updated on:2018-05-26 06:38 PM
ചെങ്ങന്നൂരില്‍ നേതാക്കളുടെ പട; കൊട്ടിക്കലാശത്തിന് റോഡ് ഷോകള്‍ തുടങ്ങി

www.utharadesam.com 2018-05-26 06:38 PM,
തിരുവനന്തപുരം: ഒരു മാസത്തിലേറെ നീണ്ട ശക്തമായ പ്രചരണങ്ങള്‍ക്ക് ശേഷം ചെങ്ങന്നൂരില്‍ ഇന്ന് കൊട്ടിക്കലാശം. രാവിലെ മുതല്‍ മൂന്ന് മുന്നണികളുടേയും റോഡ് ഷോകള്‍ നടന്നുവരികയാണ്. വികസനത്തെ ചൊല്ലിയുള്ള അവകാശവാദങ്ങള്‍ തൊട്ട് പെട്രോളിയം വിലവര്‍ധനവരെയുള്ള പൊള്ളുന്ന കാര്യങ്ങള്‍ ചര്‍ച്ചാ വിഷയമാക്കിക്കൊണ്ടാണ് തിരഞ്ഞെടുപ്പ് പ്രവര്‍ത്തനം കൊട്ടിക്കയറിയത്. നാളെ നിശബ്ദ പ്രചരണമാണ്. തിങ്കളാഴ്ചയാണ് വോട്ടെടുപ്പ്. 31ന് ഫലമറിയാം. 1,99,340 വോട്ടര്‍മാരുള്ള മണ്ഡലത്തില്‍ കഴിഞ്ഞ തവണ വിജയിച്ച സി.പി.എമ്മിലെ കെ.കെ രാമചന്ദ്രന്‍നായരുടെ വിയോഗത്തെ തുടര്‍ന്നാണിവിടെ തിരഞ്ഞെടുപ്പ് വേണ്ടിവന്നത്. അന്ന് രാമചന്ദ്രന്‍ നായര്‍ക്ക് 52,880 വോട്ട് ലഭിച്ചിരുന്നു. തൊട്ടടുത്ത സ്ഥാനാര്‍ത്ഥി യു.ഡി.എഫിലെ പി.സി വിഷ്ണുനാഥിന് 44,897 വോട്ടും ബി.ജെ.പിയുടെ പി.എസ് ശ്രീധരന്‍ പിള്ളക്ക് 42,682 വോട്ടും ലഭിച്ചിരുന്നു. 7983 വോട്ടിന്റെ ഭൂരിപക്ഷമാണ് രാമചന്ദ്രന്‍ നായര്‍ക്കുണ്ടായിരുന്നത്. ഇത്തവണ ഇടതുമുന്നണി സ്ഥാനാര്‍ത്ഥി സജി ചെറിയാനും യു.ഡി.എഫില്‍ ഡി. വിജയകുമാറും ബി.ജെ.പിയുടെ പി.എസ് ശ്രീധരന്‍ പിള്ളയുമാണ് കൊമ്പുകോര്‍ക്കുന്നത്. രമേശ് ചെന്നിത്തല, കോടിയേരി ബാലകൃഷ്ണന്‍, എം.വി കൃഷ്ണദാസ്, കാനം രാജേന്ദ്രന്‍ തുടങ്ങിയവര്‍ ഇന്ന് റോഡ് ഷോകളില്‍ പങ്കെടുക്കുന്നു. 10സ്വതന്ത്രരും ആംആദ്മി, ലോക്താന്ത്രിക്, എസ്.യു.സി.ഐ പാര്‍ട്ടികളുടെ സ്ഥാനാര്‍ത്ഥികളും രംഗത്തുണ്ട്.



Recent News
  സോമനാഥ് ചാറ്റര്‍ജി അന്തരിച്ചു

  മഴയ്ക്ക് ശമനമില്ല; മരണം 25, ഇടുക്കിയില്‍ മൂന്ന് ഷട്ടറുകള്‍ കൂടി തുറന്നു

  ഇടുക്കിയും ഇടമലയാറും തുറന്നു

  കുട്ടനാട് മേഖലയിലെ കാര്‍ഷിക കടങ്ങള്‍ക്ക് സര്‍ക്കാര്‍ ഒരു വര്‍ഷത്തെ മൊറട്ടോറിയം പ്രഖ്യാപിച്ചു

  ആശങ്ക വര്‍ധിക്കുന്നു; ഇടുക്കി അണക്കെട്ടില്‍ ജലനിരപ്പ് 2,397.14 അടിയിലെത്തി

  കലൈഞ്ജര്‍ക്ക് അന്ത്യവിശ്രമം മറീനയില്‍

  ആ ഗസല്‍നാദം ഇനി ഓര്‍മ്മ

  ഒരു വീട്ടിലെ നാലുപേരെ കാണാനില്ല; വീട്ടില്‍ ചോരക്കറ

  സൈന്യത്തെ സജ്ജമാക്കി; ഉദ്യോഗസ്ഥരെ തിരികെ വിളിച്ചു

  കോളേജ് വിദ്യാര്‍ത്ഥിനിയെ കഴുത്തറുത്ത് കൊന്നു

  ജലനിരപ്പ് വീണ്ടും ഉയര്‍ന്നു; ജനങ്ങളെ മാറ്റിപ്പാര്‍പ്പിക്കുന്നു

  പാക്കിസ്താനില്‍ ഇമ്രാന്‍ഖാന്‍ പ്രധാനമന്ത്രി പദത്തിലേക്ക്

  അഭിമന്യു വധം: ക്യാമ്പസ് ഫ്രണ്ട് സംസ്ഥാന സെക്രട്ടറി പിടിയില്‍

  ഉദയകുമാര്‍ ഉരുട്ടിക്കൊല: രണ്ടുപൊലീസുകാര്‍ക്ക് വധശിക്ഷ

  ഉരുട്ടിക്കൊല; 6 പൊലീസുകാര്‍ കുറ്റക്കാര്‍