updated on:2017-10-12 12:00 PM
സോളാര്‍ റിപ്പോര്‍ട്ടിന്റെ പൂര്‍ണ്ണരൂപം ആവശ്യപ്പെട്ട് കോണ്‍ഗ്രസ് കോടതിയിലേക്ക്

www.utharadesam.com 2017-10-12 12:00 PM,
തിരുവനന്തപുരം: സോളാര്‍ കമ്മീഷന്‍ റിപ്പോര്‍ട്ട് പുറത്തുവിടണമെന്ന് ആവശ്യപ്പെട്ട് കോണ്‍ഗ്രസ് കോടതിയെ സമീപിക്കും.
റിപ്പോര്‍ട്ടിന്റെ പൂര്‍ണ്ണ രൂപം ആവശ്യപ്പെട്ട് സര്‍ക്കാറിനേയും സമീപിക്കുന്നുണ്ട്. സര്‍ക്കാര്‍ റിപ്പോര്‍ട്ട് നല്‍കാന്‍ തയ്യാറാകാത്ത പക്ഷം കോടതിയെ സമീപിച്ച് റിപ്പോര്‍ട്ട് ലഭ്യമാക്കാനാണ് നീക്കം. ഇതുസംബന്ധിച്ച് ഇന്ന് വൈകിട്ടോടെ തീരുമാനമുണ്ടാകും. കോണ്‍ഗ്രസ് നേതാക്കളെ കൂട്ടത്തോടെ കേസില്‍പെടുത്താനിടയായ സാഹചര്യം റിപ്പോര്‍ട്ടിലുണ്ടോ എന്ന് പരിശോധിക്കണമെങ്കില്‍ റിപ്പോര്‍ട്ടിന്റെ പൂര്‍ണ്ണ രൂപം ലഭിക്കേണ്ടതുണ്ട്. കേസിനെ എങ്ങനെ നേരിടണമെന്നത് സംബന്ധിച്ച് നിയമവിദഗ്ധരുമായി കൂടിയാലോചന നടത്തിവരികയാണ്. സോളാര്‍ കമ്മീഷന്‍ റിപ്പോര്‍ട്ടും സര്‍ക്കാര്‍ നിലപാടും പൊരുത്തക്കേടുണ്ടാകുന്നതായി സംശയമുണ്ട്. ഇക്കാര്യത്തില്‍ വ്യക്തത വരുത്തുന്നതിന് റിപ്പോര്‍ട്ടിന്റെ പൂര്‍ണ്ണരൂപം വേണം. അതിനിടെ സോളാര്‍ കമ്മീഷന്‍ റിപ്പോര്‍ട്ടില്‍ കോണ്‍ഗ്രസ് നേതാക്കള്‍ ഒന്നാകെ കുടുങ്ങിയ സാഹചര്യത്തെപ്പറ്റി രാഹുല്‍ഗാന്ധി കേരളത്തിന്റെ ചുമതലയുള്ള സെക്രട്ടറി മുകുള്‍ വാസ്‌നിക്കിനോട് റിപ്പോര്‍ട്ട് ആവശ്യപ്പെട്ടു. പ്രതിപക്ഷ നേതാവ് രമേശ് ചെന്നിത്തല ആന്റണിയടക്കമുള്ള നേതാക്കളുമായി ഇക്കാര്യത്തെപ്പറ്റി ചര്‍ച്ച നടത്താന്‍ ഇന്ന് വൈകിട്ട് ഡല്‍ഹിക്ക് തിരിക്കും. രാഹുല്‍ ഗാന്ധിയുമായും കൂടിക്കാഴ്ച നടത്തും.
അതേസമയം ഇന്നലെ മുഖ്യമന്ത്രി പ്രഖ്യാപിച്ച അന്വേഷണം വേഗത്തിലാക്കാനുള്ള നടപടിയും സര്‍ക്കാര്‍ സ്വീകരിച്ചുവരികയാണ്. അന്വേഷണ കമ്മീഷന്‍ ഇന്ന് വൈകിട്ട് യോഗം ചേര്‍ന്ന് കേസന്വേഷണത്തിന്റെ വഴികള്‍ ചര്‍ച്ച ചെയ്യുകയും കമ്മീഷന്‍ വിപുലീകരിക്കുകയും ചെയ്യും. ഉമ്മന്‍ചാണ്ടി, രമേശ് ചെന്നിത്തല തുടങ്ങിയവരെ രാഹുല്‍ഗാന്ധി ഡല്‍ഹിക്ക് വിളിപ്പിച്ചു.



Recent News
  തോമസ് ചാണ്ടിക്ക് ആശ്വാസം; മന:പൂര്‍വ്വമുള്ള കയ്യേറ്റമല്ലെന്ന് കോടതി

  മാണി കോഴ വാങ്ങിയതിന് തെളിവില്ല ബാര്‍ കോഴക്കേസ് വിജിലന്‍സ് അവസാനിപ്പിക്കുന്നു

  മലപ്പുറത്ത് എടിഎം തകർത്ത് കവർച്ചാ ശ്രമം

  ജയലളിതയുടെ മകളാണെന്ന അവകാശം;ഡി.എന്‍.എ. ടെസ്റ്റ് നടത്തും

  സുപ്രീംകോടതി പ്രതിസന്ധി രൂക്ഷം; ജഡ്ജിമാര്‍ തമ്മില്‍ വാക്കേറ്റം

  തോമസ് ചാണ്ടിക്കെതിരെ വിജിലന്‍സ് എഫ്.ഐ.ആര്‍

  കൊച്ചി ഉദയംപേരൂര്‍ നീതു കൊലക്കേസ് പ്രതി ജീവനൊടുക്കി

  സുപ്രീംകോടതി പ്രതിസന്ധി പരിഹരിച്ചു: അറ്റോർണി ജനറൽ

  കാലിഫോര്‍ണിയയിലെ മണ്ണിടിച്ചില്‍: മരണ സംഖ്യ 20 ആയി

  വാഹനാപകടത്തില്‍ ഒരു കുടുംബത്തിലെ മൂന്ന് പേര്‍ മരിച്ചു

  ആലുവയില്‍ വീട് കുത്തിത്തുറന്ന് 100 പവനും ഒരുലക്ഷം രൂപയും കവര്‍ന്നു

  സെക്രട്ടറിയേറ്റിന് മുന്നില്‍ യുവാവിന്റെ സമരം 765-ാം ദിവസം; പിന്തുണയുമായി ടൊവിനോയുമെത്തി

  സുപ്രീം കോടതിയിലെ പ്രതിസന്ധി; സമവായത്തിന് വഴിതെളിയുന്നു

  ഇന്ത്യന്‍ കരസേനാ മേധാവിയുടെ പരാമര്‍ശം ആണവ ഏറ്റുമുട്ടലിലേക്ക് നയിക്കുമെന്ന് പാക്കിസ്താന്‍

  സര്‍ക്കാരിനെതിരെ വിമർശനവുമായി വെള്ളാപ്പള്ളി നടേശൻ