updated on:2018-06-04 07:37 PM
സി.ബി.ഐ അന്വേഷണം വേണം; പ്രതിപക്ഷം നടുത്തളത്തിലിറങ്ങി

www.utharadesam.com 2018-06-04 07:37 PM,
തിരുവനന്തപുരം: കെവിന്‍കൊലക്കേസ് സി.ബി.ഐ. അന്വേഷിക്കണമെന്നാവശ്യപ്പെട്ട് പ്രതിപക്ഷം നടുത്തളത്തിലിറങ്ങി പ്രതിഷേധിച്ചു. സഭാ സമ്മേളനം തുടങ്ങിയ ദിവസം തന്നെ നടപടികള്‍ പൂര്‍ത്തീകരിക്കാതെ സഭ പിരിഞ്ഞു. കെവിന്റെ കൊലപാതകം സംബന്ധിച്ച് തിരുവഞ്ചൂര്‍ രാധാകൃഷ്ണന്‍ കൊണ്ടുവന്ന അടിയന്തിര പ്രമേയത്തിന് അനുമതി നല്‍കിയെങ്കിലും മുഖ്യമന്ത്രിയുടെ മറുപടിയില്‍ തൃപ്തരാവാതെ പ്രതിപക്ഷം നടുത്തളത്തില്‍ ഇറങ്ങുകയായിരുന്നു. തുടര്‍ന്ന് സ്പീക്കര്‍ സഭ പിരിഞ്ഞതായി പ്രഖ്യാപിച്ചു. കെവിന്റെ മരണം സംബന്ധിച്ച് കുറ്റക്കാര്‍ക്കെതിരെ കര്‍ശന നടപടി സ്വീകരിക്കുമെന്നും വിജയ്താക്കറെയുടെ നേതൃത്വത്തില്‍ അന്വേഷണം പുരോഗമിച്ചുവരികയാണെന്നും മുഖ്യമന്ത്രി പറഞ്ഞു. ഈയൊരു സാഹചര്യത്തില്‍ അന്വേഷണം സി.ബി.ഐയെ ഏല്‍പ്പിക്കേണ്ടതില്ലെന്നും മുഖ്യമന്ത്രി അറിയിച്ചു. പൊലീസിന്റെ ഗുരുതരവീഴ്ചമൂലമുണ്ടായ കൊലയാണിതെന്നും കൊലക്ക് പൊലീസ് കൂട്ടുനില്‍ക്കുകയായിരുന്നുവെന്നും തിരവഞ്ചൂര്‍ രാധാകൃഷ്ണന്‍ പറഞ്ഞു. രണ്ട് പ്രതികള്‍ ഡി.വൈ.എഫ്.ഐക്കാരാണ്. അതുകൊണ്ട് തന്നെ കേസ് അട്ടിമറിക്കാനുള്ള നീക്കമാണ് പൊലീസ് നടത്തുന്നത്. അതിനിടെ കെവിന്‍ കൊലക്കേസില്‍ പ്രതിചേര്‍ക്കപ്പെട്ട പൊലീസുകാരെ പിരിച്ചുവിട്ടേക്കുമെന്ന സൂചനയും ലഭിക്കുന്നുണ്ട്. സര്‍ക്കാര്‍ ഇത് പരിശോധിച്ചുവരികയാണ്. ഗാന്ധിനഗര്‍ എസ്.ഐ., എ.എസ്.ഐ., പൊലീസ് ജീപ്പ് ഡ്രൈവര്‍ എന്നിവരെ പിരിച്ചുവിടാനാണ് ആലോചിക്കുന്നത്.



Recent News
  ജെ.സി. ഡാനിയേല്‍ നന്മ അവാര്‍ഡ് ബാബു കോഹിനൂരിന്

  ക്യാപ്റ്റന്‍ രാജു വിടവാങ്ങി

  ബിഷപ്പിന്റെ അറസ്റ്റ് വൈകുന്നത് മൊഴികളിലെ വൈരുദ്ധ്യംമൂലം

  വീണ്ടും വെന്നിക്കൊടി പറത്തി മൂസാ ഷരീഫ്

  ജലന്ധര്‍ ബിഷപ്പിനെതിരായ കേസ്; പൊലീസ് അന്വേഷണത്തില്‍ വിശ്വാസമെന്ന് കാനം രാജേന്ദ്രന്‍

  പി.കെ. ശശിക്ക് എംഎല്‍എ എന്ന പരിഗണന ലഭിക്കില്ലെന്ന് സ്പീക്കര്‍

  അണക്കെട്ടുകള്‍ തുറന്നു വിട്ടത് കൊണ്ട് ആരും മരിച്ചിട്ടില്ലെന്ന് എം.എം.മണി

  പത്രപ്രവര്‍ത്തകനേയും ഭാര്യയേയും കെട്ടിയിട്ട് മുഖംമൂടി സംഘം 25 പവനും പണവും കവര്‍ന്നു

  സ്വവര്‍ഗ ലൈംഗികത ക്രിമിനല്‍ കുറ്റമല്ല

  ശശിക്കെതിരെ നടപടിയുണ്ടാകുമെന്ന് വിഎസ്; പക്ഷം പിടിക്കാനില്ലെന്ന് ശൈലജ

  എ.ബി.വി.പി. പ്രവര്‍ത്തകനെ വെട്ടിക്കൊന്ന കേസിലെ സൂത്രധാരന്‍ പിടിയില്‍

  മുഖ്യമന്ത്രി അമേരിക്കയിലേക്ക് പുറപ്പെട്ടു

  തെലുങ്കാനയില്‍ തിരഞ്ഞെടുപ്പ് നേരത്തെയാക്കാന്‍ നീക്കം; എതിര്‍പ്പുമായി കോണ്‍ഗ്രസ്

  കേരളത്തിന്റെ പുനര്‍നിര്‍മ്മാണത്തിന് കേന്ദ്രം പ്രത്യേക പാക്കേജ് നല്‍കണം-രാഹുല്‍ ഗാന്ധി

  പ്രളയം തകര്‍ത്തെറിഞ്ഞ കേരളത്തില്‍ കാര്‍ഷിക മേഖലയ്ക്ക് മാത്രം 1,361 കോടി രൂപയുടെ നഷ്ടം