updated on:2018-08-10 06:56 PM
മഴയ്ക്ക് ശമനമില്ല; മരണം 25, ഇടുക്കിയില്‍ മൂന്ന് ഷട്ടറുകള്‍ കൂടി തുറന്നു

www.utharadesam.com 2018-08-10 06:56 PM,
തിരുവനന്തപുരം: രണ്ട് ദിവസമായി സംസ്ഥാനത്തുടനീളം തിമിര്‍ത്തു പെയ്യുന്ന മഴയ്ക്ക് ശമനമില്ല. മഴ മൂന്നു ദിവസം കൂടി പെയ്യുമെന്നാണ് കാലാവസ്ഥ നിരീക്ഷണ കേന്ദ്രത്തിന്റെ റിപ്പോര്‍ട്ട്. മണ്ണിടിഞ്ഞ് വീണ് കാണാതായ ഒരാളുടെ മൃതദേഹം ഇന്ന് കണ്ടെത്തി. ഉരുള്‍ പൊട്ടലില്‍ മറ്റൊരാളും മരിച്ചതോടെയാണ് മരണസംഖ്യ 25 ആയത്. മലപ്പുറത്ത് പെട്ടിയാം പാറയില്‍ ഇന്നലെ വീടിന് മുകളില്‍ മണ്ണിടിഞ്ഞുണ്ടായ ദുരന്തത്തില്‍ കാണാതായ ആറുപേരുടെ മൃതദേഹവും കിട്ടി. ഇന്നലെ അഞ്ചുപേരുടെ മൃതദേഹം കണ്ടെത്തിയിരുന്നു. ഗൃഹനാഥന്‍ പറമ്പാടന്‍ സുബ്രഹ്മണ്യന്റെ മൃതദേഹമാണ് ഇന്ന് കിട്ടിയത്. ഇടുക്കിയില്‍ ജലനിരപ്പ് കുത്തനെ ഉയരുന്നതിനാല്‍ മൂന്ന് ഷട്ടറുകള്‍ കൂടി ഇന്ന് തുറന്നു. സെക്കന്റില്‍ മൂന്ന് ലക്ഷം ലിറ്റര്‍ വെള്ളം ഒഴുക്കി വിടാനാണ് ഉദ്ദേശിക്കുന്നത്. പകുതി പ്രദേശത്ത് മഴ കനത്തതിനാല്‍ കൂടുതല്‍ ഷട്ടറുകള്‍ ഉയര്‍ത്താന്‍ ആലോചിക്കുകയാണ് അധികൃതര്‍. നിലവില്‍ 2401.46 അടിയാണ് ജലനിരപ്പ്. 2403 അടിയാണ് സംഭരണ ശേഷി. പെരിയാര്‍ രണ്ടായി പിരിയുന്ന ആലുവ മണപ്പുറം പൂര്‍ണ്ണമായും വെള്ളത്തിനടിയിലാണ്. കൂടുതല്‍ ഷട്ടറുകള്‍ തുറക്കുന്നതോടെ പെരിയാര്‍ തീരത്ത് താമസിക്കുന്നവരെ മാറ്റിപ്പാര്‍പ്പിച്ചുവരികയാണ്. അതിനിടെ ദുരിതാശ്വാസ പ്രവര്‍ത്തനം വിലയിരുത്താന്‍ മുഖ്യമന്ത്രി പിണറായി വിജയന്റെ നേതൃത്വത്തില്‍ ഇന്ന് രാവിലെ ഉന്നത തലയോഗം ചേര്‍ന്നു. ദുരിതാശ്വാസ പ്രവര്‍ത്തനം ശരിയായ രീതിയിലാണ് മുന്നോട്ട് പോകുന്നതെന്ന് യോഗത്തിനു ശേഷം റവന്യൂമന്ത്രി ഇ.ചന്ദ്രശേഖരന്‍ പറഞ്ഞു. ഇടുക്കിയില്‍ മുന്നൊരുക്കങ്ങള്‍ നടത്തിയിരുന്നതിനാല്‍ വലിയ ദുരന്തങ്ങളൊന്നും ഉണ്ടായിട്ടില്ല. സൈന്യത്തിന്റെതടക്കം സഹായം ലഭ്യമാക്കിയിട്ടുണ്ട്. കേന്ദ്ര സംഘം ഇപ്പോള്‍ കേരളത്തിലുണ്ട്.
അവര്‍ കണ്ടു കൊണ്ടിരിക്കുന്ന ദുരിതം കേന്ദ്രത്തില്‍ അറിയിക്കുമെന്നും അനുകൂലമായ നിലപാടുണ്ടാവുമെന്നും മന്ത്രി പറഞ്ഞു.



Recent News
  അഖിലിനെ കുത്താനുപയോഗിച്ച കത്തി കണ്ടെടുത്തു

  തോമസ് ചാണ്ടിയില്‍ നിന്ന് നികുതിയും പിഴയും ഈടാക്കുന്നത് സര്‍ക്കാര്‍ തടഞ്ഞു

  കര്‍ണാടകയില്‍ സുപ്രീംകോടതിയുടെ ഇടപെടല്‍

  'റോ'യെ തകര്‍ക്കാന്‍ ശ്രമിച്ചുവെന്ന് മുന്‍ ഉദ്യോഗസ്ഥന്‍ ഹാമിദ് അന്‍സാരി കുരുക്കില്‍

  ആന്തൂരില്‍ സാജന്റെ കണ്‍വെന്‍ഷന്‍ സെന്ററിന് പ്രവര്‍ത്തനാനുമതി

  ധനമന്ത്രി നിര്‍മ്മലാ സീതാരാമന്‍ കേന്ദ്ര ബജറ്റ് അവതരിപ്പിച്ചു എല്ലാവര്‍ക്കും വീട്; റെയില്‍ വികസനത്തിന് പി.പി.പി. മോഡല്‍

  സുന്നി വിദ്യാഭ്യാസ ബോര്‍ഡ്; കുമ്പോല്‍ തങ്ങള്‍ ട്രഷറര്‍

  നെടുങ്കണ്ടം കസ്റ്റഡിമരണം; എസ്.ഐ.അടക്കം 2 പേര്‍ അറസ്റ്റില്‍

  പ്രളയ ദുരിതബാധിത ഭവന നിര്‍മ്മാണ പദ്ധതിയിലേക്ക് 5 ലക്ഷം രൂപ നല്‍കി

  മന്ത്രിമാര്‍ എത്ര തവണ വിദേശത്ത് പോയി ? വിവരം ശേഖരിച്ചു വരുന്നതായി മുഖ്യമന്ത്രി

  രാജ്കുമാര്‍ ഉരുട്ടലിന് വിധേയനായെന്ന് പോസ്റ്റുമോര്‍ട്ടം റിപ്പോര്‍ട്ട്

  കസ്റ്റഡി മരണം; പരാതി പിന്‍വലിക്കാന്‍ വീട്ടുകാര്‍ക്ക് മേല്‍ സമ്മര്‍ദ്ദം

  ബിനോയ്‌ക്കെതിരെ ലുക്ക് ഔട്ട് നോട്ടീസ്

  രാജിക്കൊരുങ്ങി കോടിയേരി

  രാജുനാരായണ സ്വാമിയെ കേരള കേഡറില്‍ നിന്ന് പിരിച്ചു വിടുന്നു