updated on:2018-05-31 08:27 PM
സജി ചെറിയാന്റെ ഭൂരിപക്ഷം 20956

www.utharadesam.com 2018-05-31 08:27 PM,
ചെങ്ങന്നൂരില്‍ ഇടത് തരംഗം

ചെങ്ങന്നൂര്‍: ചെങ്ങന്നൂര്‍ ഉപതിരഞ്ഞെടുപ്പില്‍ എല്‍.ഡി.എഫ് അത്യുജ്ജ്വല വിജയം നേടി. എല്‍.ഡി.എഫിലെ സജി ചെറിയാന്‍ 20956 വോട്ടിന്റെ ഭൂരിപക്ഷത്തില്‍ വിജയിച്ചു. വോട്ടെണ്ണല്‍ തുടങ്ങിയതുമുതല്‍ നിലനിര്‍ത്തിയ ലീഡ് അവസാനം വരെ തുടര്‍ന്നു.
ആകെയുള്ള 1,99,340 വോട്ടില്‍ സജി ചെറിയാന്‍ 67,303 വോട്ട് നേടി. രണ്ടാംസ്ഥാനത്തുള്ള യു.ഡി.എഫിലെ ഡി. വിജയകുമാറിന് 46,347 വോട്ട് ലഭിച്ചപ്പോള്‍ എന്‍.ഡി.എയിലെ പി.എസ് ശ്രീധരന്‍പിള്ളക്ക് 35,270 വോട്ട് മാത്രമേ ലഭിച്ചുള്ളു. കഴിഞ്ഞ തവണ വിജയിച്ച എല്‍.ഡി.എഫിലെ രാമചന്ദ്രന്‍ നായരുടെ ഭൂരിപക്ഷം 7983 ആയിരുന്നു. എല്ലാ പഞ്ചായത്തുകളിലും എല്‍.ഡി.എഫിനായിരുന്നു മേല്‍ക്കൈ. യു.ഡി.എഫിന്റെയും ബി.ജെ.പിയുടേയും ശക്തികേന്ദ്രങ്ങളില്‍ പോലും അവര്‍ക്ക് കാലിടറി.
കേരള കോണ്‍ഗ്രസ് യു.ഡി.എഫിന് അവസാന നിമിഷം പിന്തുണ പ്രഖ്യാപിച്ചെങ്കിലും അവരുടെ ശക്തികേന്ദ്രങ്ങളില്‍ പോലും യു.ഡി.എഫിന് നിലമെച്ചപ്പെടുത്താനായില്ല.
വര്‍ഗീയത പ്രചരിപ്പിച്ച് നേടിയ വിജയമാണിതെന്ന് പ്രതിപക്ഷ നേതാവ് രമേശ് ചെന്നിത്തലയും കെ.പി.സി.സി പ്രസിഡണ്ട് എം.എം ഹസനും പറഞ്ഞു. ഭരണസ്വാധീനം ഉപയോഗിച്ച് നേടിയ വിജയമാണിത്. ഇടത് ഭരണത്തിന് കിട്ടിയ അംഗീകാരമായി ഇതിനെ കാണാനാവില്ലെന്നും നേതാക്കള്‍ പറഞ്ഞു.
ചെങ്ങന്നൂരിലേത് ചരിത്ര വിജയമെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍ പറഞ്ഞു. വികസനത്തിനും മതേതര നിലപാടിനും കിട്ടിയ വിജയമാണിത്-കോടിയേരി പറഞ്ഞു.
കോണ്‍ഗ്രസ് സി.പി.എമ്മിന് വോട്ട് മറിച്ചുവെന്ന് ബി.ജെ.പി സ്ഥാനാര്‍ത്ഥി പി.എസ് ശ്രീധരന്‍ പിള്ള പറഞ്ഞു.
1987ല്‍ മാമന്‍ ഐപ്പിന് ലഭിച്ച 15,703 ആയിരുന്നു എല്‍.ഡി.എഫിന് ചെങ്ങന്നൂരില്‍ ലഭിച്ച ഏറ്റവും വലിയ ഭൂരിപക്ഷം.
പകുതി വോട്ടുകള്‍ എണ്ണിക്കഴിഞ്ഞപ്പോള്‍ തന്നെ സജിചെറിയാന് കഴിഞ്ഞ തവണത്തെ ഭൂരിപക്ഷമായ 7983 മറികടക്കാന്‍ കഴിഞ്ഞു. യു.ഡി.എഫ് ശക്തികേന്ദ്രങ്ങളെന്ന് കരുതുന്ന മാന്നാര്‍, പാണ്ടനാട് പഞ്ചായത്തുകളിലും ചെങ്ങന്നൂര്‍ മുനിസിപ്പാലിറ്റിയിലും സജി ചെറിയാന്‍ ഭൂരിപക്ഷം നേടി.
തപാല്‍ സമരം കാരണം 12 പോസ്റ്റല്‍ വോട്ടുകള്‍ മാത്രമാണ് എത്തിയത്. 700ലേറെ തപാല്‍ വോട്ടുകളുണ്ട്.



