updated on:2018-07-10 07:16 PM
പ്രതീക്ഷയോടെ ദൗത്യസേന ശ്രമം തുടങ്ങി

www.utharadesam.com 2018-07-10 07:16 PM,
ചിയാങ് റായ്: (തായ്‌ലന്‍ഡ്): രണ്ടാഴ്ചയിലേറെയായി മരണം മുഖാമുഖം കണ്ട് തായ് താം ലുവാങ് ഗുഹയില്‍ കുടുങ്ങിയ എട്ടു കുട്ടികളെ രക്ഷപ്പെടുത്തിയതിന് പിന്നാലെ അവശേഷിക്കുന്ന നാല് കുട്ടികളെയും ഫുട്‌ബോള്‍ പരിശീലകനെയും ഇന്ന് വൈകിട്ടോടെ ഗുഹയില്‍ നിന്ന് സുരക്ഷിതമായി പുറത്ത് കൊണ്ട് വരാനാവുമെന്ന് ദൗത്യ സംഘം പ്രതീക്ഷയില്‍. രണ്ട് സംഘങ്ങളായി നാല് വീതം കുട്ടികളെ രക്ഷപ്പെടുത്തിയതിന്റെ ആശ്വാസത്തിലാണ് ദൗത്യ സംഘം. ഒരാള്‍ക്കും അപകടം സംഭവിക്കാതെ അവശേഷിക്കുന്നവരെയും പുറത്തെടുത്ത് ഇന്ന് രാത്രിക്ക് മുമ്പായി ദൗത്യം പൂര്‍ത്തീകരിക്കുമെന്ന് സംഘത്തലവന്‍ പറഞ്ഞു.
ഇന്ന് രാവിലെ വീണ്ടും രക്ഷാ പ്രവര്‍ത്തനം ആരംഭിച്ചിട്ടുണ്ട്. പുറത്ത് കൊണ്ട് വരാന്‍ ബാക്കിയുള്ള കുട്ടികള്‍ 12 വയസ്സിന് താഴെയുള്ളവരാണ്. 19 അംഗ മുങ്ങല്‍വിദഗ്ധ സംഘമാണ് ക്ഷാ ദൗത്യത്തിന് നേതൃത്വം നല്‍കുന്നത്. ജീവന്‍ പണയം വെച്ചുള്ള സംഘത്തിന്റെ സേവനം ലോകമാകെ പ്രശംസ പിടിച്ചുപറ്റിയിട്ടുണ്ട്. രക്ഷപ്പെട്ട് ആസ്പത്രിയിലുള്ള എട്ട് കുട്ടികളും ആരോഗ്യവാന്മാരാണെന്ന് ആസ്പത്രി അധികൃതര്‍ അറിയിച്ചു. എന്നാല്‍ രണ്ടാഴ്ചയിലേറെ ഇരുട്ടറ പോലുള്ള ഗുഹക്കുള്ളില്‍ കുടുങ്ങിയതിനാല്‍ അവര്‍ക്ക് വെളിച്ചം കാണാന്‍ പ്രയാസമുണ്ട്. മാതാപിതാക്കള്‍ക്ക് ഇവരെ നേരിട്ട് കാണാന്‍ അവസരം ലഭിച്ചിട്ടില്ല.
കുട്ടികള്‍ക്ക് രക്തപരിശോധന, ശ്വാസകോശ എക്‌സ്‌റേ, ഹൃദയം, കണ്ണുകള്‍ എന്നിവയുടെ പ്രത്യേക പരിശോധന നടത്തി.
മാനസികനില വിലയിരുത്തുന്നതുവരെ വിവിധ ആരോഗ്യപരിശോധനകള്‍ക്കു കുട്ടികളെ വിധേയമാക്കുന്നതിനാലാണിതെന്നു തായ് പൊതുജനാരോഗ്യ മന്ത്രാലയത്തിലെ ഡോ. ജെസാദ ചൊക്ദാംറോങ്‌സുക് അറിയിച്ചു.
കഴിഞ്ഞ മാസം 23നാണ് 11നും 16നും മധ്യേ പ്രായമുളള 12 കുട്ടികളും അവരുടെ ഇരുപത്തിയഞ്ചുകാരനായ ഫുട്ബാള്‍ പരിശീലകനും ഗുഹയ്ക്കുളളില്‍ കുടുങ്ങിയത്.



Recent News
  സംസ്ഥാനത്ത് കനത്ത മഴ; രണ്ട് മരണം: മുഖ്യമന്ത്രി ഉന്നതതല യോഗം വിളിച്ചു

  അഭിമന്യുവധം: കൊലയില്‍ നേരിട്ട് പങ്കെടുത്ത ഒരാള്‍ അറസ്റ്റില്‍

  അയോധ്യയില്‍ അടുത്ത ലോക്‌സഭാ തിരഞ്ഞെടുപ്പിന് മുമ്പ് രാമക്ഷേത്രം നിര്‍മ്മിക്കും-അമിത് ഷാ

  'ഹിന്ദു പാക്കിസ്താന്‍' പ്രയോഗം: ശശിതരൂര്‍ കോടതിയില്‍ ഹാജരാകണം

  ഒളിവിലുള്ള രണ്ട് വൈദികര്‍ക്കുവേണ്ടി തിരച്ചില്‍ ഊര്‍ജ്ജിതം

  പീഡനം: ഒരു വൈദികന്‍ കീഴടങ്ങി

  അഭിമന്യു വധം: മുഴുവന്‍ പ്രതികളെ കുറിച്ചും സൂചന ലഭിച്ചതായി പൊലീസ്

  ദിലീപിനെ 'അമ്മ'യില്‍ നിന്ന് മാറ്റിയത് തിടുക്കത്തിലായിപ്പോയി-മോഹന്‍ലാല്‍

  മലപ്പുറത്തും കോഴിക്കോട്ടും വിഷമദ്യമൊഴുക്കാന്‍ നീക്കമെന്ന് ഇന്റലിജന്‍സ് റിപ്പോര്‍ട്ട്

  ശശിതരൂരിന് ജാമ്യം; കേസ് 26 ലേക്ക് മാറ്റി

  അഭിമന്യു വധം രണ്ടുപേര്‍ കൂടി അറസ്റ്റില്‍; ബാങ്ക് അക്കൗണ്ടുകള്‍ മരവിപ്പിക്കുന്നു

  അഭിമന്യു വധം: പ്രതികള്‍ കേരളം വിട്ടതായി സൂചന

  കണ്ണൂരില്‍ ബി.ജെ.പി. പ്രവര്‍ത്തകന് വെട്ടേറ്റു തലശ്ശേരിയില്‍ സി.പി.എം. പ്രവര്‍ത്തകന്റെ വീടിന് നേരെ ബോംബേറ്

  അഭിമന്യുവിന്റെ കൊലയാളികളെ തിരിച്ചറിഞ്ഞു

  പ്രതികള്‍ സംസ്ഥാനം വിട്ടതായി സംശയം; ലുക്ക് ഔട്ട് നോട്ടീസ് പുറപ്പെടുവിച്ചു