updated on:2018-07-21 07:50 PM
പശുക്കടത്ത്; രാജസ്ഥാനില്‍ വീണ്ടും ആള്‍കൂട്ട കൊല

www.utharadesam.com 2018-07-21 07:50 PM,
ആല്‍വാര്‍: ആള്‍കൂട്ടകൊലക്കെതിരെ നിയമം കൊണ്ടുവരണമെന്ന് സുപ്രിം കോടതി നിര്‍ദ്ദേശിച്ചതിനു തൊട്ടുപിന്നാലെ രാജസ്ഥാനില്‍ പശുക്കടത്തിന്റെ പേരില്‍ വീണ്ടും ആള്‍കൂട്ടകൊല. രാജസ്ഥാനിലെ ആല്‍വാറില്‍ പശുക്കളെ കടത്തിയെന്നാരോപിച്ച് ഹരിയാന സ്വദേശി അക്ബര്‍ ഖാനെയാണ് ആള്‍കൂട്ടം അടിച്ചുകൊന്നത്. റാംഗഡില്‍ രണ്ട് പേര്‍ ചേര്‍ന്ന് പശുക്കളെ നടത്തിക്കൊണ്ടു പോകുന്നത് ശ്രദ്ധയില്‍ പെട്ടതിനെ തുടര്‍ന്ന് പ്രദേശ വാസികള്‍ സംഘടിച്ചെത്തി മര്‍ദ്ദിച്ച് കൊലപ്പെടുത്തുകയായിരുന്നുവത്രെ. അക്ബര്‍ഖാന്‍ സംഭവസ്ഥലത്ത് തന്നെ മരണപ്പെടുകയും ഒപ്പമുണ്ടായിരുന്നയാളെ ഗുരുതരമായി പരിക്കേറ്റ നിലയില്‍ ആസ്പത്രിയില്‍ പ്രവേശിപ്പിക്കുകയും ചെയ്തു. ആള്‍കൂട്ടകൊല സംബന്ധിച്ച് മാത്രമായി പാര്‍ലമെന്റ് നിയമമുണ്ടാക്കണമെന്ന് ഏതാനും ദിവസം മുമ്പാണ് സുപ്രീംകോടതി നിര്‍ദ്ദേശിച്ചത്. അന്വേഷണവും വിചാരണയും ശിക്ഷയും തെരുവിലല്ല നടക്കേണ്ടതെന്നും കോടതി വ്യക്തമാക്കിയിരുന്നു. നിയമം കയ്യിലെടുക്കാനും നിയമ സംരക്ഷകരാകാനും ആര്‍ക്കും അവകാശമില്ല. അത്തരക്കാര്‍ക്കെതിരെ സംസ്ഥാന സര്‍ക്കാര്‍ നടപടിയെടുക്കണം. പശുവിന്റെ പേരിലോ അല്ലാതെയോ ഉള്ള ഇടപെടലുകള്‍ സംസ്ഥാന സര്‍ക്കാരുകള്‍ക്ക് തടയാന്‍ കഴിയണമെന്നും സുപ്രീം കോടതി ചൂണ്ടിക്കാട്ടിയിരുന്നു. ചില ആശയങ്ങളുടെ പേരില്‍ ചിലര്‍ നിയമം കയ്യിലെടുക്കുന്നത് അരാജകത്വത്തിനും അക്രമോല്‍സുക സമൂഹത്തിനും കാരണമാകുമെന്നും കോടതി ചൂണ്ടിക്കാട്ടിയിരുന്നു. രാജസ്ഥാനില്‍ ഇതിനടുത്ത് തന്നെയാണ് മുമ്പും പശുക്കടത്തിന്റെ പേരില്‍ ഒരാളെ ആള്‍കൂട്ടം കൊലപ്പെടുത്തിയിരുന്നത്. പെഹ്‌ലുഖാന്‍ (50) എന്നയാളാണ് കൊല്ലപ്പെട്ടത്. ഇയാള്‍ കൊല്ലപ്പെട്ടതിന്റെ വാര്‍ഷികം ഇന്നലെയായിരുന്നു.



Recent News
  യുവതി പ്രവേശനത്തില്‍ ശുദ്ധിക്രിയ; തന്ത്രിക്ക് നോട്ടീസ്

  ശബരിമല പ്രശ്‌നം; ചര്‍ച്ചയ്ക്ക് തയ്യാറായി പന്തളം കൊട്ടാരം

  ശബരിമലയില്‍ വീണ്ടും യുവതികളെത്തി; പൊലീസ് മടക്കി അയച്ചു

  എല്‍.ഡി.എഫ് യോഗത്തില്‍ നിന്ന് വി.എസ് വിട്ടുനിന്നു

  ശബരിമല ദര്‍ശനത്തിനെത്തിയ രണ്ട് യുവതികളെ പൊലീസ് തിരിച്ചിറക്കി

  അലോക് വര്‍മ്മയ്‌ക്കെതിരെ സി.ബി.ഐ. അന്വേഷണം വരുന്നു

  അലോക് വര്‍മ്മ അഴിമതി നടത്തിയതിന് തെളിവില്ലെന്ന് അന്വേഷണക്കമ്മീഷന്‍ അംഗം

  ജില്ലാ സ്‌പോര്‍ട്‌സ് കൗണ്‍സില്‍ തിരഞ്ഞെടുപ്പ് ഹൈക്കോടതി സ്റ്റേ ചെയ്തു

  209 തടവുകാരെ വിട്ടയച്ച നടപടി ഹൈക്കോടതി റദ്ദാക്കി

  നാഗേശ്വര റാവു സി.ബി.ഐ താല്‍ക്കാലിക ഡയറക്ടറായി ചുമതലയേറ്റു

  ജസ്റ്റീസ് ലളിത് പിന്മാറി; അയോധ്യ കേസ് വാദം കേള്‍ക്കുന്നത് നീട്ടി

  കാസര്‍കോട് അസംബ്ലി മണ്ഡലത്തിലെ 11 സ്‌കൂളുകള്‍ക്ക് 19 കോടി രൂപ അനുവദിച്ചു

  പിറന്നാള്‍ ദിനത്തില്‍ ഇത്തവണയും ഗാനഗന്ധര്‍വ്വന്‍ വാഗ് ദേവതയുടെ അനുഗ്രഹത്തിനായി കൊല്ലൂരിലെത്തി

  രണ്ടാം ദിന പണിമുടക്ക്: തിരുവനന്തപുരത്ത് ബാങ്ക് തകര്‍ത്തു; പലയിടത്തും തീവണ്ടികള്‍ തടഞ്ഞു

  അര്‍ധരാത്രിയിലെ കേന്ദ്ര നടപടി സുപ്രീം കോടതി റദ്ദാക്കി; അലോക്‌വര്‍മ്മ വീണ്ടും സി.ബി.ഐ. തലപ്പത്ത്