updated on:2018-07-20 07:12 PM
ബി.ജെ.പിക്ക് തിരിച്ചടി; ശിവസേന വോട്ടെടുപ്പില്‍ നിന്ന് വിട്ടുനില്‍ക്കും

www.utharadesam.com 2018-07-20 07:12 PM,
ന്യൂഡല്‍ഹി: നരേന്ദ്രമോദി സര്‍ക്കാരിനെതിരെയുള്ള ആദ്യ അവിശ്വാസ പ്രമേയത്തില്‍ ചര്‍ച്ച തുടങ്ങി. ബി.ജെ.പി.ക്ക് തിരിച്ചടി നല്‍കി ശിവസേന അവിശ്വാസ പ്രമേയ വോട്ടെടുപ്പില്‍ നിന്ന് വിട്ടു നില്‍ക്കാന്‍ തീരുമാനിച്ചു. ഇന്നലെ ശിവസേനാ തലവന്‍ ഉദ്ദവ് താക്ക്‌റെയുമായി ബി.ജെ.പി. നേതാവ് അമിത് ഷാ ചര്‍ച്ച തുടങ്ങിയതിന്റെ അടിസ്ഥാനത്തില്‍ ബി.ജെ.പി.ക്ക് അനുകൂലമായി വിപ്പ് പുറപ്പെടുവിച്ചിരുന്നു. എന്നാല്‍ ഇന്ന് രാവിലെ ഇത് പിന്‍വലിക്കുകയും വോട്ടെടുപ്പില്‍ നിന്ന് വിട്ടുനില്‍ക്കാന്‍ തീരുമാനിക്കുകയുമായിരുന്നു. അവിശ്വാസ പ്രമേയത്തെ പിന്തുണക്കില്ലെന്നും മന്ത്രിസഭയ്ക്ക് അനുകൂലമായി വോട്ട് ചെയ്യുമെന്നും കഴിഞ്ഞ ദിവസം പ്രഖ്യാപിച്ച ശേഷമാണ് ശിവസേനയുടെ വ്യതിചലനം. 18 അംഗങ്ങളാണ് ശിവസേനക്കുള്ളത്. ഇതോടെ അവിശ്വാസ പ്രമേയത്തെ മൂന്നില്‍ രണ്ട് ഭൂരിപക്ഷത്തിന് പരാജയപ്പെടുത്തുക എന്ന ബി.ജെ.പി.യുടെ ആഗ്രഹം നടക്കില്ല.
534 അംഗ സഭയില്‍ 312 അംഗങ്ങളുടെ വ്യക്തമായ മുന്‍തൂക്കം എന്‍.ഡി.എ.ക്കുണ്ട്. 147 അംഗങ്ങളാണ് പ്രമേയത്തെ അനുകൂലിക്കുന്നത്. 76 അംഗങ്ങളുടെ നിലപാടിന്റെ കാര്യത്തില്‍ ഇപ്പോഴും അവ്യക്തത തുടരുന്നുണ്ട്. ബിജു ജനതാദള്‍(ബി.ജെ.ഡി.) പ്രമേയത്തെ അനുകൂലിക്കാനോ എതിര്‍ക്കാനോ ഇല്ലെന്ന് വ്യക്തമാക്കി ഇറങ്ങിപ്പോയി. ചര്‍ച്ചയില്‍ പോലും പങ്കെടുക്കാതെയാണ് ഇറങ്ങിപ്പോയത്. 20 എം.പി.മാരുള്ള ബി.ജെ.ഡി. യുപി.എക്കൊപ്പവും എന്‍.ഡി.എ.ക്കൊപ്പവുമില്ലെന്ന് പറഞ്ഞാണ് ഇറങ്ങിപ്പോയത്.
16 എം.പി. മാരുള്ള ടി.ഡി.പി. എന്‍.ഡി.എ.യില്‍ നിന്ന് പുറത്ത് പോകാന്‍ നേരത്തേ തീരുമാനിച്ചിരുന്നു. 33 അംഗങ്ങളുള്ള അണ്ണാഡി.എം.കെ.യുടെ പിന്തുണ കിട്ടുമോ എന്ന് ബി.ജെ.പി. നോക്കുന്നുണ്ട്. പനീര്‍ശെല്‍വവുമായി അമിത്ഷാ ഇന്നലെ ചര്‍ച്ച നടത്തിയിരുന്നു. ടി.ഡി.പി.യുടെ കെ. ശ്രീനിവാസാണ് ഒറ്റവരിയിലുള്ള അവിശ്വാസ പ്രമേയം അവതരിപ്പിച്ചത്. ചര്‍ച്ചക്ക് തുടക്കം കുറിച്ചത് ടി.ഡി.പി.അംഗം ജയദേവ് ഗല്ലയായിരുന്നു.
പ്രധാന പ്രതിപക്ഷമായ കോണ്‍ഗ്രസിന് സംസാരിക്കാന്‍ 37 മിനിട്ട് മാത്രമാണ് അനുവദിച്ചത്. ഇതിനെതിരെ സ്പീക്കര്‍ക്ക് പരാതി നല്‍കി. വൈകിട്ട് ഏഴ് മണിയോടെയാണ് പ്രധാമന്ത്രിയുടെ മറുപടി പ്രസംഗം. അതിന് ശേഷമായിരിക്കും വോട്ടെടുപ്പ്. അവിശ്വാസ പ്രമേയം പാസാകില്ലെന്ന് ഉറപ്പുള്ളതിനാല്‍ വോട്ടെടുപ്പിന് മുമ്പ് തന്നെ ഇറങ്ങിപ്പോകാനും കോണ്‍ഗ്രസ് ആലോചിക്കുന്നുണ്ട്.



