updated on:2018-11-07 08:24 PM
യുവാവിന്റെ ദാരുണമരണം; ഡി.വൈ.എസ്.പി മധുരയിലേക്ക് കടന്നു

www.utharadesam.com 2018-11-07 08:24 PM,
നെയ്യാറ്റിന്‍കര: യുവാവിനെ വാഹനത്തിന് മുന്നിലേക്ക് തള്ളിയിട്ടുകൊന്നുവെന്ന കേസില്‍ ഒളിവില്‍ പോയ ഡി.വൈ.എസ്.പി ഹരികുമാര്‍ മധുരയിലേക്ക് കടന്നതായി പൊലീസിന് വിവരം ലഭിച്ചു. അന്വേഷണ സംഘത്തെ 10 ആയി വിഭജിച്ച് തമിഴ്‌നാട്ടിലേക്കടക്കം അയച്ചിരിക്കുകയാണ്. കൊടങ്ങാവിള മണലൂര്‍ ചിറത്തലവിളാകത്ത് വീട്ടില്‍ സനല്‍ കുമാറാ(32)ണ് ഡി.വൈ.എസ്.പി തള്ളിയിട്ടതിനെ തുടര്‍ന്ന് വാഹനം കയറി മരണപ്പെട്ടത്. ഹരികുമാറിനെ കഴിഞ്ഞ ദിവസം തന്നെ സസ്‌പെന്റ് ചെയ്തിരുന്നു. എന്നാല്‍ ഇതുവരെ പിടികൂടാനായിട്ടില്ല. ഹരികുമാറിന് ഇടുക്കിയിലും തമിഴ്‌നാട്ടിലും വിപുലമായ ബന്ധങ്ങളുണ്ടെന്ന് സൂചന ലഭിച്ചിട്ടുണ്ട്. പ്രതി മൂന്‍കൂര്‍ ജാമ്യത്തിനായും ശ്രമം തുടങ്ങിയിട്ടുണ്ട്. അന്വേഷണ സംഘത്തില്‍ കൂടുതല്‍ പൊലീസ് ഉദ്യോഗസ്ഥരെ ഉള്‍പ്പെടുത്തിയാണ് വിപുലീകരിച്ചത്. വാഹനം പാര്‍ക്ക് ചെയ്തതുമായി ബന്ധപ്പെട്ട തര്‍ക്കത്തിനൊടുവില്‍ സനലിനെ കഴുത്തിന് പിടിച്ച് റോഡിലേക്ക് തള്ളിയിടുകയായിരുന്നു. അതുവഴി വന്ന വാഹനം സനലിന്റെ ദേഹത്തുകയറി സ്ഥലത്തുതന്നെ മരണപ്പെടുകയായിരുന്നു.
സസ്‌പെന്‍ഷനിലായ ഹരികുമാര്‍ കൈകൂലിയുമായി ബന്ധപ്പെട്ട് ആരോപണ വിധേയനാണ്. ഇത്തരം കേസുകളില്‍ നേരത്തെ സസ്‌പെന്‍ഷനും അച്ചടക്ക നടപടിക്കും വിധേയനായിട്ടുണ്ട്. ഫോര്‍ട്ട് സി.ഐ ആയിരിക്കുമ്പോള്‍ സംസ്ഥാനാന്തര വാഹന മോഷ്ടാവില്‍ നിന്ന് കൈകൂലി വാങ്ങിയതിനെ തുടര്‍ന്നാണ് സസ്‌പെന്‍ഷനിലായിരുന്നത്.
സനല്‍കുമാറിന്റെ ബന്ധുക്കള്‍ മുഖ്യമന്ത്രിയെ നേരിട്ട് കണ്ട് പരാതി അറിയിച്ചു.



Recent News
  എല്‍.ഡി.എഫ് യോഗത്തില്‍ നിന്ന് വി.എസ് വിട്ടുനിന്നു

  ശബരിമല ദര്‍ശനത്തിനെത്തിയ രണ്ട് യുവതികളെ പൊലീസ് തിരിച്ചിറക്കി

  അലോക് വര്‍മ്മയ്‌ക്കെതിരെ സി.ബി.ഐ. അന്വേഷണം വരുന്നു

  അലോക് വര്‍മ്മ അഴിമതി നടത്തിയതിന് തെളിവില്ലെന്ന് അന്വേഷണക്കമ്മീഷന്‍ അംഗം

  ജില്ലാ സ്‌പോര്‍ട്‌സ് കൗണ്‍സില്‍ തിരഞ്ഞെടുപ്പ് ഹൈക്കോടതി സ്റ്റേ ചെയ്തു

  209 തടവുകാരെ വിട്ടയച്ച നടപടി ഹൈക്കോടതി റദ്ദാക്കി

  നാഗേശ്വര റാവു സി.ബി.ഐ താല്‍ക്കാലിക ഡയറക്ടറായി ചുമതലയേറ്റു

  ജസ്റ്റീസ് ലളിത് പിന്മാറി; അയോധ്യ കേസ് വാദം കേള്‍ക്കുന്നത് നീട്ടി

  കാസര്‍കോട് അസംബ്ലി മണ്ഡലത്തിലെ 11 സ്‌കൂളുകള്‍ക്ക് 19 കോടി രൂപ അനുവദിച്ചു

  പിറന്നാള്‍ ദിനത്തില്‍ ഇത്തവണയും ഗാനഗന്ധര്‍വ്വന്‍ വാഗ് ദേവതയുടെ അനുഗ്രഹത്തിനായി കൊല്ലൂരിലെത്തി

  രണ്ടാം ദിന പണിമുടക്ക്: തിരുവനന്തപുരത്ത് ബാങ്ക് തകര്‍ത്തു; പലയിടത്തും തീവണ്ടികള്‍ തടഞ്ഞു

  അര്‍ധരാത്രിയിലെ കേന്ദ്ര നടപടി സുപ്രീം കോടതി റദ്ദാക്കി; അലോക്‌വര്‍മ്മ വീണ്ടും സി.ബി.ഐ. തലപ്പത്ത്

  ദേശീയ പണിമുടക്ക്: കേരളമടക്കം നിശ്ചലമായി, തീവണ്ടികള്‍ തടഞ്ഞു

  സ്വകാര്യ മുതല്‍ നശിപ്പിച്ചാലും കുടുങ്ങും; ഓര്‍ഡിനന്‍സ് വരുന്നു

  തലശ്ശേരിയിലും കണ്ണൂരിലും നേതാക്കളുടെ വീടുകള്‍ക്ക് നേരെ ബോംബേറ്