updated on:2018-08-17 08:08 PM
ശമനമില്ലാതെ മഹാ പ്രളയം

www.utharadesam.com 2018-08-17 08:08 PM,
തിരുവനന്തപുരം: മഴയ്ക്ക് അല്‍പ്പം ശമനം വന്നുവെങ്കിലും സംസ്ഥാനത്ത് മൂന്നാം ദിവസവും പ്രളയ ദുരിതം തുടരുകയാണ്. പത്തനം തിട്ടയിലും ആലുവയിലും ചാലക്കുടിയിലും ആയിരങ്ങള്‍ വീടുകളുടെ രണ്ടാം നിലകളില്‍ ആഹാരവും വെള്ളവും മരുന്നുമില്ലാതെ ഒറ്റപ്പെട്ടുകഴിയുകയാണ്. സൈന്യത്തിന്റെ 'ഓപ്പറേഷന്‍ കരുണ'യുടെ ഭാഗമായി യുദ്ധകാലാടിസ്ഥാനത്തില്‍ രക്ഷാ പ്രവര്‍ത്തനം നടക്കുന്നുണ്ടെങ്കിലും എല്ലായിടത്തും ഇതുവരെ എത്താനായിട്ടില്ല. ഹെലികോപ്ടറുകളിലും ബോട്ടുകളിലുമായി വീടുകളില്‍ കുടുങ്ങിപ്പോയവരെ പുറത്തെത്തിച്ചുകൊണ്ടിരിക്കയാണ്. കര, വ്യോമ, നാവിക സേനകള്‍ രക്ഷാ ദൗത്യത്തിന് പുറമെ ഭക്ഷണവും കുടിവെള്ളവും എന്നിക്കുന്നുമുണ്ട്. സംസ്ഥാനത്ത് 1568 ദുരിതാശ്വാസ ക്യാമ്പുകളിലായി രണ്ട് ലക്ഷത്തോളം പേരാണ് കഴിയുന്നത്. വീടുകളില്‍ നിന്ന് രക്ഷപ്പെടുത്തിക്കൊണ്ടുവരുന്നവരെ ക്യാമ്പുകളില്‍ എത്തിച്ചുകൊണ്ടിരിക്കയാണ്. ദുരിതാശ്വാസ പ്രവര്‍ത്തനങ്ങള്‍ ഏകോപിപ്പിക്കാന്‍ മുഖ്യമന്ത്രിയുടെ നേതൃത്വത്തില്‍ അവലോകന യോഗം ചേര്‍ന്നു.
ഇന്നും സംസ്ഥാനത്തിന്റെ വിവിധ ഭാഗങ്ങളിലായി ഏഴുപേര്‍ മരിച്ചു. കെട്ടിടങ്ങള്‍ തകര്‍ന്നും ഉരുള്‍പൊട്ടലിലുമാണ് മരണം. ഇടുക്കി ഡാം അതിന്റെ പരമാവധി സംഭരണശേഷിയിലേക്ക് എത്തിയതോടെ കൂടുതല്‍ വെള്ളം ഒഴുക്കികളയാനുള്ള ശ്രമം നടന്നുവരുന്നു. അതിനിടെ സംസ്ഥാനത്ത് മഴയുടെ തീവ്രത കുറയുമെന്ന കാലാവസ്ഥ നിരീക്ഷണ കേന്ദ്രത്തിന്റെ അറിയിപ്പ് അല്‍പം ആശ്വാസം പകര്‍ന്നിട്ടുണ്ട്. ബംഗാള്‍ ഉള്‍ക്കടലിലും പശ്ചിമബംഗാളിന്റെ തീരപ്രദേശങ്ങളിലും ഒഡീഷയുടെ മുകളിലും രൂപംകൊണ്ട ന്യൂനമര്‍ദ്ദം വിദര്‍ഭയിലേക്കും പരിസരപ്രദേശങ്ങളിലേക്കും നീങ്ങിയിട്ടുണ്ട്. എറണാകുളത്താണ് ഏറ്റവുമധികം ആളുകള്‍ വീടുകള്‍ക്ക് മുകളില്‍ കുടുങ്ങിക്കിടക്കുന്നത്. അതിനിടെ പ്രളയബാധിത പ്രദേശങ്ങള്‍ സന്ദര്‍ശിക്കുന്നതിന് പ്രധാനമന്ത്രി നരേന്ദ്രമോദി ഇന്ന് വൈകിട്ട് കേരളത്തിലെത്തും.



Recent News
  ആലപ്പുഴയിലും ആറ്റിങ്ങലിലും ധാരണയായി വഴിമുട്ടി വയനാടും വടകരയും

  ഗോവയില്‍ അര്‍ധരാത്രിയിലും തിരക്കിട്ട ചര്‍ച്ച; അവകാശ വാദം ഉന്നയിച്ച് കോണ്‍ഗ്രസ്

  ന്യൂസിലാന്റ് ഭീകരാക്രമണം; കാണാതായവരില്‍ ഒരു മലയാളിയും

  കാസര്‍കോട്ട് സുബ്ബയ്യറൈക്ക് മുന്‍തൂക്കം

  ഉമ്മന്‍ചാണ്ടിയെ ഡല്‍ഹിക്ക് വിളിപ്പിച്ചു, വയനാടിനും ഇടുക്കിക്കും വേണ്ടി ഗ്രൂപ്പ് പോര്

  ജോസഫ് വീണ്ടും വെട്ടില്‍; ഒരു സീറ്റും വിട്ടുകൊടുക്കേണ്ടതില്ലെന്ന് ഹൈക്കമാന്റ്

  മോദിയെപ്പോലെ കപട വാഗ്ദാനങ്ങള്‍ നല്‍കാറില്ല-രാഹുല്‍ ഗാന്ധി

  മാണിയോട് മൃദു സമീപനം വേണ്ടെന്ന് കോണ്‍ഗ്രസ്; തീരുമാനം നാളെയെന്ന് ജോസഫ്

  കോട്ടയം, ഇടുക്കി സീറ്റുകള്‍ വെച്ചുമാറല്‍ അടക്കം മൂന്ന് നിര്‍ദ്ദേശങ്ങളുമായി ജോസഫ്

  ശബരിമല വിഷയമാക്കുന്നതില്‍ തടസമില്ല

  കേരള കോണ്‍ഗ്രസില്‍ പൊട്ടിത്തെറി; മധ്യസ്ഥ ശ്രമവുമായി കോണ്‍ഗ്രസ്

  കോണ്‍ഗ്രസ് സ്ഥാനാര്‍ത്ഥിപ്പട്ടിക: തീരുമാനം രാഹുല്‍ ഗാന്ധിക്ക് വിട്ടു

  ഖാസി സി.എം. അബ്ദുല്ല മൗലവിയുടെ മരണം; സത്യം തെളിയിക്കാന്‍ സമസ്ത ഏതറ്റം വരെയും പോകും -ജിഫ്രി മുത്തുക്കോയ തങ്ങള്‍

  രഞ്ജി പണിക്കരുടെ ഭാര്യ അനിത അന്തരിച്ചു

  സി.പി.എം. സ്ഥാനാര്‍ത്ഥികളെ ഔദ്യോഗികമായി പ്രഖ്യാപിച്ചു; രണ്ടിടത്ത് സ്വതന്ത്രര്‍