updated on:2019-02-07 08:06 PM
ബംഗാളില്‍ സി.പി.എമ്മും കോണ്‍ഗ്രസും ധാരണയിലേക്ക്

www.utharadesam.com 2019-02-07 08:06 PM,
കൊല്‍ക്കത്ത: വരുന്ന പൊതു തിരഞ്ഞെടുപ്പില്‍ ബംഗാളില്‍ സി.പി.എമ്മും കോണ്‍ഗ്രസും ധാരണയിലേക്ക് നീങ്ങുന്നു. സഖ്യമല്ല, മറിച്ച് സീറ്റുകളില്‍ പരസ്പര ധാരണയാണ് ഉണ്ടാകുക. സീറ്റുകള്‍ പങ്കിടുന്ന കാര്യത്തില്‍ ചര്‍ച്ച നടന്നു വരുന്നു. നിലവില്‍ ബംഗാളില്‍ കോണ്‍ഗ്രസിന് നാലും സി.പി.എമ്മിന് രണ്ട് സീറ്റുകളുമാണുള്ളത്. സിറ്റിംങ്ങ് സീറ്റുകളില്‍ പരസ്പരം മത്സരിക്കേണ്ടതില്ലെന്ന ധാരണയില്‍ എത്തിയിട്ടുണ്ട്. നാളെ ചേരുന്ന സി.പി.എം. പി.ബി.യോഗത്തിന്റെ അനുമതി മാത്രമേ ലഭിക്കാനുള്ളൂ. ഒന്നിച്ച് നില്‍ക്കുന്ന കാര്യത്തില്‍ അന്തിമ ധാരണയായിക്കഴിഞ്ഞതായി സി.പി.എം. സംസ്ഥാന സെക്രട്ടറി സൂര്യകാന്ത് മിശ്ര മാധ്യമങ്ങളോട് പറഞ്ഞു. കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിയും സി.പി.എം ജനറല്‍ സെക്രട്ടറി സീതാറാം യെച്ചൂരിയും ഇന്നലെ ഇതു സംബന്ധിച്ച് ചര്‍ച്ച നടത്തിയിരുന്നു. കഴിഞ്ഞ ദിവസം പാര്‍ലിമെന്റിന്റെ സെന്‍ട്രല്‍ ഹാളിലും പിന്നീട് രാഹുലിന്റെ ഓഫീസ് മുറിയിലുമായിരുന്നു കൂടിക്കാഴ്ച. കോണ്‍ഗ്രസ് ബംഗാള്‍ ഘടകം അധ്യക്ഷന്‍ സോമനാഥ് മിശ്ര സി.പി.എമ്മുമായുള്ള കൂട്ടുകെട്ടിന് എതിരായിരുന്നു. മുന്‍ സംസ്ഥാന അധ്യക്ഷനും പ്രചരണ വിഭാഗം മേധാവിയുമായ അധീര്‍ രഞ്ജന്‍ ചൗധരി സി.പി.എം. ധാരണക്ക് അനുകൂലമാണ്.
2016 ലെ നിയമസഭാ തിരഞ്ഞെടുപ്പില്‍ ഇടതു പക്ഷവും കോണ്‍ഗ്രസും ധാരണയുണ്ടാക്കിയിരുന്നെങ്കിലും ഉദ്ദേശിച്ച ഫലം കണ്ടിരുന്നില്ല. 295 അംഗ നിയമസഭയില്‍ കോണ്‍ഗ്രസിന് 44 ഉം സി.പി.എമ്മിന് 26 സീറ്റും കിട്ടി. ഇടതുപക്ഷത്തിന് മൊത്തം 32 സീറ്റുകളേ നേടാനായുള്ളൂ.
കോണ്‍ഗ്രസ് സംഖ്യം തെറ്റായെന്ന് സി.പി.എം. കേന്ദ്ര കമ്മിറ്റി വിലയിരുത്തുകയും ചെയ്തു.
ഇത്തവണ മമതയെയും ബി.ജെ.പി.യെയും നേരിടാന്‍ ധാരണയാവാമെന്ന നിലപാടിലാണ് സി.പി.എം.



Recent News
  അഖിലിനെ കുത്താനുപയോഗിച്ച കത്തി കണ്ടെടുത്തു

  തോമസ് ചാണ്ടിയില്‍ നിന്ന് നികുതിയും പിഴയും ഈടാക്കുന്നത് സര്‍ക്കാര്‍ തടഞ്ഞു

  കര്‍ണാടകയില്‍ സുപ്രീംകോടതിയുടെ ഇടപെടല്‍

  'റോ'യെ തകര്‍ക്കാന്‍ ശ്രമിച്ചുവെന്ന് മുന്‍ ഉദ്യോഗസ്ഥന്‍ ഹാമിദ് അന്‍സാരി കുരുക്കില്‍

  ആന്തൂരില്‍ സാജന്റെ കണ്‍വെന്‍ഷന്‍ സെന്ററിന് പ്രവര്‍ത്തനാനുമതി

  ധനമന്ത്രി നിര്‍മ്മലാ സീതാരാമന്‍ കേന്ദ്ര ബജറ്റ് അവതരിപ്പിച്ചു എല്ലാവര്‍ക്കും വീട്; റെയില്‍ വികസനത്തിന് പി.പി.പി. മോഡല്‍

  സുന്നി വിദ്യാഭ്യാസ ബോര്‍ഡ്; കുമ്പോല്‍ തങ്ങള്‍ ട്രഷറര്‍

  നെടുങ്കണ്ടം കസ്റ്റഡിമരണം; എസ്.ഐ.അടക്കം 2 പേര്‍ അറസ്റ്റില്‍

  പ്രളയ ദുരിതബാധിത ഭവന നിര്‍മ്മാണ പദ്ധതിയിലേക്ക് 5 ലക്ഷം രൂപ നല്‍കി

  മന്ത്രിമാര്‍ എത്ര തവണ വിദേശത്ത് പോയി ? വിവരം ശേഖരിച്ചു വരുന്നതായി മുഖ്യമന്ത്രി

  രാജ്കുമാര്‍ ഉരുട്ടലിന് വിധേയനായെന്ന് പോസ്റ്റുമോര്‍ട്ടം റിപ്പോര്‍ട്ട്

  കസ്റ്റഡി മരണം; പരാതി പിന്‍വലിക്കാന്‍ വീട്ടുകാര്‍ക്ക് മേല്‍ സമ്മര്‍ദ്ദം

  ബിനോയ്‌ക്കെതിരെ ലുക്ക് ഔട്ട് നോട്ടീസ്

  രാജിക്കൊരുങ്ങി കോടിയേരി

  രാജുനാരായണ സ്വാമിയെ കേരള കേഡറില്‍ നിന്ന് പിരിച്ചു വിടുന്നു