updated on:2018-09-06 07:17 PM
പത്രപ്രവര്‍ത്തകനേയും ഭാര്യയേയും കെട്ടിയിട്ട് മുഖംമൂടി സംഘം 25 പവനും പണവും കവര്‍ന്നു

www.utharadesam.com 2018-09-06 07:17 PM,
കവര്‍ച്ച കാസര്‍കോട് പ്രസ്‌ക്ലബ്ബ് മുന്‍ പ്രസിഡണ്ട് വിനോദ് ചന്ദ്രന്റെ വീട്ടില്‍

കണ്ണൂര്‍: കണ്ണൂര്‍ താഴെചൊവ്വയില്‍ മാധ്യമ പ്രവര്‍ത്തകനേയും ഭാര്യയേയും കെട്ടിയിട്ട് വീട് കൊള്ളയടിച്ചു. മാതൃഭൂമി കണ്ണൂര്‍ യൂണിറ്റ് ന്യൂസ് എഡിറ്ററും കാസര്‍കോട് പ്രസ്‌ക്ലബ്ബ് മുന്‍ പ്രസിഡണ്ടുമായിരുന്ന കെ. വിനോദ് ചന്ദ്രന്റെ വീട്ടിലാണ് നാടിനെ നടുക്കിയ കവര്‍ച്ച നടന്നത്. ഇന്ന് പുലര്‍ച്ചെ ഒരു മണിയോടെയാണ് സംഭവം. മുഖംമൂടി ധരിച്ചെത്തിയ ആയുധധാരികളായ കവര്‍ച്ചാ സംഘത്തെ പിടികൂടാനായില്ല.
വിനോദിനെയും ഭാര്യ സരിതയേയും കെട്ടിയിട്ട ശേഷം വീട് കൊള്ളയടിക്കുകയായിരുന്നു. 25 പവന്‍ സ്വര്‍ണ്ണവും 15,000 രൂപയും എ.ടി.എം കാര്‍ഡും മൊബൈല്‍ ഫോണുകളും ഗൃഹോപകരണങ്ങളും കൊള്ളയടിച്ചു. മുന്‍ വശത്തെ വാതില്‍ തകര്‍ത്ത് വീട്ടില്‍ അതിക്രമിച്ച് കയറിയ നാലംഗ സംഘം വിനോദ് ചന്ദ്രനേയും ഭാര്യയേയും മര്‍ദിക്കുകയും കെട്ടിയിട്ട ശേഷം മോഷണം നടത്തുകയുമായിരുന്നു.
എന്തോ ശബ്ദം കേട്ട് വിനോദ് കിടപ്പു മുറി തുറന്നപ്പോള്‍ കവര്‍ച്ചക്കാര്‍ ചാടി വീഴുകയായിരുന്നു.
കട്ടിലിനടിയിലേക്ക് തള്ളിയിട്ട വിനോദിനെ കട്ടിലിന്റെ കാലില്‍ കെട്ടിയിട്ടു. ഭാര്യ സരിതയെ കട്ടിലിനു മുകളിലും കെട്ടിയിടുകയായിരുന്നു. പിന്നീട് മുറികള്‍ അരിച്ചുപെറുക്കിയ കവര്‍ച്ചാസംഘം അലമാരകളുടെ താക്കോല്‍ ആവശ്യപ്പെട്ടു. ആഭരങ്ങളും മറ്റും കൈക്കലാക്കിയ സംഘം മൂന്ന് മണിയോടെയാണ് മടങ്ങിയത്.
കവര്‍ച്ചയ്ക്ക് ശേഷം ഫോണ്‍ വിളിച്ച് വാഹനം വരുത്തിയാണ് സംഘം രക്ഷപ്പെട്ടത്. ഹിന്ദിയില്‍ സംസാരിച്ചാണ് വണ്ടി വിളിച്ചു വരുത്തിയതെന്നു വിനോദ് ചന്ദ്രന്‍ പൊലീസിന് മൊഴി നല്‍കി. ഉത്തരേന്ത്യക്കാരാണ് കവര്‍ച്ചയ്ക്ക് പിന്നിലെന്ന് കരുതുന്നു.
മോഷ്ടാക്കള്‍ പോയ ശേഷം പുലര്‍ച്ചെ നാലു മണിയോടെ വിനോദ് ചന്ദ്രന്‍ കെട്ടുകള്‍ സ്വയം അഴിച്ച് പൊലീസിനെ വിവരമറിയിക്കുകയായിരുന്നു. പൊലീസെത്തി ഇരുവരേയും ആസ്പത്രിയില്‍ എത്തിച്ചു. കഴുത്തിനും മുഖത്തും പരിക്കേറ്റ വിനോദ് ചന്ദ്രനും സരിതയും കണ്ണൂര്‍ എ.കെ.ജി. ആസ്പത്രിയില്‍ ചികില്‍സയിലാണ്. കൊളത്തൂര്‍ വിരിക്കുളം സ്വദേശിയാണ് വിനോദ് ചന്ദ്രന്‍.
ഡി.വൈ.എസ്.പി പി.പി സദാനന്ദന്റെ നേതൃത്വത്തില്‍ പൊലീസ് സംഘം വീട്ടിലെത്തി.
വിരലടയാള വിദഗ്ധരും ഡോഗ് സ്‌ക്വാഡ് പരിശോധന നടത്തി. സമീപത്തെ സി.സി.ടി.വി. ദൃശ്യങ്ങള്‍ പരിശോധിച്ച് വരുന്നു