Recent News
  എല്‍.ഡി.എഫ് യോഗത്തില്‍ നിന്ന് വി.എസ് വിട്ടുനിന്നു

  ശബരിമല ദര്‍ശനത്തിനെത്തിയ രണ്ട് യുവതികളെ പൊലീസ് തിരിച്ചിറക്കി

  അലോക് വര്‍മ്മയ്‌ക്കെതിരെ സി.ബി.ഐ. അന്വേഷണം വരുന്നു

  അലോക് വര്‍മ്മ അഴിമതി നടത്തിയതിന് തെളിവില്ലെന്ന് അന്വേഷണക്കമ്മീഷന്‍ അംഗം

  ജില്ലാ സ്‌പോര്‍ട്‌സ് കൗണ്‍സില്‍ തിരഞ്ഞെടുപ്പ് ഹൈക്കോടതി സ്റ്റേ ചെയ്തു

  209 തടവുകാരെ വിട്ടയച്ച നടപടി ഹൈക്കോടതി റദ്ദാക്കി

  നാഗേശ്വര റാവു സി.ബി.ഐ താല്‍ക്കാലിക ഡയറക്ടറായി ചുമതലയേറ്റു

  ജസ്റ്റീസ് ലളിത് പിന്മാറി; അയോധ്യ കേസ് വാദം കേള്‍ക്കുന്നത് നീട്ടി

  കാസര്‍കോട് അസംബ്ലി മണ്ഡലത്തിലെ 11 സ്‌കൂളുകള്‍ക്ക് 19 കോടി രൂപ അനുവദിച്ചു

  പിറന്നാള്‍ ദിനത്തില്‍ ഇത്തവണയും ഗാനഗന്ധര്‍വ്വന്‍ വാഗ് ദേവതയുടെ അനുഗ്രഹത്തിനായി കൊല്ലൂരിലെത്തി

  രണ്ടാം ദിന പണിമുടക്ക്: തിരുവനന്തപുരത്ത് ബാങ്ക് തകര്‍ത്തു; പലയിടത്തും തീവണ്ടികള്‍ തടഞ്ഞു

  അര്‍ധരാത്രിയിലെ കേന്ദ്ര നടപടി സുപ്രീം കോടതി റദ്ദാക്കി; അലോക്‌വര്‍മ്മ വീണ്ടും സി.ബി.ഐ. തലപ്പത്ത്

  ദേശീയ പണിമുടക്ക്: കേരളമടക്കം നിശ്ചലമായി, തീവണ്ടികള്‍ തടഞ്ഞു

  സ്വകാര്യ മുതല്‍ നശിപ്പിച്ചാലും കുടുങ്ങും; ഓര്‍ഡിനന്‍സ് വരുന്നു

  തലശ്ശേരിയിലും കണ്ണൂരിലും നേതാക്കളുടെ വീടുകള്‍ക്ക് നേരെ ബോംബേറ്