെള്ളം കെട്ടികിടക്കുന്നത് ദുരിതമാകുന്നു

  ബഷീര്‍ നിറഞ്ഞ് ഇമ്മിണി ബല്യ രണ്ട് ക്ലാസ് മുറികള്‍

  മഴപ്പൊലിമ നാടിന്റെ ഉത്സവമായി

  സന്ധ്യമയങ്ങിയാല്‍ കെ.എസ്.ആര്‍.ടി.സി. ബസുകള്‍ കുമ്പള സ്റ്റാന്റില്‍ കയറുന്നില്ല; യാത്രക്കാര്‍ വലയുന്നു

  മാലിന്യപ്രശ്‌നം: ചെര്‍ക്കള ടൗണ്‍ കന്നുകാലികളും തെരുവ് നായ്ക്കളും കയ്യടക്കി

  മഴ കുറയുന്നു; പുതച്ചുറങ്ങാന്‍ ആര്‍ക്കും കമ്പിളി വേണ്ട

  അന്ധനായ നാരായണന് പെന്‍ഷന്‍ നിഷേധിച്ച് അധികാരികളുടെ ക്രൂര വിനോദം; എന്‍ഡോസള്‍ഫാന്‍ ഇരയായിട്ടും ആനുകൂല്യങ്ങളില്ല

  മുന്നാട് എ.യു.പി സ്‌കൂളില്‍ ജൈവ പച്ചക്കറി കൃഷിയുമായി പി.ടി.എ