Recent News
  അഖിലിനെ കുത്താനുപയോഗിച്ച കത്തി കണ്ടെടുത്തു

  തോമസ് ചാണ്ടിയില്‍ നിന്ന് നികുതിയും പിഴയും ഈടാക്കുന്നത് സര്‍ക്കാര്‍ തടഞ്ഞു

  കര്‍ണാടകയില്‍ സുപ്രീംകോടതിയുടെ ഇടപെടല്‍

  'റോ'യെ തകര്‍ക്കാന്‍ ശ്രമിച്ചുവെന്ന് മുന്‍ ഉദ്യോഗസ്ഥന്‍ ഹാമിദ് അന്‍സാരി കുരുക്കില്‍

  ആന്തൂരില്‍ സാജന്റെ കണ്‍വെന്‍ഷന്‍ സെന്ററിന് പ്രവര്‍ത്തനാനുമതി

  ധനമന്ത്രി നിര്‍മ്മലാ സീതാരാമന്‍ കേന്ദ്ര ബജറ്റ് അവതരിപ്പിച്ചു എല്ലാവര്‍ക്കും വീട്; റെയില്‍ വികസനത്തിന് പി.പി.പി. മോഡല്‍

  സുന്നി വിദ്യാഭ്യാസ ബോര്‍ഡ്; കുമ്പോല്‍ തങ്ങള്‍ ട്രഷറര്‍

  നെടുങ്കണ്ടം കസ്റ്റഡിമരണം; എസ്.ഐ.അടക്കം 2 പേര്‍ അറസ്റ്റില്‍

  പ്രളയ ദുരിതബാധിത ഭവന നിര്‍മ്മാണ പദ്ധതിയിലേക്ക് 5 ലക്ഷം രൂപ നല്‍കി

  മന്ത്രിമാര്‍ എത്ര തവണ വിദേശത്ത് പോയി ? വിവരം ശേഖരിച്ചു വരുന്നതായി മുഖ്യമന്ത്രി

  രാജ്കുമാര്‍ ഉരുട്ടലിന് വിധേയനായെന്ന് പോസ്റ്റുമോര്‍ട്ടം റിപ്പോര്‍ട്ട്

  കസ്റ്റഡി മരണം; പരാതി പിന്‍വലിക്കാന്‍ വീട്ടുകാര്‍ക്ക് മേല്‍ സമ്മര്‍ദ്ദം

  ബിനോയ്‌ക്കെതിരെ ലുക്ക് ഔട്ട് നോട്ടീസ്

  രാജിക്കൊരുങ്ങി കോടിയേരി

  രാജുനാരായണ സ്വാമിയെ കേരള കേഡറില്‍ നിന്ന് പിരിച്ചു വിടുന്നു