updated on:2019-02-08 07:48 PM
റഫാലില്‍ പ്രധാനമന്ത്രിയുടെ ഓഫീസ് ഇടപെട്ടു; കത്ത് പുറത്ത്

www.utharadesam.com 2019-02-08 07:48 PM,
ന്യൂഡല്‍ഹി: തിരഞ്ഞെടുപ്പ് അടുത്തുവരുന്നതിനിടെ റഫാല്‍ ഇടപാടില്‍ പുതിയ വഴിത്തിരിവ്. പ്രധാനമന്ത്രിയുടെ ഓഫീസ് നേരിട്ട് ഇടപെടുന്നുവെന്ന് സ്ഥാപിക്കുന്നതിനുള്ള തെളിവ് പുറത്തുവന്നതായി ഒരു ദേശീയ ദിനപത്രം റിപ്പോര്‍ട്ട് ചെയ്തു. പി.എം.ഒയുടെ ഇടപെടലിനെതിരെ അന്നത്തെ പ്രതിരോധ മന്ത്രാലയം സെക്രട്ടറി പ്രതിരോധമന്ത്രി മനോഹര്‍ പരീക്കര്‍ക്ക് എഴുതിയ കത്താണ് പുറത്തായത്. പ്രതിരോധ മന്ത്രാലയത്തെ ഒഴിവാക്കി പി.എം.ഒ ചര്‍ച്ച നടത്തിയത് ഇന്ത്യന്‍ താല്‍പ്പര്യങ്ങള്‍ക്ക് വിരുദ്ധമാകുമെന്നാണ് കത്തില്‍ പറയുന്നത്. 2015 നവംബര്‍ 24 നാണ് അന്നത്തെ പ്രതിരോധമന്ത്രി പരീക്കര്‍ക്ക് മുന്‍ പ്രതിരോധ സെക്രട്ടറി മോഹന്‍ കുമാര്‍ കത്ത് നല്‍കിയത്. കത്ത് 'ദ ഹിന്ദു' ദിനപത്രം പുറത്തുവിട്ടു. കരാറിന് ബാങ്ക് ഗ്യാരന്റി വേണമെന്നും മോഹന്‍ കുമാര്‍ സ്വന്തം കൈപ്പടയില്‍ എഴുതിയ കത്തില്‍ വ്യക്തമാക്കുന്നുണ്ട്. പ്രധാനമന്ത്രിയുടെ ഓഫീസ് സമാന്തര ചര്‍ച്ച നടത്തിയതായും ഇത് ഇന്ത്യന്‍ താല്‍പര്യങ്ങള്‍ക്കെതിരെന്നുമാണ് മോഹന്‍കുമാര്‍ കത്തില്‍ ചൂണ്ടിക്കാട്ടുന്നത്. പ്രതിരോധ മന്ത്രാലയമാണ് ഇടപാടുമായി ബന്ധപ്പെട്ട ചര്‍ച്ചകള്‍ നടത്തിയതെന്നായിരുന്നു 2018 ഒക്‌ടോബറില്‍ കേന്ദ്ര സര്‍ക്കാര്‍ സുപ്രീംകോടതിയെ അറിയിച്ചത്. ഡെപ്യൂട്ടി ചീഫ് ഓഫ് എയര്‍ സ്റ്റാഫ് ഉള്‍പ്പെട്ട ഏഴംഗ സംഘമാണ് ഇടപാടുമായി ചര്‍ച്ച നടത്തിയതെന്നായിരുന്നു കോടതി പറഞ്ഞത്. സര്‍ക്കാരിന്റെ ഈ വാദത്തെ തള്ളുന്നതാണ് പുതിയ വെളിപ്പെടുത്തല്‍.



Recent News
  അഖിലിനെ കുത്താനുപയോഗിച്ച കത്തി കണ്ടെടുത്തു

  തോമസ് ചാണ്ടിയില്‍ നിന്ന് നികുതിയും പിഴയും ഈടാക്കുന്നത് സര്‍ക്കാര്‍ തടഞ്ഞു

  കര്‍ണാടകയില്‍ സുപ്രീംകോടതിയുടെ ഇടപെടല്‍

  'റോ'യെ തകര്‍ക്കാന്‍ ശ്രമിച്ചുവെന്ന് മുന്‍ ഉദ്യോഗസ്ഥന്‍ ഹാമിദ് അന്‍സാരി കുരുക്കില്‍

  ആന്തൂരില്‍ സാജന്റെ കണ്‍വെന്‍ഷന്‍ സെന്ററിന് പ്രവര്‍ത്തനാനുമതി

  ധനമന്ത്രി നിര്‍മ്മലാ സീതാരാമന്‍ കേന്ദ്ര ബജറ്റ് അവതരിപ്പിച്ചു എല്ലാവര്‍ക്കും വീട്; റെയില്‍ വികസനത്തിന് പി.പി.പി. മോഡല്‍

  സുന്നി വിദ്യാഭ്യാസ ബോര്‍ഡ്; കുമ്പോല്‍ തങ്ങള്‍ ട്രഷറര്‍

  നെടുങ്കണ്ടം കസ്റ്റഡിമരണം; എസ്.ഐ.അടക്കം 2 പേര്‍ അറസ്റ്റില്‍

  പ്രളയ ദുരിതബാധിത ഭവന നിര്‍മ്മാണ പദ്ധതിയിലേക്ക് 5 ലക്ഷം രൂപ നല്‍കി

  മന്ത്രിമാര്‍ എത്ര തവണ വിദേശത്ത് പോയി ? വിവരം ശേഖരിച്ചു വരുന്നതായി മുഖ്യമന്ത്രി

  രാജ്കുമാര്‍ ഉരുട്ടലിന് വിധേയനായെന്ന് പോസ്റ്റുമോര്‍ട്ടം റിപ്പോര്‍ട്ട്

  കസ്റ്റഡി മരണം; പരാതി പിന്‍വലിക്കാന്‍ വീട്ടുകാര്‍ക്ക് മേല്‍ സമ്മര്‍ദ്ദം

  ബിനോയ്‌ക്കെതിരെ ലുക്ക് ഔട്ട് നോട്ടീസ്

  രാജിക്കൊരുങ്ങി കോടിയേരി

  രാജുനാരായണ സ്വാമിയെ കേരള കേഡറില്‍ നിന്ന് പിരിച്ചു വിടുന്നു