updated on:2017-11-14 06:15 PM
മന്ത്രിക്ക് സര്‍ക്കാറിനെതിരെ കേസ് കൊടുക്കാനാവുമോ ? തോമസ് ചാണ്ടിക്ക് കോടതിയുടെ രൂക്ഷ വിമര്‍ശനം

www.utharadesam.com 2017-11-14 06:15 PM,
കൊച്ചി: മന്ത്രി തോമസ് ചാണ്ടിക്ക് ഇന്നും ഹൈക്കോടതിയുടെ രൂക്ഷവിമര്‍ശനം. സര്‍ക്കാറിന്റെ ഭാഗമായ ജില്ലാ കലക്ടര്‍ നല്‍കിയ ഹരജിയെ ഒരു മന്ത്രിക്ക് എങ്ങനെ ചോദ്യം ചെയ്യാനാവുമെന്ന് ഹൈക്കോടതി ചോദിച്ചു. മന്ത്രിമാര്‍ ഇത്തരം കേസുകള്‍ ഫയല്‍ ചെയ്യുന്നത് അപൂര്‍വ്വമാണ്. വ്യക്തി എന്ന നിലയില്‍ ഹരജി നല്‍കാം. പക്ഷെ സര്‍ക്കാറിന്റെ ഭാഗമായ മന്ത്രിക്ക് അതിനാവില്ല. ചീഫ് സെക്രട്ടറിയാണ് ഇത്തരം കാര്യങ്ങള്‍ കൈകാര്യം ചെയ്യേണ്ടതെന്നും കോടതി സൂചിപ്പിച്ചു. മന്ത്രി തോമസ് ചാണ്ടി ഉള്‍പ്പെട്ട ഭൂമി കയ്യേറ്റം സംബന്ധിച്ച ആലപ്പുഴ ജില്ലാ കലക്ടറുടെ റിപ്പോര്‍ട്ട് റദ്ദാക്കണമെന്നാവശ്യപ്പെട്ടാണ് കോടതിയെ സമീപിച്ചത്. സര്‍ക്കാറിനെതിരെ കോടതിയെ സമീപിച്ച മന്ത്രിയുടെ നടപടിക്കെതിരെ എല്‍.ഡി.എഫില്‍ രൂക്ഷവിമര്‍ശനമുയര്‍ന്നിരുന്നു. ഹരജിയില്‍ ആദ്യ വാചകത്തില്‍ തന്നെ മന്ത്രി എന്ന് പറഞ്ഞിരുന്നു.
മന്ത്രി ഭരണസംവിധാനത്തെ ചോദ്യം ചെയ്യുന്നത് എങ്ങനെയെന്ന് വിശദീകരിച്ചതിന് ശേഷം തുടര്‍ നടപടിയിലേക്ക് പോയാല്‍ മതിയെന്ന് കോടതി പറഞ്ഞു. തോമസ് ചാണ്ടി നല്‍കിയതടക്കം നാല് കേസുകളാണ് ഇന്ന് കോടതി പരിഗണിക്കുന്നത്.
മന്ത്രിക്ക് കൂട്ടുത്തരവാദിത്വം നഷ്ടമായെന്നും ഹരജിയെ സര്‍ക്കാര്‍ എതിര്‍ക്കാതിരുന്നത് ആശ്ചര്യമെന്നും കോടതി പറഞ്ഞു.
കോണ്‍ഗ്രസിന്റെ രാജ്യസഭാ എം.പി സുപ്രിംകോടതിയിലെ അഭിഭാഷകന്‍ കൂടിയായ വിവേക് തന്‍ഖയാണ് മന്ത്രിക്ക് വേണ്ടി ഹാജരായത്. തന്‍ഖയെ കോടതിയിലെത്തുന്നതിന് മുമ്പ് യൂത്ത് കോണ്‍ഗ്രസ് പ്രവര്‍ത്തകര്‍ അദ്ദേഹത്തെ കരിങ്കൊടി കാണിക്കുകയും കാറിന് മുകളില്‍ കയറി യാത്ര തടസ്സപ്പെടുത്താനും ശ്രമിച്ചു.



എജിയുടെ റിപ്പോര്‍ട്ട് ചീഫ് സെക്രട്ടറിക്ക് കൈമാറി

തിരുവനന്തപുരം: മന്ത്രി തോമസ് ചാണ്ടിയുടെ രാജി സംബന്ധിച്ച് സര്‍ക്കാര്‍ നടപടി തുടങ്ങി. എജി നല്‍കിയ നിയമോപദേശം മുഖ്യമന്ത്രി ചീഫി സെക്രട്ടറിക്ക് കൈമാറി. ഇടതുമുന്നണി രാഷ്ട്രീയമായ നിലപാട് എടുത്തുകഴിഞ്ഞു. ഇനി സര്‍ക്കാര്‍ തലത്തിലുള്ള നടപടിയാണ് ഉണ്ടാവേണ്ടത്.



Recent News
  ക്യാപ്റ്റന്‍ രാജു വിടവാങ്ങി

  ബിഷപ്പിന്റെ അറസ്റ്റ് വൈകുന്നത് മൊഴികളിലെ വൈരുദ്ധ്യംമൂലം

  വീണ്ടും വെന്നിക്കൊടി പറത്തി മൂസാ ഷരീഫ്

  ജലന്ധര്‍ ബിഷപ്പിനെതിരായ കേസ്; പൊലീസ് അന്വേഷണത്തില്‍ വിശ്വാസമെന്ന് കാനം രാജേന്ദ്രന്‍

  പി.കെ. ശശിക്ക് എംഎല്‍എ എന്ന പരിഗണന ലഭിക്കില്ലെന്ന് സ്പീക്കര്‍

  അണക്കെട്ടുകള്‍ തുറന്നു വിട്ടത് കൊണ്ട് ആരും മരിച്ചിട്ടില്ലെന്ന് എം.എം.മണി

  പത്രപ്രവര്‍ത്തകനേയും ഭാര്യയേയും കെട്ടിയിട്ട് മുഖംമൂടി സംഘം 25 പവനും പണവും കവര്‍ന്നു

  സ്വവര്‍ഗ ലൈംഗികത ക്രിമിനല്‍ കുറ്റമല്ല

  ശശിക്കെതിരെ നടപടിയുണ്ടാകുമെന്ന് വിഎസ്; പക്ഷം പിടിക്കാനില്ലെന്ന് ശൈലജ

  എ.ബി.വി.പി. പ്രവര്‍ത്തകനെ വെട്ടിക്കൊന്ന കേസിലെ സൂത്രധാരന്‍ പിടിയില്‍

  മുഖ്യമന്ത്രി അമേരിക്കയിലേക്ക് പുറപ്പെട്ടു

  തെലുങ്കാനയില്‍ തിരഞ്ഞെടുപ്പ് നേരത്തെയാക്കാന്‍ നീക്കം; എതിര്‍പ്പുമായി കോണ്‍ഗ്രസ്

  കേരളത്തിന്റെ പുനര്‍നിര്‍മ്മാണത്തിന് കേന്ദ്രം പ്രത്യേക പാക്കേജ് നല്‍കണം-രാഹുല്‍ ഗാന്ധി

  പ്രളയം തകര്‍ത്തെറിഞ്ഞ കേരളത്തില്‍ കാര്‍ഷിക മേഖലയ്ക്ക് മാത്രം 1,361 കോടി രൂപയുടെ നഷ്ടം

  കേരളം കരകയറുന്നു