updated on:2018-01-11 07:55 AM
ഓഖി:തിരിച്ചറിയാന്‍ കഴിയാത്ത മൃതദേഹങ്ങള്‍ 22ന് സംസ്‌കരിക്കും

www.utharadesam.com 2018-01-11 07:55 AM,
തിരുവനന്തപുരം: ഓഖി ചുഴലിക്കാറ്റിനു ശേഷം കടലില്‍നിന്നു കണ്ടെടുത്തവയില്‍ തിരിച്ചറിയാന്‍ കഴിയാത്ത മൃതദേഹങ്ങള്‍ 22-നു സംസ്‌കരിക്കും. 16 മൃതദേഹങ്ങളാണ് ഉറ്റവരെത്താതെ വിവിധ സര്‍ക്കാര്‍ ആശുപത്രികളിലെ മോര്‍ച്ചറികളിലുള്ളത്. കണ്ടെടുത്ത് 30 ദിവസത്തില്‍ കൂടുതലായവയും ഇതിലുണ്ട്. പലതും കടലില്‍നിന്നു കണ്ടെടുക്കുമ്പോള്‍ത്തന്നെ അഴുകിയ നിലയിലായിരുന്നു.
എറണാകുളത്ത് അഞ്ചും മലപ്പുറം, കണ്ണൂര്‍, കോഴിക്കോട് എന്നിവിടങ്ങളില്‍ മൂന്നു വീതവും തൃശൂരിലും മലപ്പുറത്തും ഒന്നു വീതവും മൃതദേഹങ്ങളാണ് തിരിച്ചറിയാതെയുള്ളത്. ഓഖി ദുരന്തത്തില്‍ ബന്ധുക്കളെ കടലില്‍ കാണാതായെന്നു പരാതി നല്‍കിയവരുടെ ഡി.എന്‍.എ. പരിശോധന രാജീവ്ഗാന്ധി ഇന്‍സ്റ്റിറ്റ്യൂട്ട് ഓഫ് ബയോ ടെക്‌നോളജിയില്‍ നടക്കുന്നുണ്ട്. ഇത് 22 വരെ തുടരാനാണു തീരുമാനം.

ഏതെങ്കിലും തരത്തില്‍ മൃതദേഹം തിരിച്ചറിയാന്‍ കഴിയുമോ എന്നറിയാനായി കാണാതായവരുടെ ബന്ധുക്കളുമായി എല്ലാ തീരദേശത്തും ഉദ്യോഗസ്ഥര്‍ ആശയവിനിമയം നടത്തുന്നുണ്ട്. തിരിച്ചറിഞ്ഞിട്ടില്ലാത്ത മൃതദേഹങ്ങള്‍ സംസ്‌കരിക്കുന്നതില്‍ ആര്‍ക്കെങ്കിലും എതിര്‍പ്പുണ്ടെങ്കില്‍ പറയാനുള്ള അവസരം കൂടിയാണ് ഇത്. ദുരന്തം കഴിഞ്ഞ് 42 ദിവസം പിന്നിട്ട നിലയ്ക്ക്, കടലില്‍ കാണാതായവര്‍ ജീവിച്ചിരിക്കാന്‍ ഇടയില്ലെന്ന് അധികൃതര്‍ വിലയിരുത്തുന്നു.



Recent News
  ഹാദിയയുടെ വിവാഹം റദ്ദാക്കാനാവില്ലെന്ന് സുപ്രീം കോടതി

  സ്കൂൾ ബസ് മതിലിൽ ഇടിച്ച് എട്ടു വിദ്യാർഥികൾക്കു പരുക്ക്

  വിവാഹ രജിസ്‌ട്രേഷന് വീഡിയോ അഭിമുഖം, പുതിയ നിര്‍ദ്ദേശവുമായി ഹൈക്കോടതി

  ഫുജൈറയില്‍ വീടിന് തീപ്പിടിച്ച് ഒരു വീട്ടിലെ ഏഴ് കുട്ടികള്‍ ശ്വാസം മുട്ടി മരിച്ചു

  സംസ്ഥാനത്ത് നാല് ബ്രാന്റുകളിലുള്ള വെളിച്ചെണ്ണയ്ക്ക് നിരോധനം

  നോട്ട് നിരോധനവും ജി.എസ്.ടിയും കേരളത്തിന്റെ സാമ്പത്തിക മേഖല തകര്‍ത്തു-ഗവര്‍ണര്‍

  നടി ഭാവനയും നിര്‍മ്മാതാവ് നവീനും വിവാഹിതരായി

  വീടിന്‌ തീപിടിച്ച് വിദ്യാര്‍ത്ഥിനി മരിച്ചു

  അഭയ കേസ്; തൊണ്ടിമുതല്‍ നശിപ്പിച്ചതിന് മുന്‍ അന്വേഷണ ഉദ്യോഗസ്ഥനെ പ്രതിചേര്‍ത്തു

  വി.ടി. ബല്‍റാമിന് നേരെ കരിങ്കൊടി പ്രതിഷേധം

  നിയമസഭയിലെ കയ്യാങ്കളിക്കേസ് പിന്‍വലിക്കാന്‍ നീക്കം

  പത്മാവത് റീലീസ് ചെയ്യുന്ന 25ന് ഭാരത് ബന്ദെന്ന് രജ്പുത് കര്‍ണിസേന

  സി.പി.ഐ ജില്ലാ സമ്മേളനത്തിന് തുടക്കമായി

  ട്രെയിനിൽ കവർച്ച; വീട്ടമ്മയുടെ പണവും ആഭരണങ്ങളും നഷ്ടപ്പെട്ടു

  ഡൽഹിയിൽ ഫാക്ടറിയിൽ വൻ അഗ്നിബാധ; 17 മരണം