updated on:2018-07-25 07:48 PM
ഉദയകുമാര്‍ ഉരുട്ടിക്കൊല: രണ്ടുപൊലീസുകാര്‍ക്ക് വധശിക്ഷ

www.utharadesam.com 2018-07-25 07:48 PM,
തിരുവനന്തപുരം: തിരുവനന്തപുരം ഫോര്‍ട്ട് പൊലീസ് സ്റ്റേഷനില്‍ ഉദയകുമാര്‍ എന്ന യുവാവിനെ ഉരുട്ടിക്കൊന്ന കേസില്‍ ഒന്നും രണ്ടും പ്രതികളായ പൊലീസുകാര്‍ക്ക് തിരുവനന്തപുരം സി.ബി.ഐ കോടതി വധ ശിക്ഷ വിധിച്ചു. ഒന്നാം പ്രതി ജിതകുമാര്‍, രണ്ടാം പ്രതി ശ്രീകുമാര്‍ എന്നിവര്‍ക്കാണ് തൂക്ക് കയര്‍. ഡി.വൈ.എസ്.പി. ടി. അജിത് കുമാര്‍, ഇ.കെ. സാബു, മുന്‍ എസ്.പി. പി.ടി. ഹരിദാസ് എന്നിവര്‍ക്ക് ആറ് വര്‍ഷം തടവും വിധിച്ചു. പ്രതികളില്‍ നിന്ന് രണ്ട് ലക്ഷം രൂപ വീതം പിഴ ഈടാക്കാനും കോടതി വിധിച്ചു. 13 വര്‍ഷങ്ങള്‍ക്ക് ശേഷമാണ് വിധി ഉണ്ടായിരിക്കുന്നത്. വധശിക്ഷക്ക് വിധിക്കപ്പെട്ട രണ്ട് പൊലീസുകാരും സര്‍ക്കാര്‍ സര്‍വ്വീസില്‍ തുടരുന്നവരാണ്. മൂന്ന് പ്രതികള്‍ക്ക് 6 വര്‍ഷം വീതം രണ്ട് കുറ്റങ്ങളിലായാണ് ശിക്ഷ. ഇത് ഒന്നിച്ചനുഭവിച്ചാല്‍ മൂന്ന് വര്‍ഷം ശിക്ഷ അനുഭവിച്ചാല്‍ മതി. പ്രത്യേക കോടതി ജഡ്ജി ജെ. നാസറാണ് ഉച്ചയോടെ ശിക്ഷാവിധി പ്രസ്താവിച്ചത്. സര്‍വ്വീസിലുള്ള പൊലീസുകാര്‍ക്ക് വധശിക്ഷ വിധിക്കുന്നത് അപൂര്‍വ്വമാണ്.
പ്രതികള്‍ കുറ്റക്കാരാണെന്ന് കോടതി ഇന്നലെ കണ്ടെത്തിയിരുന്നു. നഗരത്തിലെ പാര്‍ക്കില്‍ നിന്ന് മോഷണക്കേസ് പ്രതിയോടൊപ്പം കസ്റ്റഡിയിലെടുത്ത കിള്ളിമ്പാലം കീഴാനൂര്‍ കുന്നുപുറം വീട്ടില്‍ ഉദയകുമാര്‍ (28)തുടയിലെ രക്തധമനികള്‍ പൊട്ടി 2005 സെപ്തംബര്‍ 27 ന് രാത്രി 10 മണിയോടെയാണ് മരിച്ചത്.
ഒന്നും രണ്ടും പ്രതികളില്‍ നിന്ന് ഈടാക്കുന്ന രണ്ട് ലക്ഷം രൂപ പിഴ അടച്ചാല്‍ അത് ഉദയകുമാറിന്റെ അമ്മ പ്രഭാവതി അമ്മയ്ക്ക് നല്‍കാനും കോടതി നിര്‍ദ്ദേശിച്ചു. സംഘം ചേരല്‍, ഗൂഢാലോചന, വ്യാജ രേഖ ചമക്കല്‍ തുടങ്ങിയ വകുപ്പുകള്‍ പ്രകാരമാണ് പ്രതികള്‍ക്ക് ശിക്ഷ വിധിച്ചത്.



Recent News
  രണ്ടാംഘട്ടം തുടങ്ങി; കനത്ത പോളിങ്ങ്, സമാധാനപരം

  അംബാനിക്ക് 30,000 കോടി നല്‍കിയതാണ് ദേശവിരുദ്ധത-രാഹുല്‍

  പ്രധാനമന്ത്രിക്കെതിരെ തിരഞ്ഞെടുപ്പ് കമ്മീഷന് സി.പി.എം പരാതി നല്‍കി

  യോഗി, മായാവതി, മേനകാ ഗാന്ധി, അസം ഖാന്‍ എന്നിവര്‍ക്ക് വിലക്ക്

  ഡോ.ഡി. ബാബുപോള്‍ അന്തരിച്ചു

  വിവാദ പ്രസംഗം: മേനകാ ഗാന്ധിക്ക് നോട്ടീസ്

  പ്രധാന മന്ത്രി വൈകിട്ടെത്തും

  എട്ട് മുന്‍ സൈനിക മേധാവികള്‍ രാഷ്ട്രപതിക്ക് കത്ത് നല്‍കി

  സൈനികരുടെ പേരില്‍ വോട്ടഭ്യര്‍ത്ഥന; മോദിയുടേത് പെരുമാറ്റ ചട്ടലംഘനമന്ന് തിരഞ്ഞെടുപ്പ് ഓഫീസര്‍

  കെ.എം. മാണിയുടെ സംസ്‌ക്കാരചടങ്ങ് വൈകിട്ട്

  ആന്ധ്രയില്‍ ഏറ്റുമുട്ടല്‍; ബൂത്ത് തകര്‍ത്തു, വോട്ടിങ്ങ് യന്ത്രം വലിച്ചെറിഞ്ഞു

  റഫാല്‍ കേസില്‍ കേന്ദ്രത്തിന് തിരിച്ചടി

  രാഷ്ട്രീയ തന്ത്രങ്ങളുടെ ചാണക്യന് വിട

  അഭയകേസ്: ഫാ.തോമസ് കോട്ടൂരും സിസ്റ്റര്‍ സെഫിയും വിചാരണ നേരിടണം

  രാഷ്ട്രീയ പ്രേരണയുണ്ടോയെന്ന് അനുപമ പറയട്ടെ -സുരേഷ്‌ഗോപി