updated on:2018-06-19 08:11 PM
കാണാതായ പെണ്‍കുട്ടിയെ കോഴിക്കോട്ട് കണ്ടെത്തി; യുവാവിനെതിരെ പോക്‌സോ നിയമപ്രകാരം കേസ്

www.utharadesam.com 2018-06-19 08:11 PM,
ബദിയടുക്ക: ബദിയടുക്കയില്‍ നിന്ന് കാണാതായ 16 കാരിയെ കോഴിക്കോട്ട് കണ്ടെത്തി. അതേസമയം പെണ്‍കുട്ടിയെ പീഡിപ്പിക്കാന്‍ ശ്രമിച്ചുവെന്ന പരാതിയില്‍ യുവാവിനെതിരെ പോക്‌സോ നിയമപ്രകാരം കേസെടുത്തു.
ബദിയടുക്ക സ്റ്റേഷന്‍ പരിധിയിലെ 16 കാരിയെ മൂന്ന് ദിവസം മുമ്പാണ് കാണാതായത്. ബന്ധു നല്‍കിയ പരാതിയില്‍ ബദിയടുക്ക പൊലീസ് അന്വേഷിച്ചുവരികായിരുന്നു. ടവര്‍ ലൊക്കേഷന്‍ അടിസ്ഥാനമാക്കി നടത്തിയ പരിശോധനയില്‍ പെണ്‍കുട്ടി കോഴിക്കോട്ടുള്ളതായി കണ്ടെത്തി. അതിനിടെ റെയില്‍വേ സ്റ്റേഷനില്‍ സംശയസാഹചര്യത്തില്‍ കണ്ട പെണ്‍കുട്ടിയെ കോഴിക്കോട് പൊലീസ് കസ്റ്റഡിയിലെടുത്ത് മഹിളാ മന്ദിരത്തിലേക്ക് മാറ്റുകയായിരുന്നു. പിന്നീട് ബദിയടുക്കയില്‍ നിന്ന് വനിതാ പൊലീസ് എത്തി പെണ്‍കുട്ടിയെ നാട്ടിലേക്ക് കൊണ്ടുവന്നു. ചോദ്യം ചെയ്യലില്‍ രണ്ട് വര്‍ഷത്തോളമായി ഒരു യുവാവുമായി പ്രണയത്തിലായിരുന്നുവെന്ന് മൊഴി നല്‍കി. യുവാവ് അസുഖം ബാധിച്ച് എറണാകുളത്ത് ചികിത്സയിലാണെന്ന് അറിഞ്ഞതോടെ അങ്ങോട്ടേക്ക് പോവുകയായിരുന്നു. എന്നാല്‍ യുവാവിന്റെ ഫോണ്‍ പ്രതികരിക്കാത്തതിനാല്‍ കോഴിക്കോട്ട് ഇറങ്ങുകയായിരുന്നുവെന്നാണ് പെണ്‍കുട്ടി മൊഴി നല്‍കിയത്. കഴിഞ്ഞ രണ്ട് വര്‍ഷത്തോളമായി വിവിധ സ്ഥലങ്ങളില്‍ കൊണ്ടുപോയി യുവാവ് പീഡിപ്പിക്കാന്‍ ശ്രമിച്ചുവെന്ന മൊഴിയുടെ അടിസ്ഥാനത്തിലാണ് യുവാവിനെതിരെ പോക്‌സോ നിയമപ്രകാരം കേസെടുത്തത്.



Recent News
  ഇന്റര്‍വ്യൂ തിങ്കളാഴ്ച

  ലോകകപ്പ്; പ്രവചന മത്സരവുമായി പ്രസ്‌ക്ലബ്ബ്

  സുല്‍ത്താന്‍ ഗോള്‍ഡില്‍ ലോകകപ്പ് പ്രവചന മത്സരം

  പ്രവേശനത്തിന് അപേക്ഷ ക്ഷണിച്ചു

  ദിനകര്‍ റൈ മികച്ച റോട്ടറി പ്രസിഡണ്ട്

  മാലിക് ദീനാര്‍ നഴ്‌സിംഗ് കോളേജില്‍ ഡി.എം.എല്‍.ടി കോഴ്‌സ് ആരംഭിച്ചു

  ഖലീല്‍ ഹുദവിയുടെ റമദാന്‍ പ്രഭാഷണം നാളെ

  ആരിക്കാടി ക്ഷേത്രം ദൃഢകലശം മാറ്റിവെച്ചു

  എല്‍.ബി.എസ് എഞ്ചിനീയറിംഗ് കോളേജില്‍ 21, 22 തീയതികളില്‍ കാമ്പസ് റിക്രൂട്ട്‌മെന്റ്

  തലമുറ സംഗമം 23ന് കാസര്‍കോട്ട്

  തൈകള്‍ വില്‍പ്പനയ്ക്ക്

  വ്യക്തിഗത ആനുകൂല്യങ്ങള്‍ക്കുള്ള അപേക്ഷാ ഫോറം വിതരണം തുടങ്ങി

  കിണര്‍ റീചാര്‍ജ്ജ് യൂണിറ്റിന് അപേക്ഷ ക്ഷണിച്ചു

  ഖുര്‍ആന്‍ വിജ്ഞാന പരീക്ഷക്ക് 24 കേന്ദ്രങ്ങള്‍

  കേരള മീഡിയ അക്കാദമി ഡിപ്ലോമ കോഴ്‌സുകള്‍ക്ക് അപേക്ഷ ക്ഷണിച്ചു