updated on:2018-06-02 06:47 PM
കോണ്‍ഗ്രസ് നേതാക്കളെ ഡല്‍ഹിക്ക് വിളിപ്പിച്ചു; അഴിച്ചുപണി ഉടന്‍

www.utharadesam.com 2018-06-02 06:47 PM,
തിരുവനന്തപുരം: ചെങ്ങന്നൂര്‍ ഉപതിരഞ്ഞെടുപ്പ് പരാജയത്തിന്റെ പശ്ചാത്തലത്തില്‍ കേരളത്തിലെ കോണ്‍ഗ്രസ് നേതാക്കളെ പ്രസിഡണ്ട് രാഹുല്‍ ഗാന്ധി ഡല്‍ഹിക്ക് വിളിപ്പിച്ചു.
കേരള നേതൃനിരയില്‍ അഴിച്ചുപണി നടത്തുന്നതിനൊപ്പം ജൂണ്‍ 15ന് മുമ്പ് പുതിയ പി.സി.സി പ്രസിഡണ്ടിനെ തിരഞ്ഞെടുക്കുകയും ചെയ്യും. വി.എം സുധീരന്‍ പ്രസിഡണ്ട് സ്ഥാനം ഒഴിഞ്ഞതോടെ എം.എം ഹസന്‍ താല്‍ക്കാലിക പ്രസിഡണ്ടായി തുടരുകയാണ്. ചെങ്ങന്നൂരിലെ ദയനീയമായ പരാജയത്തിന്റെ ഉത്തരവാദിത്വം ഏറ്റെടുക്കുന്നതായി കെ.പി.സി.സി പ്രസിഡണ്ട് എം.എം ഹസനും പ്രതിപക്ഷ നേതാവ് രമേശ് ചെന്നിത്തലയും നേരത്തെ വ്യക്തമാക്കിയിരുന്നു. വിദേശത്തുള്ള രാഹുല്‍ ഗാന്ധി ആറിന് ഡല്‍ഹിയില്‍ തിരിച്ചെത്തും. ഏഴിനാണ് കേരള നേതാക്കളുമായി ചര്‍ച്ച. കേരളത്തില്‍ നിന്നുള്ള രാജ്യസഭാ ഒഴിവില്‍ കോണ്‍ഗ്രസിനുള്ള സീറ്റിലേക്ക് സ്ഥാനാര്‍ത്ഥിയെ തീരുമാനിക്കുന്ന ചര്‍ച്ച കൂടി ഏഴിന് നടക്കും. ചെങ്ങന്നൂരില്‍ പരാജയപ്പെട്ടുവെങ്കിലും ഗ്രൂപ്പ് പ്രവര്‍ത്തനങ്ങള്‍ പോലും മാറ്റിവെച്ചുകൊണ്ട് കോണ്‍ഗ്രസ് പ്രവര്‍ത്തകര്‍ ഒറ്റക്കെട്ടായി രംഗത്തിറങ്ങിയതായി രമേശ് ചെന്നിത്തല പറഞ്ഞു.
അതിനിടെ കോണ്‍ഗ്രസ് നേതൃത്വത്തെ രൂക്ഷമായി വിമര്‍ശിച്ചുകൊണ്ട് കോണ്‍ഗ്രസിന്റെ മുഖപത്രമായ വീക്ഷണം ഇന്ന് മുഖപ്രസംഗമെഴുതിയത് വലിയ വിവാദത്തിന് വഴിവെച്ചു. നേതാക്കളുടെ പെട്ടിതൂക്കി നടക്കുന്നവരെയല്ല മികച്ച പ്രവര്‍ത്തനം കാഴ്ചവെക്കുന്നവരെയാണ് നേതൃനിരയിലേക്ക് കൊണ്ടുവരേണ്ടതെന്ന് മുഖപ്രസംഗത്തില്‍ പറയുന്നു.



Recent News
  സോമനാഥ് ചാറ്റര്‍ജി അന്തരിച്ചു

  മഴയ്ക്ക് ശമനമില്ല; മരണം 25, ഇടുക്കിയില്‍ മൂന്ന് ഷട്ടറുകള്‍ കൂടി തുറന്നു

  ഇടുക്കിയും ഇടമലയാറും തുറന്നു

  കുട്ടനാട് മേഖലയിലെ കാര്‍ഷിക കടങ്ങള്‍ക്ക് സര്‍ക്കാര്‍ ഒരു വര്‍ഷത്തെ മൊറട്ടോറിയം പ്രഖ്യാപിച്ചു

  ആശങ്ക വര്‍ധിക്കുന്നു; ഇടുക്കി അണക്കെട്ടില്‍ ജലനിരപ്പ് 2,397.14 അടിയിലെത്തി

  കലൈഞ്ജര്‍ക്ക് അന്ത്യവിശ്രമം മറീനയില്‍

  ആ ഗസല്‍നാദം ഇനി ഓര്‍മ്മ

  ഒരു വീട്ടിലെ നാലുപേരെ കാണാനില്ല; വീട്ടില്‍ ചോരക്കറ

  സൈന്യത്തെ സജ്ജമാക്കി; ഉദ്യോഗസ്ഥരെ തിരികെ വിളിച്ചു

  കോളേജ് വിദ്യാര്‍ത്ഥിനിയെ കഴുത്തറുത്ത് കൊന്നു

  ജലനിരപ്പ് വീണ്ടും ഉയര്‍ന്നു; ജനങ്ങളെ മാറ്റിപ്പാര്‍പ്പിക്കുന്നു

  പാക്കിസ്താനില്‍ ഇമ്രാന്‍ഖാന്‍ പ്രധാനമന്ത്രി പദത്തിലേക്ക്

  അഭിമന്യു വധം: ക്യാമ്പസ് ഫ്രണ്ട് സംസ്ഥാന സെക്രട്ടറി പിടിയില്‍

  ഉദയകുമാര്‍ ഉരുട്ടിക്കൊല: രണ്ടുപൊലീസുകാര്‍ക്ക് വധശിക്ഷ

  ഉരുട്ടിക്കൊല; 6 പൊലീസുകാര്‍ കുറ്റക്കാര്‍