updated on:2018-07-16 06:40 PM
സംസ്ഥാനത്ത് കനത്ത മഴ; രണ്ട് മരണം: മുഖ്യമന്ത്രി ഉന്നതതല യോഗം വിളിച്ചു

www.utharadesam.com 2018-07-16 06:40 PM,
തിരുവനന്തപുരം/കൊച്ചി: സംസ്ഥാനത്ത് ഇന്നലെ മുതല്‍ പെയ്തുകൊണ്ടിരിക്കുന്ന കനത്ത മഴ ഇന്നും തുടരുകയാണ്. തെക്കന്‍ കേരളത്തിലും മധ്യകേരളത്തിലുമാണ് മഴ ശക്തമായത്. പലേടത്തും വെള്ളം കയറി ജനജീവിതം തടസപ്പെട്ടു. കണ്ണൂരില്‍ ഒരു വീട്ടമ്മ വെള്ളക്കെട്ടില്‍ വീണ് മരിച്ചു. കൊച്ചിയില്‍ ഒരാള്‍ ഒഴുക്കില്‍പ്പെട്ട് മരിച്ചു. മഴക്കെടുതി വിലയിരുത്താന്‍ മുഖ്യമന്ത്രിയുടെ അധ്യക്ഷതയില്‍ തിരുവനന്തപുരത്ത് ഉന്നത തലയോഗം വിളിച്ചു. ട്രാക്കുകളില്‍ മരം വീണും വെള്ളം കയറിയും തീവണ്ടി ഗതാഗതം താറുമാറായി. ചില ട്രെയിനുകള്‍ റദ്ദാക്കുകയോ വൈകിയോടുകയോ ചെയ്യുന്നു. കൊച്ചി നഗരം വെള്ളത്തിലായി. കെ.എസ്.ആര്‍.ടി.സി. സ്റ്റാന്റ് പൂര്‍ണ്ണമായും വെള്ളത്തിലായി. ഓടിക്കൊണ്ടിരുന്ന മംഗലാപുരം- കൊച്ചുവേളി അന്ത്യോദയ എക്‌സ്പ്രസിന് മുകളില്‍ ആലപ്പുഴ ചന്തിരൂരില്‍ വെച്ച് മരം വീണു. ട്രെയിനിന്റെ ഏറ്റവും പിറകിലെ ബോഗിയുടെ മുകളിലാണ് മരം വീണത്. ആളപായമില്ല. കോട്ടയം ജില്ലയിലെ മലയോര മേഖലയില്‍ ഉരുള്‍ പൊട്ടലിന് സാധ്യതയുണ്ടെന്ന് മുന്നറിയിപ്പ് നല്‍കിയിട്ടുണ്ട്. കോട്ടയം സ്റ്റാന്റില്‍ നിന്നുള്ള കെ.എസ്.ആര്‍.ടി. ബസുകളും തടസപ്പെട്ടു. കുട്ടനാട്ടില്‍ 500 ഏക്കര്‍ സ്ഥലത്തെ കൃഷി നശിച്ചു. ഏഴ് ജില്ലകളിലെ വിദ്യാഭ്യാസ സ്ഥാപനങ്ങള്‍ക്ക് അവധി നല്‍കിയിട്ടുണ്ട്. പരീക്ഷകള്‍ മാറ്റി. മുളന്തുരുത്തിയിലും റെയില്‍വേട്രാക്കില്‍ മരം വീണും ഗതാഗതം തടസ്സമായി. പത്തനംതിട്ടയില്‍ 20 ലേറെ വീടുകള്‍ തകര്‍ന്നു. ഇവരെയൊക്കെ മറ്റിടങ്ങളിലേക്ക് മാറ്റിപ്പാര്‍പ്പിച്ചു. പല സ്ഥലങ്ങളിലും കടലാക്രമണവുമുണ്ടായി. കടല്‍ഭിത്തിയുള്ള സ്ഥലങ്ങളില്‍ പോലും ഇത് മറി കടന്ന് തിരമാലകള്‍ ആഞ്ഞടിക്കുകയാണ്. സംസ്ഥാനത്ത് വ്യാഴാഴ്ചവരെ ശക്തമായ മഴ തുടരുമെന്ന് കാലാവസ്ഥാ വകുപ്പ് മുന്നറിയിപ്പ് നല്‍കിയിട്ടുണ്ട്.



Recent News
  ആലപ്പുഴയിലും ആറ്റിങ്ങലിലും ധാരണയായി വഴിമുട്ടി വയനാടും വടകരയും

  ഗോവയില്‍ അര്‍ധരാത്രിയിലും തിരക്കിട്ട ചര്‍ച്ച; അവകാശ വാദം ഉന്നയിച്ച് കോണ്‍ഗ്രസ്

  ന്യൂസിലാന്റ് ഭീകരാക്രമണം; കാണാതായവരില്‍ ഒരു മലയാളിയും

  കാസര്‍കോട്ട് സുബ്ബയ്യറൈക്ക് മുന്‍തൂക്കം

  ഉമ്മന്‍ചാണ്ടിയെ ഡല്‍ഹിക്ക് വിളിപ്പിച്ചു, വയനാടിനും ഇടുക്കിക്കും വേണ്ടി ഗ്രൂപ്പ് പോര്

  ജോസഫ് വീണ്ടും വെട്ടില്‍; ഒരു സീറ്റും വിട്ടുകൊടുക്കേണ്ടതില്ലെന്ന് ഹൈക്കമാന്റ്

  മോദിയെപ്പോലെ കപട വാഗ്ദാനങ്ങള്‍ നല്‍കാറില്ല-രാഹുല്‍ ഗാന്ധി

  മാണിയോട് മൃദു സമീപനം വേണ്ടെന്ന് കോണ്‍ഗ്രസ്; തീരുമാനം നാളെയെന്ന് ജോസഫ്

  കോട്ടയം, ഇടുക്കി സീറ്റുകള്‍ വെച്ചുമാറല്‍ അടക്കം മൂന്ന് നിര്‍ദ്ദേശങ്ങളുമായി ജോസഫ്

  ശബരിമല വിഷയമാക്കുന്നതില്‍ തടസമില്ല

  കേരള കോണ്‍ഗ്രസില്‍ പൊട്ടിത്തെറി; മധ്യസ്ഥ ശ്രമവുമായി കോണ്‍ഗ്രസ്

  കോണ്‍ഗ്രസ് സ്ഥാനാര്‍ത്ഥിപ്പട്ടിക: തീരുമാനം രാഹുല്‍ ഗാന്ധിക്ക് വിട്ടു

  ഖാസി സി.എം. അബ്ദുല്ല മൗലവിയുടെ മരണം; സത്യം തെളിയിക്കാന്‍ സമസ്ത ഏതറ്റം വരെയും പോകും -ജിഫ്രി മുത്തുക്കോയ തങ്ങള്‍

  രഞ്ജി പണിക്കരുടെ ഭാര്യ അനിത അന്തരിച്ചു

  സി.പി.എം. സ്ഥാനാര്‍ത്ഥികളെ ഔദ്യോഗികമായി പ്രഖ്യാപിച്ചു; രണ്ടിടത്ത് സ്വതന്ത്രര്‍