updated on:2018-08-20 07:45 PM
കേരളം കരകയറുന്നു

www.utharadesam.com 2018-08-20 07:45 PM,
തിരുവനന്തപുരം: ഒരാഴ്ചത്തെ പ്രളയക്കെടുതികള്‍ക്ക് ശേഷം കേരളം പതുക്കെ കരകയറുന്നു. രക്ഷാ പ്രവര്‍ത്തനം ആദ്യ ഘട്ടം ഏതാണ്ട് പൂര്‍ത്തിയായിക്കഴിഞ്ഞു. ചെങ്ങന്നൂര്‍, പറവൂര്‍ എന്നിവിടങ്ങളിലെ ചില പ്രദേശങ്ങളില്‍ കുടുങ്ങിക്കിടക്കുന്നവരെ രക്ഷപ്പെടുത്തുന്നതോടെ ആദ്യഘട്ടം തീരും. ഇനി തിരികെ ഇവരെ വീടുകളിലെത്തിക്കുന്നതിനുള്ള ശ്രമവും ഇവര്‍ക്ക് സാധാരണ ജീവിതത്തിലേക്ക് മടങ്ങാനുള്ള വഴിയും ഒരുക്കും. വീടുകളില്‍ കുടുങ്ങിക്കിടക്കുന്നവരില്‍ പലരും രോഗബാധിതരാണ്. ഇവരെ ആസ്പത്രികളിലേക്ക് എത്തിക്കുന്ന നടപടിയും പൂര്‍ത്തിയായി വരുന്നു. 10 ലക്ഷത്തോളം പേരാണ് ദുരിതാശ്വാസ ക്യാമ്പുകളില്‍ കഴിയുന്നത്. ഇതിനേക്കാളേറെ പേര്‍ ബന്ധുവീടുകളിലും കഴിയുന്നു.
കനത്ത മഴയ്ക്കുള്ള സാധ്യതയില്ലെന്ന് കാലാവസ്ഥ നിരീക്ഷണ കേന്ദ്രവും വ്യക്തമാക്കിയിട്ടുണ്ട്. ഇതേ തുടര്‍ന്ന് എല്ലാ ജില്ലകളിലെയും റെഡ് അലര്‍ട്ട് പിന്‍വലിച്ചു. അണക്കെട്ടുകളിലും ജല നിരപ്പ് കുറഞ്ഞുവരികയാണ്. ഇതേ തുടര്‍ന്ന് ഒഴുക്കി വിടുന്ന വെള്ളത്തിന്റെ അളവും കുറച്ചു. ഇടുക്കിയിലെ 2, 3, 4 ഷട്ടറുകള്‍ പൂര്‍ണ്ണമായി അടച്ചു. മുല്ലപ്പെരിയാറിലെയും ജലനിരപ്പ് കുറഞ്ഞിട്ടുണ്ട്.
അതിനിടെ നിര്‍ത്തിവെച്ച വിമാനസര്‍വ്വീസുകളും തീവണ്ടി സര്‍വ്വീസും പുനഃസ്ഥാപിച്ചുവരുന്നു. കൊച്ചി നേവല്‍ബേസില്‍ നിന്ന് വിമാന സര്‍വ്വീസ് തുടങ്ങി. നെടുമ്പാശ്ശേരിയില്‍ നിന്നുള്ള സര്‍വ്വീസുകള്‍ ഒന്നു രണ്ടു ദിവത്തിനകം ആരംഭിക്കും. ദീര്‍ഘദൂര തീവണ്ടികളും പാസഞ്ചറുകളും ഓടിത്തുടങ്ങിയിട്ടുണ്ട്. ഒന്ന് രണ്ട് ദിവസത്തിനകം സാധാരണ നിലയിലേക്ക് വരും. അതിനിടെ പറവൂര്‍ കുത്തിയതോട്ടില്‍ പള്ളിമേട ഇടിഞ്ഞ് കാണാതായവരില്‍ നാല് പേരുടെ മൃതദേഹങ്ങള്‍ ഇന്ന് ലഭിച്ചു. കഴിഞ്ഞ ദിവസം ഇവിടെ നിന്ന് രണ്ട് പേരുടെ മൃതദേഹങ്ങള്‍ കിട്ടിയിരുന്നു. വീടുകളില്‍ ചെളി നിറഞ്ഞതിനാല്‍ പലര്‍ക്കും സ്വന്തം വീടുകളിലേക്ക് മാറാനായിട്ടില്ല. രണ്ടാം ഘട്ടമായി ഇവരെ പുനരധിവസിപ്പിക്കാനുള്ള നടപടികള്‍ കൈക്കൊള്ളും. റോഡ് വഴിയുള്ള ഗതാഗതവും പുനഃസ്ഥാപിച്ചു വരുന്നു.



Recent News
  ആലപ്പുഴയിലും ആറ്റിങ്ങലിലും ധാരണയായി വഴിമുട്ടി വയനാടും വടകരയും

  ഗോവയില്‍ അര്‍ധരാത്രിയിലും തിരക്കിട്ട ചര്‍ച്ച; അവകാശ വാദം ഉന്നയിച്ച് കോണ്‍ഗ്രസ്

  ന്യൂസിലാന്റ് ഭീകരാക്രമണം; കാണാതായവരില്‍ ഒരു മലയാളിയും

  കാസര്‍കോട്ട് സുബ്ബയ്യറൈക്ക് മുന്‍തൂക്കം

  ഉമ്മന്‍ചാണ്ടിയെ ഡല്‍ഹിക്ക് വിളിപ്പിച്ചു, വയനാടിനും ഇടുക്കിക്കും വേണ്ടി ഗ്രൂപ്പ് പോര്

  ജോസഫ് വീണ്ടും വെട്ടില്‍; ഒരു സീറ്റും വിട്ടുകൊടുക്കേണ്ടതില്ലെന്ന് ഹൈക്കമാന്റ്

  മോദിയെപ്പോലെ കപട വാഗ്ദാനങ്ങള്‍ നല്‍കാറില്ല-രാഹുല്‍ ഗാന്ധി

  മാണിയോട് മൃദു സമീപനം വേണ്ടെന്ന് കോണ്‍ഗ്രസ്; തീരുമാനം നാളെയെന്ന് ജോസഫ്

  കോട്ടയം, ഇടുക്കി സീറ്റുകള്‍ വെച്ചുമാറല്‍ അടക്കം മൂന്ന് നിര്‍ദ്ദേശങ്ങളുമായി ജോസഫ്

  ശബരിമല വിഷയമാക്കുന്നതില്‍ തടസമില്ല

  കേരള കോണ്‍ഗ്രസില്‍ പൊട്ടിത്തെറി; മധ്യസ്ഥ ശ്രമവുമായി കോണ്‍ഗ്രസ്

  കോണ്‍ഗ്രസ് സ്ഥാനാര്‍ത്ഥിപ്പട്ടിക: തീരുമാനം രാഹുല്‍ ഗാന്ധിക്ക് വിട്ടു

  ഖാസി സി.എം. അബ്ദുല്ല മൗലവിയുടെ മരണം; സത്യം തെളിയിക്കാന്‍ സമസ്ത ഏതറ്റം വരെയും പോകും -ജിഫ്രി മുത്തുക്കോയ തങ്ങള്‍

  രഞ്ജി പണിക്കരുടെ ഭാര്യ അനിത അന്തരിച്ചു

  സി.പി.എം. സ്ഥാനാര്‍ത്ഥികളെ ഔദ്യോഗികമായി പ്രഖ്യാപിച്ചു; രണ്ടിടത്ത് സ്വതന്ത്രര്‍