updated on:2018-06-13 08:26 PM
കോണ്‍ഗ്രസ് നേതൃത്വത്തിനെതിരെ വീണ്ടും ആഞ്ഞടിച്ച് സുധീരന്‍

www.utharadesam.com 2018-06-13 08:26 PM,
തിരുവനന്തപുരം: കോണ്‍ഗ്രസില്‍ പരസ്യപ്രസ്താവനകള്‍ വിലക്കിയതിന് പിന്നാലെ നേതൃത്വത്തിനെതിരെ ആഞ്ഞടിച്ചുകൊണ്ട് മുന്‍ കെ.പി.സി.സി പ്രസിഡണ്ട് വി.എം സുധീരന്‍ വീണ്ടും രംഗത്തുവന്നു. കേരള കോണ്‍ഗ്രസിന് രാജ്യസഭാ സീറ്റ് നല്‍കിയത് ഹിമാലയന്‍ ബ്ലണ്ടര്‍ ആയിരുന്നുവെന്നും തെറ്റ് തിരുത്തി അണികള്‍ക്കൊപ്പം നില്‍ക്കേണ്ട നേതൃത്വം പരസ്യ പ്രസ്താവന വിലക്കി പ്രശ്‌നം തീര്‍ന്നുവെന്ന് പറയുന്നത് അപഹാസ്യമാണെന്നും സുധീരന്‍ പറഞ്ഞു. ഭാരത്തിന്റെ ശാപമാണ് ബി.ജെ.പി. ജനങ്ങളുടെ മേല്‍ വന്നുപെട്ട വന്‍ ബാധ്യതയാണ് മോദി സര്‍ക്കാര്‍. ഇതിനെതിരെ രാഹുല്‍ഗാന്ധി മറ്റ് കക്ഷികളൊക്കെ ചേര്‍ന്ന് ഒറ്റക്കെട്ടായി നില്‍ക്കാന്‍ ശ്രമിക്കുമ്പോള്‍ യു.പി.എയുടെ അംഗബലം കുറക്കാനേ ഈ തീരുമാനം ഉതകൂ. മാണി ചാഞ്ചാട്ടക്കാരനാണ്. വേണ്ടിവന്നാല്‍ ബി.ജെ.പിക്കൊപ്പം പോകും. ആര്‍.എസ്.പിയെ മുന്നണിയിലെടുത്തപ്പോള്‍ അവരില്‍ നിന്ന് ചില ഉറപ്പുകള്‍ വാങ്ങിയിരുന്നു. എന്നാല്‍ മാണി എന്തുറപ്പാണ് ഇവര്‍ക്ക് നല്‍കിയിട്ടുള്ളത്-സുധീരന്‍ ചോദിച്ചു.
കെ.പി.സി.സി അധ്യക്ഷനായിരുന്നപ്പോള്‍ ഞാനും പരസ്യ പ്രസ്താവനകള്‍ വിലക്കിയിരുന്നു. എന്നാല്‍ അന്ന് വൈസ് പ്രസിഡണ്ടായിരുന്ന ഇപ്പോഴത്തെ പ്രസിഡണ്ട് എം.എം ഹസന്‍ കെ.പി.സി.സി ആസ്ഥാനത്ത് മാധ്യമങ്ങളെ വിളിച്ച് വരുത്തിയാണ് ഇത് ലംഘിച്ചത്. വ്യക്തിബന്ധങ്ങള്‍ മറക്കുന്നയാളല്ല ഞാന്‍, വയലാര്‍ രവിയും എ.കെ ആന്റണിയും ഉമ്മന്‍ചാണ്ടിയുമൊക്കെ തന്റെ നേതാക്കളാണ്. അവരുടെ ഭാഗത്ത് വീഴ്ചയുണ്ടായാലും താനത് തുറന്നുപറയും -സുധീരന്‍ പറഞ്ഞു.



Recent News
  തോമസ് ചാണ്ടിയില്‍ നിന്ന് നികുതിയും പിഴയും ഈടാക്കുന്നത് സര്‍ക്കാര്‍ തടഞ്ഞു

  കര്‍ണാടകയില്‍ സുപ്രീംകോടതിയുടെ ഇടപെടല്‍

  'റോ'യെ തകര്‍ക്കാന്‍ ശ്രമിച്ചുവെന്ന് മുന്‍ ഉദ്യോഗസ്ഥന്‍ ഹാമിദ് അന്‍സാരി കുരുക്കില്‍

  ആന്തൂരില്‍ സാജന്റെ കണ്‍വെന്‍ഷന്‍ സെന്ററിന് പ്രവര്‍ത്തനാനുമതി

  ധനമന്ത്രി നിര്‍മ്മലാ സീതാരാമന്‍ കേന്ദ്ര ബജറ്റ് അവതരിപ്പിച്ചു എല്ലാവര്‍ക്കും വീട്; റെയില്‍ വികസനത്തിന് പി.പി.പി. മോഡല്‍

  സുന്നി വിദ്യാഭ്യാസ ബോര്‍ഡ്; കുമ്പോല്‍ തങ്ങള്‍ ട്രഷറര്‍

  നെടുങ്കണ്ടം കസ്റ്റഡിമരണം; എസ്.ഐ.അടക്കം 2 പേര്‍ അറസ്റ്റില്‍

  പ്രളയ ദുരിതബാധിത ഭവന നിര്‍മ്മാണ പദ്ധതിയിലേക്ക് 5 ലക്ഷം രൂപ നല്‍കി

  മന്ത്രിമാര്‍ എത്ര തവണ വിദേശത്ത് പോയി ? വിവരം ശേഖരിച്ചു വരുന്നതായി മുഖ്യമന്ത്രി

  രാജ്കുമാര്‍ ഉരുട്ടലിന് വിധേയനായെന്ന് പോസ്റ്റുമോര്‍ട്ടം റിപ്പോര്‍ട്ട്

  കസ്റ്റഡി മരണം; പരാതി പിന്‍വലിക്കാന്‍ വീട്ടുകാര്‍ക്ക് മേല്‍ സമ്മര്‍ദ്ദം

  ബിനോയ്‌ക്കെതിരെ ലുക്ക് ഔട്ട് നോട്ടീസ്

  രാജിക്കൊരുങ്ങി കോടിയേരി

  രാജുനാരായണ സ്വാമിയെ കേരള കേഡറില്‍ നിന്ന് പിരിച്ചു വിടുന്നു

  ബിനോയ് കോടിയേരി ഒളിവിലെന്ന് സൂചന