updated on:2018-07-30 06:58 PM
ജലനിരപ്പ് വീണ്ടും ഉയര്‍ന്നു; ജനങ്ങളെ മാറ്റിപ്പാര്‍പ്പിക്കുന്നു

www.utharadesam.com 2018-07-30 06:58 PM,
ഇടുക്കി: ഇടുക്കി ഡാം ഏത് നിമിഷവും തുറന്ന് വീടാനൊരങ്ങുകയാണ് അധികൃതര്‍. ഇതിന് മുന്നോടിയായി ഇടുക്കി ജില്ലാ കലക്ടര്‍ ജീവന്‍ബാബുവും ഉയര്‍ന്ന ഉദ്യോഗസ്ഥരും ഡാം സന്ദര്‍ശിച്ചു.
ഇടുക്കി ഡാമിലെ ജലനിരപ്പ് ഇന്നും വര്‍ധിച്ചു. ഇപ്പോള്‍ 2394 അടിവെള്ളമാണ് ഉള്ളത്. ഒരടി കൂടി ഉയര്‍ന്നാല്‍ ഓറഞ്ച് അലര്‍ട്ട് പ്രഖ്യാപിച്ച് ഏത് സമയത്തും തുറന്ന് വിടാം. 2403 അടിയാണ് സംഭരണിയുടെ പരമാവധി ശേഷിയെങ്കിലും മുല്ലപ്പെരിയാര്‍ കൂടി നിറഞ്ഞു നില്‍ക്കുന്നതിനാല്‍ നേരത്തെ തുറക്കാനാണ് തീരുമാനം. 2397 അടിയിലെത്തിയാല്‍ ഷട്ടറുകള്‍ തുറന്നുവിടും. ഇതിന്റെ മുന്നൊരുക്കമായി 12 സമീപ പഞ്ചായത്തുകളിലെ 12 സ്‌കൂളുകളില്‍ ദുരിതാശ്വാസ ക്യാമ്പ് തുടങ്ങാനുള്ള സജ്ജീകരങ്ങള്‍ പൂര്‍ത്തിയാക്കി.
വെള്ളം കുതിച്ചൊഴുകുന്ന പ്രദേശങ്ങളില്‍ നിന്ന് ആളുകളെ ഉച്ചയോടെ മാറ്റും. ചെറുതോണി അണക്കെട്ടിലേക്കാണ് വെള്ളം ഒഴുകിയെത്തുക.
അതിനാല്‍ ഇതിന്റെ പരിസരങ്ങളിലുള്ളവരെ മാറ്റിപ്പാര്‍പ്പിക്കുകയും കടകമ്പോളങ്ങള്‍ അടച്ചു പൂട്ടാനും നിര്‍ദ്ദേശം നല്‍കിയിട്ടുണ്ട്.
ചെറുതോണി ടൗണ്‍ മുതല്‍ ആലുവ വരെ പെരിയാറില്‍ 90 കിലോമീറ്ററിലാണ് വെള്ളമൊഴുകുക. ഷട്ടര്‍ തുറന്ന് ഒരു മണിക്കൂറിനകം 24 കിലോമീറ്റര്‍ അകലെയുള്ള ലോവര്‍ പെരിയാറിലും വെള്ളമെത്തും. ലോവര്‍ പെരിയാറിന്റെ ഷട്ടറുകളും ഉയര്‍ത്തേണ്ടിവരും. പെരിയാര്‍ തീരത്ത് ജലനിരപ്പ് ഉയരുന്നതിനാല്‍ നെടുമ്പാശ്ശേരി വിമാനത്താവളത്തിലും ജാഗ്രത പുറപ്പെടുവിച്ചു.
വിമാനത്താവളത്തിലും വെള്ളം കയറാന്‍ സാധ്യതയുണ്ട്. അണക്കെട്ട് തുറന്ന് വിടുന്നതു വഴിയുള്ള നാശനഷ്ടം കുറക്കാനാണ് 2397 അടിയില്‍ ജലനിരപ്പ് എത്തുമ്പോള്‍ തന്നെ ഡാം തുറക്കാന്‍ ആലോചിക്കുന്നത്.



Recent News
  എല്‍.ഡി.എഫ് യോഗത്തില്‍ നിന്ന് വി.എസ് വിട്ടുനിന്നു

  ശബരിമല ദര്‍ശനത്തിനെത്തിയ രണ്ട് യുവതികളെ പൊലീസ് തിരിച്ചിറക്കി

  അലോക് വര്‍മ്മയ്‌ക്കെതിരെ സി.ബി.ഐ. അന്വേഷണം വരുന്നു

  അലോക് വര്‍മ്മ അഴിമതി നടത്തിയതിന് തെളിവില്ലെന്ന് അന്വേഷണക്കമ്മീഷന്‍ അംഗം

  ജില്ലാ സ്‌പോര്‍ട്‌സ് കൗണ്‍സില്‍ തിരഞ്ഞെടുപ്പ് ഹൈക്കോടതി സ്റ്റേ ചെയ്തു

  209 തടവുകാരെ വിട്ടയച്ച നടപടി ഹൈക്കോടതി റദ്ദാക്കി

  നാഗേശ്വര റാവു സി.ബി.ഐ താല്‍ക്കാലിക ഡയറക്ടറായി ചുമതലയേറ്റു

  ജസ്റ്റീസ് ലളിത് പിന്മാറി; അയോധ്യ കേസ് വാദം കേള്‍ക്കുന്നത് നീട്ടി

  കാസര്‍കോട് അസംബ്ലി മണ്ഡലത്തിലെ 11 സ്‌കൂളുകള്‍ക്ക് 19 കോടി രൂപ അനുവദിച്ചു

  പിറന്നാള്‍ ദിനത്തില്‍ ഇത്തവണയും ഗാനഗന്ധര്‍വ്വന്‍ വാഗ് ദേവതയുടെ അനുഗ്രഹത്തിനായി കൊല്ലൂരിലെത്തി

  രണ്ടാം ദിന പണിമുടക്ക്: തിരുവനന്തപുരത്ത് ബാങ്ക് തകര്‍ത്തു; പലയിടത്തും തീവണ്ടികള്‍ തടഞ്ഞു

  അര്‍ധരാത്രിയിലെ കേന്ദ്ര നടപടി സുപ്രീം കോടതി റദ്ദാക്കി; അലോക്‌വര്‍മ്മ വീണ്ടും സി.ബി.ഐ. തലപ്പത്ത്

  ദേശീയ പണിമുടക്ക്: കേരളമടക്കം നിശ്ചലമായി, തീവണ്ടികള്‍ തടഞ്ഞു

  സ്വകാര്യ മുതല്‍ നശിപ്പിച്ചാലും കുടുങ്ങും; ഓര്‍ഡിനന്‍സ് വരുന്നു

  തലശ്ശേരിയിലും കണ്ണൂരിലും നേതാക്കളുടെ വീടുകള്‍ക്ക് നേരെ ബോംബേറ്