updated on:2019-01-10 06:21 PM
പിറന്നാള്‍ ദിനത്തില്‍ ഇത്തവണയും ഗാനഗന്ധര്‍വ്വന്‍ വാഗ് ദേവതയുടെ അനുഗ്രഹത്തിനായി കൊല്ലൂരിലെത്തി

www.utharadesam.com 2019-01-10 06:21 PM,
കൊല്ലൂര്‍: പിറന്നാള്‍ ദിനത്തില്‍ ഇത്തവണയും വാഗ്‌ദേവതയുടെ അനുഗ്രഹത്തിനായി ഗാനഗന്ധര്‍വ്വന്‍ കെ.ജെ. യേശുദാസ് കൊല്ലൂരില്‍ എത്തി. ലോകത്തിന്റെ ഏത് കോണിലായാലും പിറന്നാള്‍ ദിനത്തില്‍ കൊല്ലൂര്‍ മൂകാംബിക ക്ഷേത്ര സന്നിധിയിലെത്തുന്ന പതിവ് തെറ്റിക്കാതെയാണ് ഇത്തവണയും യേശുദാസ് കൊല്ലൂരിലെത്തിയത്. പിറന്നാള്‍ ആഘോഷത്തിന്റെ ഭാഗമായി ഇന്നലെ രാത്രി തന്നെ യേശുദാസ് കൊല്ലൂരിലെത്തിയിരുന്നു. ഭാര്യ പ്രഭയോടൊപ്പമാണ് എത്തിയത്. അല്‍പ്പ സമയം ക്ഷേത്രത്തില്‍ ചെലവഴിച്ചതിനു ശേഷമാണ് പോയത്. ഇന്ന് രാവിലെ ആറ് മണിക്ക് തന്നെ ക്ഷേത്ര സന്നിധിയിലെത്തിയ യേശുദാസ് ചണ്ഡികാഹോമം ഉള്‍പ്പെടെയുള്ള പൂജാദി കര്‍മ്മങ്ങളില്‍ പങ്കെടുത്തു. തുടര്‍ന്ന് ഒമ്പത് മണിയോടെ സരസ്വതി മണ്ഡപത്തിലെത്തി. ഇവിടെ അഞ്ച് മണി മുതല്‍ ഗായകന്‍ കാഞ്ഞങ്ങാട് രാമചന്ദ്രന്‍ സംഗീതാര്‍ച്ചന നടത്തുകയായിരുന്നു. വേദിയിലെത്തിയ ഗാനഗന്ധര്‍വ്വനെ കാഞ്ഞങ്ങാട് രാമചന്ദ്രന്‍ തൊഴുകൈയോടെ സ്വീകരിച്ചു. പിന്നീട് ഇതേ വേദിയില്‍ യേശുദാസ് കീര്‍ത്തനങ്ങള്‍ പാടി.
വാതാപിഗണപതിം ഭജെ...
പാവന ഗുരുപവന പുരേ... തുടങ്ങിയ കീര്‍ത്തനങ്ങള്‍ ആലപിച്ച യേശുദാസ് ക്ഷേത്രത്തിലെത്തിയ ഭക്തരോട് സംസാരിക്കുകയും ചെയ്തു. ദേവിയെ എന്നും പ്രാര്‍ത്ഥിക്കണമെന്നാണ് അദ്ദേഹം ആഹ്വാനം ചെയ്തത്. സംഗീതത്തില്‍ താന്‍ ഇപ്പോഴും വിദ്യാര്‍ത്ഥിയാണെന്നും യേശുദാസ് പറഞ്ഞു.
78-ാം ജന്മദിനത്തിനെത്തിയ യേശുദാസിന് ആയുരാരോഗ്യ സൗഖ്യം നേരാന്‍ നിരവധി ആരാധകരും എത്തിയിരുന്നു. വേദിയില്‍ വെച്ച് സൗപര്‍ണികാമൃതം പുരസ്‌കാരം മൃദംഗ വിദ്വാന്‍ എന്‍. ഹരിക്ക് യേശുദാസ് സമ്മാനിച്ചു.



Recent News
  സി.ഐ.നവാസിനെ തമിഴ്‌നാട്ടില്‍ കണ്ടെത്തി

  കാണാതായ സര്‍ക്കിള്‍ ഇന്‍സ്‌പെക്ടര്‍ നവാസിന് വേണ്ടി തിരച്ചില്‍ ഊര്‍ജ്ജിതം

  സി.ഒ.ടി.നസീറിന്റെ മൊഴി വീണ്ടും എടുക്കും

  'വായു' ആശങ്കയൊഴിഞ്ഞു

  'വായു' തീവ്രചുഴലിക്കാറ്റാവുന്നു; ഗുജറാത്തില്‍ 10,000 പേരെ മാറ്റി

  സി.ഒ.ടി. നസീര്‍ വധശ്രമം; സഭയില്‍ ബഹളം, ഇറങ്ങിപ്പോക്ക്

  കേരളത്തില്‍ 15 കര്‍ഷക ആത്മഹത്യകള്‍ ഉണ്ടായെന്ന് മന്ത്രി

  കാലവര്‍ഷം: രണ്ട് മരണം

  ഡ്രൈവര്‍ അര്‍ജുനും സഹായി വിഷ്ണുവും കേരളം വിട്ടു

  പ്രധാനമന്ത്രിയും രാഹുല്‍ഗാന്ധിയും ഇന്ന് കേരളത്തില്‍

  ആശങ്കയകലുന്നു; നിപ നിയന്ത്രണ വിധേയം

  പരിശോധനാ ഫലം ലഭിച്ചു നിപ തന്നെ

  കൊച്ചിയില്‍ യുവാവിന് നിപ?

  ബി.ജെ.പിയെ നേരിടാന്‍ 52 എം.പിമാര്‍ ധാരാളം-രാഹുല്‍

  അമിത്ഷാ ധനമന്ത്രിയും ജയശങ്കര്‍ വിദേശകാര്യമന്ത്രിയുമാവും