updated on:2018-05-28 05:44 PM
പ്രണയ വിവാഹം; തട്ടിക്കൊണ്ടുപോയ നവവരന്റെ മൃതദേഹം വെള്ളക്കെട്ടില്‍

www.utharadesam.com 2018-05-28 05:44 PM,
എസ്.പിയെ സ്ഥലം മാറ്റി, എസ്.ഐക്ക് സസ്‌പെന്‍ഷന്‍

കോട്ടയം: യുവതിയെ വിവാഹം കഴിച്ചതിന്റെ പേരില്‍ വീടാക്രമിച്ച് യുവതിയുടെ ബന്ധുക്കളടക്കം 12 അംഗ സംഘം തട്ടിക്കൊണ്ടുപോയ നവവരന്റെ മൃതദേഹം ദേഹമാസകലം പരിക്കുകളോടെ വെള്ളക്കെട്ടില്‍ കണ്ടെത്തി. നാട്ടാശ്ശേരി എസ്.എച്ച് മൗണ്ടിലെ കെവിന്‍ പി. ജോസഫിന്റെ (23) മൃതദേഹമാണ് ഇന്ന് രാവിലെ കണ്ടെത്തിയത്. കെവിനെ തട്ടിക്കൊണ്ടുപോയ ഉടനെ കെവിന്റെ ഭാര്യ നീനു ഗാന്ധിനഗര്‍ പൊലീസില്‍ പരാതി നല്‍കിയെങ്കിലും കേസെടുത്ത് അന്വേഷിക്കാന്‍ തയ്യാറായില്ലെന്നാണ് പരാതി. അന്വേഷണത്തില്‍ വീഴ്ചവരുത്തിയെന്നാരോപിച്ച് ഗാന്ധിനഗര്‍ എസ്.ഐ എം.എസ് ഷിബു, എ.എസ്.ഐ സണ്ണി എന്നിവരെ സസ്‌പെന്റ് ചെയ്തു. അന്വേഷണ മേല്‍നോട്ടത്തില്‍ വീഴ്ചവരുത്തിയെന്നാരോപിച്ച് കോട്ടയം എസ്.പി വി.എം മുഹമ്മദ് റഫീഖിനെ സ്ഥലംമാറ്റിയതായി ഡി.ജി.പി ലോക്‌നാഥ് ബെഹ്‌റ അറിയിച്ചു.
പ്രതികള്‍ കെവിനെ കൊലപ്പെടുത്തി വെള്ളക്കെട്ടിലേക്ക് തള്ളിയതായാണ് സംശയിക്കുന്നത്. ഇവര്‍ തെങ്കാശിയിലേക്ക് കടന്നതായി പൊലീസിന് വിവരം ലഭിച്ചിട്ടുണ്ട്. വധുവിന്റെ സഹോദരന്‍ ഉള്‍പ്പെടെ 12 പേരാണ് സംഘത്തിലുണ്ടായിരുന്നതെന്ന് സംശയിക്കുന്നു. നീനുവിന്റെ സഹോദരന്‍ കഴിഞ്ഞ ദിവസം ഗള്‍ഫില്‍ നിന്നെത്തിയതായിരുന്നു. കെവിന്റെ ബന്ധുവീട്ടില്‍ നിന്നാണ് ഞായറാഴ്ച പുലര്‍ച്ചെ അടുക്കള വാതില്‍ തകര്‍ത്ത് അദ്ദേഹത്തേയും ബന്ധു അനീഷിനേയും തട്ടിക്കൊണ്ടുപോയത്. ഇയാളെ പിന്നീട് വിട്ടയക്കുകയായിരുന്നു. സംഭവവുമായി ബന്ധപ്പെട്ട് രണ്ടുപേരെ പൊലീസ് പിടികൂടി. ഇതില്‍ ഇശാല്‍ എന്നയാള്‍ നീനുവിന്റെ സഹോദരന്റെ സുഹൃത്തും ഡി.വൈ.എഫ്.ഐ പ്രവര്‍ത്തകനുമാണ്.
ഗാന്ധിനഗര്‍ പൊലീസ് സ്റ്റേഷന് മുമ്പില്‍ വിവിധ സംഘടനകളുടെ നേതൃത്വത്തില്‍ പ്രതിഷേധ സമരം നടന്നുവരികയാണ്. കെവിന്റെ മരണം സംബന്ധിച്ച് വിശദമായ റിപ്പോര്‍ട്ട് നല്‍കാന്‍ ഐ.ജിയോട് ആവശ്യപ്പെട്ടിട്ടുണ്ട്.



Recent News
  ജെ.സി. ഡാനിയേല്‍ നന്മ അവാര്‍ഡ് ബാബു കോഹിനൂരിന്

  ക്യാപ്റ്റന്‍ രാജു വിടവാങ്ങി

  ബിഷപ്പിന്റെ അറസ്റ്റ് വൈകുന്നത് മൊഴികളിലെ വൈരുദ്ധ്യംമൂലം

  വീണ്ടും വെന്നിക്കൊടി പറത്തി മൂസാ ഷരീഫ്

  ജലന്ധര്‍ ബിഷപ്പിനെതിരായ കേസ്; പൊലീസ് അന്വേഷണത്തില്‍ വിശ്വാസമെന്ന് കാനം രാജേന്ദ്രന്‍

  പി.കെ. ശശിക്ക് എംഎല്‍എ എന്ന പരിഗണന ലഭിക്കില്ലെന്ന് സ്പീക്കര്‍

  അണക്കെട്ടുകള്‍ തുറന്നു വിട്ടത് കൊണ്ട് ആരും മരിച്ചിട്ടില്ലെന്ന് എം.എം.മണി

  പത്രപ്രവര്‍ത്തകനേയും ഭാര്യയേയും കെട്ടിയിട്ട് മുഖംമൂടി സംഘം 25 പവനും പണവും കവര്‍ന്നു

  സ്വവര്‍ഗ ലൈംഗികത ക്രിമിനല്‍ കുറ്റമല്ല

  ശശിക്കെതിരെ നടപടിയുണ്ടാകുമെന്ന് വിഎസ്; പക്ഷം പിടിക്കാനില്ലെന്ന് ശൈലജ

  എ.ബി.വി.പി. പ്രവര്‍ത്തകനെ വെട്ടിക്കൊന്ന കേസിലെ സൂത്രധാരന്‍ പിടിയില്‍

  മുഖ്യമന്ത്രി അമേരിക്കയിലേക്ക് പുറപ്പെട്ടു

  തെലുങ്കാനയില്‍ തിരഞ്ഞെടുപ്പ് നേരത്തെയാക്കാന്‍ നീക്കം; എതിര്‍പ്പുമായി കോണ്‍ഗ്രസ്

  കേരളത്തിന്റെ പുനര്‍നിര്‍മ്മാണത്തിന് കേന്ദ്രം പ്രത്യേക പാക്കേജ് നല്‍കണം-രാഹുല്‍ ഗാന്ധി

  പ്രളയം തകര്‍ത്തെറിഞ്ഞ കേരളത്തില്‍ കാര്‍ഷിക മേഖലയ്ക്ക് മാത്രം 1,361 കോടി രൂപയുടെ നഷ്ടം