updated on:2019-02-11 07:28 PM
സീറ്റുകള്‍ സംബന്ധിച്ച് ധാരണയിലേക്ക്; പ്രഖ്യാപനം പ്രചരണ ജാഥകള്‍ക്ക് ശേഷം

www.utharadesam.com 2019-02-11 07:28 PM,
തിരുവനന്തപുരം: തിരഞ്ഞെടുപ്പ് തന്ത്രങ്ങള്‍ മെനയുന്നതിനും സീറ്റ് വിഭജനം ചര്‍ച്ച ചെയ്യുന്നതിനുമുള്ള ഇടതുമുന്നണി യോഗം തിരുവനന്തപുരത്ത് ആരംഭിച്ചു. കഴിഞ്ഞ തവണ നല്‍കിയതുപോലെ തന്നെ ഘടക കക്ഷികള്‍ക്ക് ഇത്തവണയും സീറ്റ് നല്‍കുന്നതും സംബന്ധിച്ച ധാരണ ഉണ്ടായതായാണ് അറിയുന്നത്. സി.പി.എം. 15 സീറ്റുകളിലും സി.പി.ഐ. നാല് സീറ്റുകളിലും മത്സരിക്കും. ഒരു സീറ്റ് ജനതാദള്‍ സെകുലറിനോ എന്‍.സി.പിക്കോ നല്‍കും. ഐ.എന്‍.എല്ലും ഒരു സീറ്റ് ആവശ്യപ്പെടുന്നുണ്ട്. വിജയ സാധ്യതയുള്ള സ്ഥാനാര്‍ത്ഥി എന്ന പരിഗണനയ്ക്കാണ് മുന്‍ തൂക്കം. ഇടതു മുന്നണിയുടെ കേരള സംരക്ഷണ പ്രചരണ ജാഥകള്‍ 16ന് തുടങ്ങുകയാണ്. ഇത് മാര്‍ച്ച് രണ്ടിന് സമാപിക്കും. അതിന് ശേഷമേ അന്തിമ ധാരണയുണ്ടാവൂ. സ്ഥാനാര്‍ത്ഥി പ്രഖ്യാപനവും അതിന് മുമ്പുണ്ടാവില്ല. കാസര്‍കോട്ട് സിറ്റിംങ്ങ് എം.പി. പി. കരുണാകരന്‍ മത്സര രംഗത്തുണ്ടാവില്ലെന്ന് ഏതാണ്ടുറപ്പായി. യുവാക്കള്‍ക്ക് മുന്‍ തൂക്കം കൊടുക്കണമെന്ന ധാരണ പ്രകാരം മുന്‍ തൃക്കരിപ്പൂര്‍ എം.എല്‍.എ.യും സി.പി.എം സംസ്ഥാന കമ്മിറ്റി അംഗവുമായ കെ.പി. സതീഷ് ചന്ദ്രന്റെ പേരിനാണ് ആദ്യ പരിഗണന. 1996 മുതല്‍ 2001 വരെ എം.എല്‍.എ.യായി തൃക്കരിപ്പൂരിനെ പ്രതിനിധീകരിച്ച സതീഷ് ചന്ദ്രന്‍ എസ്.എഫ്.ഐ, ഡി.വൈ.എഫ്.ഐ. സംഘടനകളുടെ ജില്ലയുടെ നേതൃനിരയില്‍ നിന്ന് ജില്ലാ സെക്രട്ടറി സ്ഥാനം വരെ എത്തി. എം.വി. ഗോവിന്ദന്‍ മാസ്റ്ററാണ് പരിഗണനയിലുള്ള മറ്റൊരാള്‍. കരിവെള്ളൂര്‍ ഓണക്കുന്ന് സ്വദേശിയും സി.പി.എം. കേന്ദ്ര കമ്മിറ്റി അംഗവുമായ വിജയകൃഷ്ണന്റെ പേരും പരിഗണിച്ചിരുന്നു.



Recent News
  അഖിലിനെ കുത്താനുപയോഗിച്ച കത്തി കണ്ടെടുത്തു

  തോമസ് ചാണ്ടിയില്‍ നിന്ന് നികുതിയും പിഴയും ഈടാക്കുന്നത് സര്‍ക്കാര്‍ തടഞ്ഞു

  കര്‍ണാടകയില്‍ സുപ്രീംകോടതിയുടെ ഇടപെടല്‍

  'റോ'യെ തകര്‍ക്കാന്‍ ശ്രമിച്ചുവെന്ന് മുന്‍ ഉദ്യോഗസ്ഥന്‍ ഹാമിദ് അന്‍സാരി കുരുക്കില്‍

  ആന്തൂരില്‍ സാജന്റെ കണ്‍വെന്‍ഷന്‍ സെന്ററിന് പ്രവര്‍ത്തനാനുമതി

  ധനമന്ത്രി നിര്‍മ്മലാ സീതാരാമന്‍ കേന്ദ്ര ബജറ്റ് അവതരിപ്പിച്ചു എല്ലാവര്‍ക്കും വീട്; റെയില്‍ വികസനത്തിന് പി.പി.പി. മോഡല്‍

  സുന്നി വിദ്യാഭ്യാസ ബോര്‍ഡ്; കുമ്പോല്‍ തങ്ങള്‍ ട്രഷറര്‍

  നെടുങ്കണ്ടം കസ്റ്റഡിമരണം; എസ്.ഐ.അടക്കം 2 പേര്‍ അറസ്റ്റില്‍

  പ്രളയ ദുരിതബാധിത ഭവന നിര്‍മ്മാണ പദ്ധതിയിലേക്ക് 5 ലക്ഷം രൂപ നല്‍കി

  മന്ത്രിമാര്‍ എത്ര തവണ വിദേശത്ത് പോയി ? വിവരം ശേഖരിച്ചു വരുന്നതായി മുഖ്യമന്ത്രി

  രാജ്കുമാര്‍ ഉരുട്ടലിന് വിധേയനായെന്ന് പോസ്റ്റുമോര്‍ട്ടം റിപ്പോര്‍ട്ട്

  കസ്റ്റഡി മരണം; പരാതി പിന്‍വലിക്കാന്‍ വീട്ടുകാര്‍ക്ക് മേല്‍ സമ്മര്‍ദ്ദം

  ബിനോയ്‌ക്കെതിരെ ലുക്ക് ഔട്ട് നോട്ടീസ്

  രാജിക്കൊരുങ്ങി കോടിയേരി

  രാജുനാരായണ സ്വാമിയെ കേരള കേഡറില്‍ നിന്ന് പിരിച്ചു വിടുന്നു