updated on:2018-09-17 07:04 PM
ക്യാപ്റ്റന്‍ രാജു വിടവാങ്ങി

www.utharadesam.com 2018-09-17 07:04 PM,
കൊച്ചി: വില്ലന്‍ വേഷങ്ങളിലും സഹനടനായും മലയാള സിനിമയില്‍ തിളങ്ങിയ ക്യാപ്റ്റന്‍ രാജു (68) അന്തരിച്ചു. ഇന്ന് രാവിലെ കൊച്ചി ആലിന്‍ ചുവട്ടിലെ വീട്ടിലായിരുന്നു അന്ത്യം. 500ലധികം ചിത്രങ്ങളില്‍ വേഷമിട്ട രാജു മലയാളത്തിന് പുറമെ തമിഴ്, തെലുങ്ക് കന്നഡ, ഹിന്ദി ഭാഷകളിലെ സിനിമകളിലും അഭിനയിച്ചിട്ടുണ്ട്. ഇതാ ഒരു സ്‌നേഹഗാഥ, മിസ്റ്റര്‍ പവനായി എന്നീ ചിത്രങ്ങള്‍ സംവിധാനം ചെയ്തിട്ടുണ്ട്. മസ്തിഷ്‌കാഘാതത്തെത്തുടര്‍ന്ന് കഴിഞ്ഞ ജൂണില്‍ അദ്ദേഹത്തെ ഒമാനിലെ കിംസ് ആസ്പത്രിയില്‍ പ്രവേശിപ്പിച്ചിരുന്നു.
അമേരിക്കയിലേക്കുള്ള യാത്രാ മധ്യേ വിമാനത്തില്‍ വെച്ചാണ് മസ്തിഷ്‌കാഘാതമുണ്ടായത്. മസ്‌കറ്റ് രാജ്യാന്തര വിമാനത്താവളത്തില്‍ അടിയന്തിരമായി വിമാനം ഇറക്കി അദ്ദേഹത്തെ ആസ്പത്രിയിലേക്ക് മാറ്റുകയായിരുന്നു. അവിടത്തെ ചികിത്സക്ക് ശേഷമാണ് കൊച്ചിയിലേക്ക് കൊണ്ടു വന്ന് ചികിത്സ നല്‍കി വന്നിരുന്നത്. അമേരിക്കയിലുള്ള മകന്‍ എത്തിയതിന് ശേഷം പത്തനംതിട്ടയില്‍ സംസ്‌കാര ചടങ്ങുകള്‍ നടക്കും. സൈനിക സേവനത്തിന് ശേഷം 1981ല്‍ പുറത്തിറങ്ങിയ രക്തമാണ് ആദ്യ ചിത്രം. മമ്മൂട്ടിക്കൊപ്പം അഭിനയിച്ച മാസ്റ്റര്‍ പീസാണ് അവസാന ചിത്രം. ആദ്യകാലങ്ങളില്‍ വില്ലന്‍ വേഷങ്ങളിലൂടെ ശ്രദ്ധ നേടിയ ക്യാപ്റ്റന്‍ രാജുവിന്റെ നാടോടിക്കാറ്റിലെ പവനായി എന്ന കഥാപാത്രം പ്രേക്ഷകര്‍ ഏറെ നെഞ്ചേറ്റിയതായിരുന്നു.
ഒരു വടക്കന്‍ വീരഗാഥയിലെ അരിങ്ങോടര്‍ എന്ന കഥാപാത്രം മലയാളം ഏറെ ചര്‍ച്ച ചെയ്തതായിരുന്നു. അതിരാത്രത്തിലെ കസ്റ്റംസ് ഓഫീസര്‍, ആവനാഴിയിലെ സത്യരാജ്, ആഗസ്റ്റ് ഒന്നിലെ ഗോമസ് തുടങ്ങിയ വേഷങ്ങളെല്ലാം ക്യാപ്റ്റന്‍ രാജുവിന്റെ അഭിനയ പ്രതിഭ തെളിയിച്ചവയായിരുന്നു. അഗ്നിദേവനിലെ പരീത്, പുതുക്കോട്ടയിലെ പുതുമണവാളനിലെ മാടശ്ശേരി തമ്പി, സാമ്രാജ്യത്തിലെ കൃഷ്ണദാസ്, സി.ഐ.ഡി മൂസയിലെ കരുണന്‍ തുടങ്ങിയവയും ശ്രദ്ധേയമായ വേഷങ്ങളാണ്.



Recent News
  ബുള്ളറ്റില്‍ കാശ്മീരിലെ കര്‍ദുംഗ്ലയെ തൊട്ട് നഹീമും ഷബീറും തിരിച്ചെത്തി

  വിദ്യാര്‍ത്ഥി വീട്ടിനകത്ത് തൂങ്ങിമരിച്ച നിലയില്‍

  രാഷ്ട്ര പാരമ്പര്യം കാക്കാന്‍ സര്‍ക്കാരിനും കോടതിക്കും തുല്യ ബാധ്യതയെന്ന് സമസ്ത പ്രസിഡണ്ട്

  ജെ.സി. ഡാനിയേല്‍ നന്മ അവാര്‍ഡ് ബാബു കോഹിനൂരിന്

  കെ.എസ്.ആര്‍.ടി.സി.ബസിടിച്ച് സ്‌കൂട്ടര്‍ യാത്രക്കാരനായ ബാങ്ക് മാനേജര്‍ക്ക് പരിക്കേറ്റു

  ബിഷപ്പിന്റെ അറസ്റ്റ് വൈകുന്നത് മൊഴികളിലെ വൈരുദ്ധ്യംമൂലം

  വീണ്ടും വെന്നിക്കൊടി പറത്തി മൂസാ ഷരീഫ്

  ജലന്ധര്‍ ബിഷപ്പിനെതിരായ കേസ്; പൊലീസ് അന്വേഷണത്തില്‍ വിശ്വാസമെന്ന് കാനം രാജേന്ദ്രന്‍

  പി.കെ. ശശിക്ക് എംഎല്‍എ എന്ന പരിഗണന ലഭിക്കില്ലെന്ന് സ്പീക്കര്‍

  അണക്കെട്ടുകള്‍ തുറന്നു വിട്ടത് കൊണ്ട് ആരും മരിച്ചിട്ടില്ലെന്ന് എം.എം.മണി

  പത്രപ്രവര്‍ത്തകനേയും ഭാര്യയേയും കെട്ടിയിട്ട് മുഖംമൂടി സംഘം 25 പവനും പണവും കവര്‍ന്നു

  സ്വവര്‍ഗ ലൈംഗികത ക്രിമിനല്‍ കുറ്റമല്ല

  ശശിക്കെതിരെ നടപടിയുണ്ടാകുമെന്ന് വിഎസ്; പക്ഷം പിടിക്കാനില്ലെന്ന് ശൈലജ

  എ.ബി.വി.പി. പ്രവര്‍ത്തകനെ വെട്ടിക്കൊന്ന കേസിലെ സൂത്രധാരന്‍ പിടിയില്‍

  മുഖ്യമന്ത്രി അമേരിക്കയിലേക്ക് പുറപ്പെട്ടു