updated on:2018-10-25 07:07 PM
മഞ്ചേശ്വരം തിരഞ്ഞെടുപ്പ് കേസ്; തുടരാന്‍ താല്‍പര്യമുണ്ടോ എന്ന് ഹൈക്കോടതി

www.utharadesam.com 2018-10-25 07:07 PM,
കൊച്ചി: മഞ്ചേശ്വരം നിയമസഭാ മണ്ഡലത്തിലെ തിരഞ്ഞെടുപ്പ് കേസ് തുടരാന്‍ താല്‍പര്യമുണ്ടോ എന്ന് ഹൈക്കോടതി ഹരജിക്കാരനായ ബി.ജെ.പി സംസ്ഥാന ജനറല്‍ സെക്രട്ടറി കെ. സുരേന്ദ്രനോട് ആരാഞ്ഞു. പി.ബി അബ്ദുല്‍റസാഖ് മരിച്ച സാഹചര്യത്തിലാണ് ഇത്. രണ്ട് ദിവസത്തിനകം ഇക്കാര്യത്തില്‍ മറുപടി നല്‍കാമെന്ന് സുരേന്ദ്രന്റെ അഭിഭാഷകന്‍ അറിയിച്ചു. കേസ് അടുത്ത ബുധനാഴ്ച വീണ്ടും പരിഗണിക്കും.
2016ലെ നിയമസഭാ തിരഞ്ഞെടുപ്പില്‍ കെ. സുരേന്ദ്രനായിരുന്നു പി.ബി അബ്ദുല്‍റസാഖിന്റെ തൊട്ടടുത്ത എതിര്‍സ്ഥാനാര്‍ഥി. 89 വോട്ടുകള്‍ക്കാണ് അബ്ദുല്‍റസാഖ് വിജയിച്ചത്. കള്ളവോട്ട് രേഖപ്പെടുത്തിയാണ് അബ്ദുല്‍റസാഖ് വിജയിച്ചതെന്നും അദ്ദേഹത്തെ അയോഗ്യനാക്കി തന്നെ എം.എല്‍.എയായി പ്രഖ്യാപിക്കണമെന്നും ആവശ്യപ്പെട്ടാണ് സുരേന്ദ്രന്‍ ഹൈക്കോടതിയെ സമീപിച്ചത്. കള്ളവോട്ട് ചെയ്തതായി ആരോപിക്കപ്പെടുന്നവരുടെ പട്ടികയും സുരേന്ദ്രന്‍ ഹാജരാക്കിയിരുന്നു. ഇതില്‍ 191 പേര്‍ ഇതിനകം ഹൈക്കോടതിയിലെത്തി തങ്ങളുടെ ഭാഗം വ്യക്തമാക്കി. ഇനി 67ഓളം പേരെ വിസ്തരിക്കാനുണ്ട്.
പി.ബി അബ്ദുല്‍റസാഖ് മരിച്ച സാഹചര്യത്തില്‍ സുരേന്ദ്രന്റെ നിലപാട് എന്തായിരിക്കും എന്നറിയാനാണ് എല്ലാവരും ഉറ്റുനോക്കുന്നത്. കേസ് തുടരാന്‍ താല്‍പര്യമില്ലെന്ന് സുരേന്ദ്രന്‍ അറിയിച്ചാല്‍ മറ്റ് പരാതിക്കാര്‍ ഉണ്ടോ എന്ന് ഹൈക്കോടതി ആരായും. അതിന് ശേഷം ഗസ്റ്റില്‍ പ്രസിദ്ധീകരിച്ചതിന് ശേഷമേ നടപടി അവസാനിപ്പിക്കാനാവൂ. കേസില്‍ വിസ്തരിക്കാന്‍ ബാക്കിയുള്ളവര്‍ക്ക് കോടതി സമന്‍സ് അയച്ചിട്ടുണ്ട്. 259 പേര്‍ കള്ളവോട്ട് ചെയ്തുവെന്നാണ് സുരേന്ദ്രന്‍ ഹരജിയില്‍ പറയുന്നത്.



Recent News
  രണ്ടാംഘട്ടം തുടങ്ങി; കനത്ത പോളിങ്ങ്, സമാധാനപരം

  അംബാനിക്ക് 30,000 കോടി നല്‍കിയതാണ് ദേശവിരുദ്ധത-രാഹുല്‍

  പ്രധാനമന്ത്രിക്കെതിരെ തിരഞ്ഞെടുപ്പ് കമ്മീഷന് സി.പി.എം പരാതി നല്‍കി

  യോഗി, മായാവതി, മേനകാ ഗാന്ധി, അസം ഖാന്‍ എന്നിവര്‍ക്ക് വിലക്ക്

  ഡോ.ഡി. ബാബുപോള്‍ അന്തരിച്ചു

  വിവാദ പ്രസംഗം: മേനകാ ഗാന്ധിക്ക് നോട്ടീസ്

  പ്രധാന മന്ത്രി വൈകിട്ടെത്തും

  എട്ട് മുന്‍ സൈനിക മേധാവികള്‍ രാഷ്ട്രപതിക്ക് കത്ത് നല്‍കി

  സൈനികരുടെ പേരില്‍ വോട്ടഭ്യര്‍ത്ഥന; മോദിയുടേത് പെരുമാറ്റ ചട്ടലംഘനമന്ന് തിരഞ്ഞെടുപ്പ് ഓഫീസര്‍

  കെ.എം. മാണിയുടെ സംസ്‌ക്കാരചടങ്ങ് വൈകിട്ട്

  ആന്ധ്രയില്‍ ഏറ്റുമുട്ടല്‍; ബൂത്ത് തകര്‍ത്തു, വോട്ടിങ്ങ് യന്ത്രം വലിച്ചെറിഞ്ഞു

  റഫാല്‍ കേസില്‍ കേന്ദ്രത്തിന് തിരിച്ചടി

  രാഷ്ട്രീയ തന്ത്രങ്ങളുടെ ചാണക്യന് വിട

  അഭയകേസ്: ഫാ.തോമസ് കോട്ടൂരും സിസ്റ്റര്‍ സെഫിയും വിചാരണ നേരിടണം

  രാഷ്ട്രീയ പ്രേരണയുണ്ടോയെന്ന് അനുപമ പറയട്ടെ -സുരേഷ്‌ഗോപി