updated on:2018-06-11 01:09 PM
കോണ്‍ഗ്രസില്‍ കലഹം കനക്കുന്നു

www.utharadesam.com 2018-06-11 01:09 PM,
തിരുവനന്തപുരം: രാജ്യസഭാ സീറ്റ് കേരള കോണ്‍ഗ്രസ് എമ്മിന് നല്‍കിയതിനെ ചൊല്ലി കോണ്‍ഗ്രസില്‍ ഉടലെടുത്ത കലഹം കനക്കുന്നു. വിമര്‍ശനങ്ങളുമായി കൂടുതല്‍ നേതാക്കള്‍ രംഗത്തെത്തിയതോടെ പ്രശ്‌നം ഉടന്‍ കെട്ടടങ്ങുമെന്ന സാധ്യത അസ്ഥാനത്തായി.
അതേ സമയം തനിക്കെതിരെ രാജ്യസഭാ ഉപാധ്യക്ഷന്‍ പി.ജെ. കുര്യന്‍ ഉന്നയിച്ച ആരോപണങ്ങള്‍ക്ക് മറുപടി നല്‍കുന്നില്ലെന്ന് പറഞ്ഞ് ഉമ്മന്‍ചാണ്ടി ഒഴിഞ്ഞുമാറി. കുര്യന്റെ പരാമര്‍ശത്തിനു മറുപടി നല്‍കേണ്ടത് താനല്ലെന്നും യുവ എം.എല്‍.എമാരാണെന്നും ഉമ്മന്‍ ചാണ്ടി പറഞ്ഞു. ആരുടെയെങ്കിലും ചട്ടുകമായി പ്രവര്‍ത്തിച്ചോയെന്ന് അവര്‍തന്നെ വ്യക്തമാക്കണം. പി.ജെ.കുര്യന്‍ ഹൈക്കമാന്‍ഡിനു പരാതി കൊടുക്കുന്നത് നല്ലകാര്യം. രാഹുല്‍ ഗാന്ധിയെ തെറ്റിദ്ധരിപ്പിച്ചെന്നതിനു മറുപടി പറയേണ്ടത് കെ.പി.സി.സി. അധ്യക്ഷന്‍ എം.എം. ഹസനും പ്രതിപക്ഷ നേതാവ് രമേശ് ചെന്നിത്തലയുമാണെന്നും ഉമ്മന്‍ ചാണ്ടി പറഞ്ഞു.
രാജ്യസഭാ സീറ്റ് ആരുടെയും കുടുംബസ്വത്തല്ലെന്നും പുതിയ പ്രശ്‌നത്തിന് മൂന്ന് പേരും ഒരു പോലെ ഉത്തരവാദികളാണെന്നും കോണ്‍ഗ്രസ് നേതാവ് പി.ടി. തോമസ് കുറ്റപ്പെടുത്തി. എന്തോ ഒളിച്ച് വെക്കുന്നത് പോലെ ആദ്യം തന്നെ തോന്നിയിരുന്നുവെന്നും അദ്ദേഹം പറഞ്ഞു.
അതേസമയം, രാജ്യസഭാ സീറ്റ് വിവാദത്തില്‍ വിമര്‍ശനങ്ങളെല്ലാം ഉമ്മന്‍ചാണ്ടിക്കെതിരെ ഉയരുന്നതില്‍ എ ഗ്രൂപ്പിനു കടുത്ത അതൃപ്തി. ഉമ്മന്‍ ചാണ്ടിയെ ഒറ്റപ്പെടുത്തി ആക്രമിക്കാന്‍ ശ്രമം നടക്കുന്നതായി നേതാക്കള്‍ ആരോപിച്ചു. മൂന്നു നേതാക്കള്‍ക്കും ഒരുപോലെ ഉത്തരവാദിത്തമുണ്ട്. രാഷ്ട്രീയകാര്യസമിതി ചേരുന്നതിന് മുന്‍പുള്ള വിമര്‍ശനത്തില്‍ ഗൂഢോദ്ദേശ്യമുണ്ടെന്നും വിമര്‍ശനം ഉണ്ടായിട്ടും ഐ ഗ്രൂപ്പ് മൗനംപാലിക്കുന്നത് ദുരൂഹമാണെന്നും എ. ഗ്രൂപ്പ് നേതാക്കള്‍ പറഞ്ഞു.
അതിനിടെ കോണ്‍ഗ്രസ് രാഷ്ട്രീയകാര്യ സമിതിയോഗം നാളെ നടക്കും.
അനുനയ ശ്രമങ്ങള്‍ നടക്കുന്നുണ്ട്. അനുനയം ഉണ്ടാകുന്നതിന് മുമ്പ് നേതാക്കളെ പരസ്യമായി വിമര്‍ശിക്കു ന്നത് ശരിയല്ലെന്ന അഭിപ്രായമാണ് പല നേതാക്കള്‍ക്കും ഉള്ളത്.



Recent News
  തിരിച്ചടിയുടെ ഗൗരവം മനസിലാക്കി തിരുത്തും -കോടിയേരി

  നരേന്ദ്രമോദി 1000 ദിവസത്തെ കര്‍മ്മ പദ്ധതികള്‍ തയ്യാറാക്കുന്നു

  തെറ്റുകള്‍ തിരുത്തും; വീഴ്ചകള്‍ പരിശോധിക്കും-കോടിയേരി

  മുഖ്യമന്ത്രിയുടെ അഹന്തക്ക് ഏറ്റ തിരിച്ചടി-മുല്ലപ്പള്ളി

  ആലത്തൂരില്‍ രമ്യ പാട്ടുംപാടി ജയത്തിലേക്ക്; പാലക്കാട്ട് ശ്രീകണ്ഠന്‍ ചരിത്രം കുറിക്കുന്നു

  കേരളത്തില്‍ ലീഡില്‍ മുന്നില്‍ രാഹുലും കുഞ്ഞാലിക്കുട്ടിയും

  ആന്ധ്രയില്‍ കൊടുങ്കാറ്റായി വൈ.എസ്.ആര്‍ കോണ്‍ഗ്രസ്;

  കേരളത്തില്‍ യു.ഡി.എഫിന് ഉജ്വല മുന്നേറ്റം

  വീണ്ടും എന്‍.ഡി.എ; കേവല ഭൂരിപക്ഷത്തിലേക്ക്

  കാത്തിരിപ്പിന് വിരാമം; ആദ്യ ഫലസൂചനകള്‍ 9 മണിയോടെ

  എക്‌സിറ്റ് പോളിന്റെ ഞെട്ടലില്‍ പ്രതിപക്ഷം; പ്രതീക്ഷയോടെ എന്‍.ഡി.എ

  കേദാര്‍നാഥില്‍ ചുവപ്പുപരവതാനിയിലൂടെ നടന്നുവരുന്ന മോദിയെ വിമര്‍ശിച്ച് കോണ്‍ഗ്രസ്

  അവസാനഘട്ട വോട്ടെടുപ്പിനിടെ ബംഗാളില്‍ ബോംബേറ്; പഞ്ചാബില്‍ ഒരാള്‍ കൊല്ലപ്പെട്ടു

  റീപോളിങ്ങ് സമാധാനപരം

  മോദിക്ക് ക്ലീന്‍ ചിറ്റ്: ഇടഞ്ഞ് തിരഞ്ഞെടുപ്പ് കമ്മീഷന്‍ അംഗം