updated on:2018-02-11 02:27 PM
മികച്ച മനുഷ്യനെ സൃഷ്ടിക്കുന്നതാവണം വിദ്യാഭ്യാസം; കണ്ണന്താനം

www.utharadesam.com 2018-02-11 02:27 PM,
കൊച്ചി: മികച്ച ജോലിക്കാരനെ സൃഷ്ടിക്കാനുള്ള വിദ്യാഭ്യാസ രീതിയല്ല നമ്മുടെ രാജ്യത്തിന് ആവശ്യം, നല്ല മനുഷ്യനായി വളരാനുള്ളതാവണം വിദ്യാഭ്യാസമെന്ന് അല്‍ഫോണ്‍സ് കണ്ണന്താനം.
പരീക്ഷകളിലും മാര്‍ക്കിലും മാത്രം അധിഷ്ഠിതമായ വിദ്യാഭ്യാസ സമ്പ്രദായത്തിന് മാറ്റം വരുത്തേണ്ട സമയം അതിക്രമിച്ചെന്നും സമൂഹത്തില്‍ സ്വാധീനം ചെലുത്തുവാന്‍ സാധിക്കാത്ത പൗരന്മാരെ സൃഷ്ടിക്കുന്ന വിദ്യാഭ്യാസ രീതിക്ക് ഇന്ത്യയില്‍ വേരുകളില്ലെന്നും അല്‍ഫോണ്‍സ് കണ്ണന്താനം പറഞ്ഞു. ആള്‍ ഇന്ത്യ കേന്ദ്രീയ വിദ്യാലയ ടീച്ചേഴ്സ് അസോസിയേഷന്റെ (എ.ഐ.കെ.വി.ടി.എ) ദ്വൈവാര്‍ഷിക സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
സ്വപ്നം കാണുവാന്‍ പഠിപ്പിക്കുന്ന രീതിയിലുള്ള സിലിബസുകള്‍ക്ക് രൂപം നല്‍കണം. കാണുന്ന സ്വപ്നങ്ങള്‍ യാഥാര്‍ത്ഥ്യമാക്കുന്നതിനുള്ള ആര്‍ജവമാണ് വിദ്യാഭ്യാസത്തിലൂടെ നല്‍കണം. സ്വന്തം ഇഷ്ടപ്രകാരം തീരുമാനങ്ങള്‍ എടുക്കുവാന്‍ ധൈര്യം പകരുന്ന സിലബസുകളാണ് വിദ്യാര്‍ത്ഥികള്‍ക്ക് ആവശ്യം. നിര്‍ഭാഗ്യവശാല്‍ അത്തരമൊരു രീതി രാജ്യത്ത് ഇപ്പോള്‍ പ്രചാരത്തിലില്ല.
കേന്ദ്രീയ വിദ്യാലയങ്ങളില്‍ നിന്ന് വിരമിച്ച അദ്ധ്യാപകര്‍ക്ക് ഏഴാം ശമ്പള കമ്മിഷന്റെ വ്യവസ്ഥകള്‍ക്ക് ആനുപാതികമായ പെന്‍ഷന്‍ നല്‍കണമെന്ന ആവശ്യം കേന്ദ്രസര്‍ക്കാരിന്റെ പരിഗണനയില്‍ ഉള്‍പ്പെടുത്തുമെന്നും, താഴെ തസ്തികകളിലുള്ള ക്ലര്‍ക്കുമാരും മറ്റ് ഉദ്യോഗസ്ഥരും ഈ ആനുകൂല്യത്തിന് അവകാശികളാകുമ്പോള്‍ അദ്ധ്യാപകരെ മാറ്റി നിര്‍ത്തുന്ന പ്രവണതകളെ അംഗീകരിക്കുന്നില്ലെന്നും അദ്ദേഹം പറഞ്ഞു.
റിജിയനല്‍ പ്രസിഡന്റ് സുരേഷ് ജി. അദ്ധ്യക്ഷത വഹിച്ചു. ജി.സി.ഡി.എ. ചെയര്‍മാന്‍ സി.എന്‍. മോഹനന്‍, പി.ബി. പ്രതാപ് കുമാര്‍, കെ.വി.എസ് ഡെപ്യൂട്ടി കമ്മിഷണര്‍ എസ്.എം സലിം, സുശില്‍ ബാബു, ബാബുരാജന്‍ പങ്കെടുത്തു.



Recent News
  ഷുഹൈബ് വധക്കേസില്‍ അഞ്ചുപേര്‍ കൂടി പിടിയില്‍

  മധുവിന്റെ കുടുംബത്തിന് സര്‍ക്കാര്‍ 10 ലക്ഷം രൂപ ധന സഹായം പ്രഖ്യാപിച്ചു

  എം.എല്‍.എയുടെ മകന്റെ ജാമ്യാപേക്ഷയില്‍ വാദം കേള്‍ക്കുന്നത് 26ലേക്ക് നീട്ടി

  ഷുഹൈബിനെ ജയിലില്‍ വെച്ച് വകവരുത്താന്‍ ശ്രമിച്ചു

  നാളെ മുതല്‍ സ്വകാര്യ ബസ് സമരം

  പ്രിയാവാര്യറുടെ കണ്ണിറുക്കിപ്പാട്ട് വിവാദത്തില്‍

  ബസ് ചാര്‍ജ് വര്‍ധനവില്‍ തൃപ്തിയില്ല; സമരം തുടരുമെന്ന് ഉടമകള്‍

  കുട്ടിയെ കൊന്ന പുലിയെ കെണി വെച്ചു പിടിച്ചു

  കണ്ണൂരിലെ കൊല: പ്രതികളെ കുറിച്ച് സൂചനയില്ല; സതീശന്‍ പാച്ചേനി ഉപവാസത്തില്‍

  ബസ് ചാര്‍ജ് വര്‍ധിപ്പിച്ചു

  കൊലയില്‍ പങ്കില്ലെന്ന് സി.പി.എം; കൊലവിളി നടത്തിയ വീഡിയോ ദൃശ്യം പുറത്ത്

  കൊച്ചി കപ്പല്‍ ശാലയില്‍ കപ്പലില്‍ പൊട്ടിത്തെറി; അഞ്ചുപേര്‍ മരിച്ചു

  കണ്ണൂരില്‍ യൂത്ത് കോണ്‍ഗ്രസ് നേതാവിനെ ബോംബെറിഞ്ഞു വീഴ്ത്തി വെട്ടിക്കൊന്നു

  ഓഖി പ്രസംഗം: ജേക്കബ് തോമസിന്റെ വിശദീകരണം സര്‍ക്കാര്‍ തള്ളി

  വിജിലന്‍സ് ഡയറക്ടര്‍ തസ്തിക എ.ഡി.ജി.പി. റാങ്കിലേക്ക് താഴ്ത്തണമെന്ന് സംസ്ഥാനം