updated on:2019-05-24 07:42 PM
കോണ്‍ഗ്രസ് നേതാവ് ബാലകൃഷ്ണ വോര്‍കൂട്‌ലു അന്തരിച്ചു

www.utharadesam.com 2019-05-24 07:42 PM,
എടനീര്‍: കെ.പി.സി.സി. നിര്‍വ്വാഹക സമിതി അംഗവും ചെങ്കള സര്‍വ്വീസ് സഹകരണ ബാങ്ക് പ്രസിഡണ്ടുമായ ബാലകൃഷ്ണ വോര്‍കൂട്‌ലു അന്തരിച്ചു. 70 വയസായിരുന്നു. ഹൃദയ സംബന്ധമായ അസുഖം ഉണ്ടായിരുന്നു. നെഞ്ചുവേദന അനുഭവപ്പെട്ടതിനെ തുടര്‍ന്ന് ഇന്ന് പുലര്‍ച്ചെ മൂന്ന് മണിയോടെ കാസര്‍കോട്ടെ സ്വകാര്യാസ്പത്രിയില്‍ പ്രവേശിപ്പിച്ചതായിരുന്നു. രാവിലെ എട്ടരയോടെയാണ് മരിച്ചത്.
ദീര്‍ഘ കാലം എടനീര്‍ സ്വാമിജീസ് ഹയര്‍സെക്കണ്ടറി സ്‌കൂളില്‍ അധ്യാപകനായിരുന്ന ബാലകൃഷ്ണ മാസ്റ്റര്‍ സംസ്ഥാന അധ്യാപക അവാര്‍ഡ് ജേതാവ് കൂടിയാണ്.
സഹകരണ മേഖലയെ ജില്ലയില്‍ സജീവമാക്കുന്നതിന് ഏറെ പ്രയത്‌നിച്ചു. ജില്ലാ സര്‍വ്വീസ് സഹകരണ ബാങ്ക് മുന്‍ അഡ്മനിസ്‌ട്രേറ്റീവ് കണ്‍വീനര്‍, കാര്‍ഷിക വികസന ബാങ്ക് ഡയറക്ടര്‍, സംസ്ഥാന സര്‍വ്വീസ് സഹകരണ ബാങ്ക് ഡയറക്ടര്‍ തുടങ്ങിയ നിലകളില്‍ പ്രവര്‍ത്തിച്ചിരുന്നു. അഖിലേന്ത്യാ യാദവ സഭ കേന്ദ്ര കമ്മിറ്റി അംഗം, ജില്ലാ പ്രസിഡണ്ട് എന്നീ നിലകളില്‍ പ്രവര്‍ത്തിച്ച അദ്ദേഹം നിലവില്‍ യാദവ സഭ അഡൈ്വസറി കമ്മിറ്റി അംഗമാണ്. ഡി.സി.സി. ജനറല്‍ സെക്രട്ടറിയായും പ്രവര്‍ത്തിച്ചു. മൃതദേഹം ഡി.സി.സി. ഓഫീസ്, ചെങ്കള സര്‍വ്വീസ് സഹകരണ ബാങ്ക്, എടനീര്‍ എന്നിവിടങ്ങളില്‍ പൊതു ദര്‍ശനത്തിന് വെച്ചു. വൈകിട്ടോടെ വീട്ടു പറമ്പില്‍ സംസ്‌കരിക്കും. ചെങ്കള പഞ്ചായത്ത് വൈസ് പ്രസിഡണ്ട് ശാന്തകുമാരി ടീച്ചറാണ് ഭാര്യ. മക്കള്‍: ദീപക് യാദവ്, ദീപ്തി. മരുമക്കള്‍: ആരതി, രാജേഷ്. സഹോദരങ്ങള്‍: കരുണാകരന്‍, മാധവന്‍, ഭരത് രാജ്, രാജീവി, സുശീല, സരോജിനി, ലീലാവതി, ചിത്രകല, പരേതയായ സരസ്വതി. മരണ വിവരമറിഞ്ഞ് നിയുക്തഎം.പി. രാജ്‌മോഹന്‍ ഉണ്ണിത്താന്‍, എന്‍.എ. നെല്ലിക്കുന്ന് എം.എല്‍.എ., ഹക്കീം കുന്നില്‍, എം.സി. ഖമറുദ്ദീന്‍, സി.എച്ച്. കുഞ്ഞമ്പു, കെ. നീലകണ്ഠന്‍, എം. സഞ്ചീവ ഷെട്ടി, ടി.കെ. രാജന്‍, ടി.എ. അഷ്‌റഫലി തുടങ്ങിയവര്‍ വീട്ടിലെത്തി അനുശോചിച്ചു.



Recent News
  സ്വര്‍ണവില കുതിച്ചുയരുന്നു

  കോളേജില്‍ നിന്ന് ടി.സി.നല്‍കി പറഞ്ഞുവിട്ട ഡിഗ്രി വിദ്യാര്‍ത്ഥി തൂങ്ങിമരിച്ച നിലയില്‍

  പുതിയ ബസ്സ്റ്റാന്റില്‍ ഗാന്ധി സ്‌ക്വയര്‍ മാതൃകയില്‍ പദ്ധതി തയ്യാറാക്കുന്നു

  ഗോവയില്‍ നിന്ന് കാസര്‍കോട്ടേക്ക് രാസപദാര്‍ത്ഥം കലര്‍ത്തിയ മത്സ്യം ഒഴുകുന്നു

  കാലവര്‍ഷം കനത്തതോടെ ജില്ലയില്‍ വ്യാപകമായി റോഡുകള്‍ തകര്‍ന്നു; അപകടങ്ങള്‍ പതിവാകുന്നു

  ലളിത കലാസദനം വീണ്ടും ഉണര്‍ന്നു; റബ്ഡി കാണാന്‍ നിരവധി പേരെത്തി

  തെരുവത്ത് ഹാഷിം സ്ട്രീറ്റ് ഹൊസമനക്കാടിലെ റോഡില്‍ കൈയെത്തും ദൂരത്ത് വൈദ്യുതി കമ്പികള്‍

  ജാനകി വധക്കേസിന്റെ വിചാരണ ആഗസ്റ്റ് 8ന് ആരംഭിക്കും

  എ.എം ദാമോദരന്‍ നായര്‍ അന്തരിച്ചു

  ഫോണ്‍ വഴി മദ്യവില്‍പ്പന; യുവാവ് അറസ്റ്റില്‍

  കര്‍ണാടക നിര്‍മ്മിത മദ്യവുമായി രണ്ടുപേര്‍ അറസ്റ്റില്‍

  അഞ്ചു വയസ്സുകാരന്റെ മരണം മുറിയനാവിയെ ദുഃഖസാന്ദ്രമാക്കി

  എച്ച്.എ മുഹമ്മദ് മാസ്റ്റര്‍ അന്തരിച്ചു

  ആംബുലന്‍സ് ലഭിക്കാത്തതിനാല്‍ ചികിത്സ വൈകി; ജോലിക്കിടെ ഷോക്കേറ്റ യുവാവ് മരിച്ചു

  കലക്ടറേറ്റില്‍ യോഗ ദിനാചരണം നടത്തി