updated on:2018-05-27 06:28 PM
നിപ: 175 പേര്‍ നിരീക്ഷണത്തില്‍

www.utharadesam.com 2018-05-27 06:28 PM,
കോഴിക്കോട്: നിപ വൈറസ് ബാധയുമായി ബന്ധപ്പെട്ട് 175 പേര്‍ ആരോഗ്യ വകുപ്പിന്റെ നിരീക്ഷണത്തിലാണെന്ന് ആരോഗ്യ മന്ത്രി കെ.കെ ശൈലജ അറിയിച്ചു. സംസ്ഥാനത്ത് ജാഗ്രത വര്‍ധിപ്പിച്ചിരിക്കുകയാണെന്നും മന്ത്രി പറഞ്ഞു. എന്നാല്‍ രണ്ട് ദിവസമായി പുതിയ നിപ ബാധ കേസുകളൊന്നും റിപ്പോര്‍ട്ട് ചെയ്തിട്ടില്ല.
കോഴിക്കോട് ജില്ലയിലെ നിപ വൈറസ് ബാധയുടെ ഉറവിടം ഒന്നു തന്നെയാണെന്നും മന്ത്രി പറഞ്ഞു. നിപ സ്ഥിരീകരിച്ചവരുമായി അടുത്ത് ഇടപഴകിയവരും അവരുടെ വീടുകളില്‍ പോയവരുമായ വ്യക്തികളടക്കം 175 പേരെയാണ് ആരോഗ്യ വകുപ്പ് നിരീക്ഷിച്ച് വരുന്നത്.
അതേ സമയം നിരീക്ഷണത്തിലുള്ള എല്ലാവരെയും നിപ ബാധക്ക് പരിശോധിക്കേണ്ടതില്ലെന്നാണ് ആരോഗ്യ വകുപ്പിന്റെ തീരുമാനം.
രോഗ ലക്ഷണം പ്രകടമായി കണ്ടാല്‍ മാത്രം പരിശോധനക്ക് വിധേയമാക്കും. അല്ലാത്ത പക്ഷം ഫലം നെഗറ്റീവ് ആകും എന്ന ആശങ്ക ആരോഗ്യ വകുപ്പിനുണ്ട്.
പനി അടക്കമുള്ള രോഗ ലക്ഷണങ്ങള്‍ ഉള്ളവരുടെ സാമ്പിളുകള്‍ മാത്രമാണ് ഇപ്പോള്‍ പരിശോധനക്ക് അയക്കുന്നുള്ളത്.
ഇതുവരെ സംസ്ഥാനത്ത് 15 പേര്‍ക്കാണ് നിപ വൈറസ് ബാധ സ്ഥിരീകരിച്ചതെന്നും മന്ത്രി കെ.കെ ശൈലജ പറഞ്ഞു. ഇതില്‍ 12 പേര്‍ മരണപ്പെട്ടു. ആദ്യം മരിച്ച സാബിത്തിനെ കൂടാതെയാണിത്. സാബിത്തിന്റെ വൈറസ് ബാധ സ്ഥിരീകരിച്ചിരുന്നില്ല.
വൈറസ് ബാധയുടെ പശ്ചാത്തലത്തില്‍ ജാഗ്രത വര്‍ധിപ്പിച്ചതിന്റെ ഭാഗമായി കോഴിക്കോട് മെഡിക്കല്‍ കോളേജില്‍ രോഗികളുടെ പ്രവേശനത്തിന് നിയന്ത്രണമേര്‍പ്പെടുത്തിയിട്ടുണ്ട്. പ്രസവം അടക്കമുള്ള കാര്യങ്ങള്‍ക്ക് രോഗികള്‍ക്ക് അഡ്മിഷന്‍ നല്‍കുന്നില്ല.



Recent News
  അലോക് വര്‍മ്മയ്‌ക്കെതിരെ സി.ബി.ഐ. അന്വേഷണം വരുന്നു

  അലോക് വര്‍മ്മ അഴിമതി നടത്തിയതിന് തെളിവില്ലെന്ന് അന്വേഷണക്കമ്മീഷന്‍ അംഗം

  ജില്ലാ സ്‌പോര്‍ട്‌സ് കൗണ്‍സില്‍ തിരഞ്ഞെടുപ്പ് ഹൈക്കോടതി സ്റ്റേ ചെയ്തു

  209 തടവുകാരെ വിട്ടയച്ച നടപടി ഹൈക്കോടതി റദ്ദാക്കി

  നാഗേശ്വര റാവു സി.ബി.ഐ താല്‍ക്കാലിക ഡയറക്ടറായി ചുമതലയേറ്റു

  ജസ്റ്റീസ് ലളിത് പിന്മാറി; അയോധ്യ കേസ് വാദം കേള്‍ക്കുന്നത് നീട്ടി

  കാസര്‍കോട് അസംബ്ലി മണ്ഡലത്തിലെ 11 സ്‌കൂളുകള്‍ക്ക് 19 കോടി രൂപ അനുവദിച്ചു

  പിറന്നാള്‍ ദിനത്തില്‍ ഇത്തവണയും ഗാനഗന്ധര്‍വ്വന്‍ വാഗ് ദേവതയുടെ അനുഗ്രഹത്തിനായി കൊല്ലൂരിലെത്തി

  രണ്ടാം ദിന പണിമുടക്ക്: തിരുവനന്തപുരത്ത് ബാങ്ക് തകര്‍ത്തു; പലയിടത്തും തീവണ്ടികള്‍ തടഞ്ഞു

  അര്‍ധരാത്രിയിലെ കേന്ദ്ര നടപടി സുപ്രീം കോടതി റദ്ദാക്കി; അലോക്‌വര്‍മ്മ വീണ്ടും സി.ബി.ഐ. തലപ്പത്ത്

  ദേശീയ പണിമുടക്ക്: കേരളമടക്കം നിശ്ചലമായി, തീവണ്ടികള്‍ തടഞ്ഞു

  സ്വകാര്യ മുതല്‍ നശിപ്പിച്ചാലും കുടുങ്ങും; ഓര്‍ഡിനന്‍സ് വരുന്നു

  തലശ്ശേരിയിലും കണ്ണൂരിലും നേതാക്കളുടെ വീടുകള്‍ക്ക് നേരെ ബോംബേറ്

  ഹര്‍ത്താല്‍: സംസ്ഥാനത്ത് പരക്കെ അക്രമം

  ശബരിമലയില്‍ രണ്ട് യുവതികള്‍ ദര്‍ശനം നടത്തി