Recent News
  തോമസ് ചാണ്ടിയില്‍ നിന്ന് നികുതിയും പിഴയും ഈടാക്കുന്നത് സര്‍ക്കാര്‍ തടഞ്ഞു

  കര്‍ണാടകയില്‍ സുപ്രീംകോടതിയുടെ ഇടപെടല്‍

  'റോ'യെ തകര്‍ക്കാന്‍ ശ്രമിച്ചുവെന്ന് മുന്‍ ഉദ്യോഗസ്ഥന്‍ ഹാമിദ് അന്‍സാരി കുരുക്കില്‍

  ആന്തൂരില്‍ സാജന്റെ കണ്‍വെന്‍ഷന്‍ സെന്ററിന് പ്രവര്‍ത്തനാനുമതി

  ധനമന്ത്രി നിര്‍മ്മലാ സീതാരാമന്‍ കേന്ദ്ര ബജറ്റ് അവതരിപ്പിച്ചു എല്ലാവര്‍ക്കും വീട്; റെയില്‍ വികസനത്തിന് പി.പി.പി. മോഡല്‍

  സുന്നി വിദ്യാഭ്യാസ ബോര്‍ഡ്; കുമ്പോല്‍ തങ്ങള്‍ ട്രഷറര്‍

  നെടുങ്കണ്ടം കസ്റ്റഡിമരണം; എസ്.ഐ.അടക്കം 2 പേര്‍ അറസ്റ്റില്‍

  പ്രളയ ദുരിതബാധിത ഭവന നിര്‍മ്മാണ പദ്ധതിയിലേക്ക് 5 ലക്ഷം രൂപ നല്‍കി

  മന്ത്രിമാര്‍ എത്ര തവണ വിദേശത്ത് പോയി ? വിവരം ശേഖരിച്ചു വരുന്നതായി മുഖ്യമന്ത്രി

  രാജ്കുമാര്‍ ഉരുട്ടലിന് വിധേയനായെന്ന് പോസ്റ്റുമോര്‍ട്ടം റിപ്പോര്‍ട്ട്

  കസ്റ്റഡി മരണം; പരാതി പിന്‍വലിക്കാന്‍ വീട്ടുകാര്‍ക്ക് മേല്‍ സമ്മര്‍ദ്ദം

  ബിനോയ്‌ക്കെതിരെ ലുക്ക് ഔട്ട് നോട്ടീസ്

  രാജിക്കൊരുങ്ങി കോടിയേരി

  രാജുനാരായണ സ്വാമിയെ കേരള കേഡറില്‍ നിന്ന് പിരിച്ചു വിടുന്നു

  ബിനോയ് കോടിയേരി ഒളിവിലെന്ന് സൂചന