updated on:2019-04-12 08:17 PM
എട്ട് മുന്‍ സൈനിക മേധാവികള്‍ രാഷ്ട്രപതിക്ക് കത്ത് നല്‍കി

www.utharadesam.com 2019-04-12 08:17 PM,
ന്യൂഡല്‍ഹി: ലാത്തൂരില്‍ പ്രധാനമന്ത്രി നരേന്ദ്രമോദിയും യു.പിയില്‍ മുഖ്യമന്ത്രി യോഗി ആദിത്യനാഥും നടത്തിയ വിവാദ പ്രസംഗങ്ങള്‍ തിരഞ്ഞെടുപ്പ് ചട്ടങ്ങളുടെ ലംഘനമാണെന്നും ഇതില്‍ ഇടപെടണമെന്നും ആവശ്യപ്പെട്ട് എട്ട് മുന്‍ സൈനികമേധാവികള്‍ ഉള്‍പ്പെടെ 156 സൈനികര്‍ രാഷ്ട്രപതി രാംനാഥ് കോവിന്ദിന് കത്ത് നല്‍കി. രാഷ്ട്രീയ പാര്‍ട്ടികള്‍ സൈന്യത്തെ രാഷ്ട്രീയ നേട്ടങ്ങള്‍ക്ക് ഉപയോഗിക്കുന്നവെന്നും ഇത് തടയണമെന്നുമാണ് കത്തില്‍ ചൂണ്ടിക്കാട്ടുന്നത്. വിരമിച്ച കരസേന- വ്യോമസേന-നാവികസേന തലവന്മാര്‍ ഉള്‍പ്പെടെ 156 പേരാണ് രാജ്യത്തിന്റെ സര്‍വ്വ സൈന്യാധിപന്‍ കൂടിയായ രാഷ്ട്രപതിക്ക് കത്ത് നല്‍കിയത്.
കഴിഞ്ഞ ദിവസം മഹാരാഷ്ട്രയിലെ ലാത്തൂരിലാണ് പുല്‍വാമ ഭീകരാക്രമണത്തില്‍ കൊല്ലപ്പെട്ട ജവാന്മാരുടെ പേരില്‍ പ്രധാന മന്ത്രി വോട്ടഭ്യര്‍ത്ഥിച്ചതായി പരാതി ഉയര്‍ന്നത്.
പ്രധാനമന്ത്രിയുടെ പ്രസംഗം പ്രഥമ ദൃഷ്ട്യാ ചട്ടലംഘനമാണെന്ന് സംസ്ഥാന തിരഞ്ഞെടുപ്പ് ഓഫീസറും വ്യക്തമാക്കി. തിരഞ്ഞെടുപ്പ് പ്രചാരണത്തിനിടെ മോദിയുടെ സേനയെന്ന് വിശേഷിപ്പിച്ച യു.പി മുഖ്യമന്ത്രി യോഗി ആദിത്യ നാഥിനെതിരെയും നടപടിവെണമെന്ന് കത്തില്‍ ആവശ്യപ്പെടുന്നു. പാര്‍ട്ടി പ്രവര്‍ത്തകര്‍ സൈനിക യൂണിഫോം ധരിക്കുന്നതും അഭിനന്ദന്‍ വര്‍ത്തമാന്റെ ചിത്രം പ്രദര്‍ശിപ്പിക്കുന്നതും തിരഞ്ഞെടുപ്പ് കമ്മീഷന്‍ വിലക്കിയിരുന്നു. എന്നാല്‍ പലയിടത്തും ചില നേതാക്കള്‍ ഇതാവര്‍ത്തിക്കുന്നതായും കത്തില്‍ പറയുന്നു.



Recent News
  വോട്ടെടുപ്പിനിടെ മൂന്ന് പേര്‍ കുഴഞ്ഞു വീണു മരിച്ചു

  ഉച്ചവരെ കനത്ത പോളിങ്ങ്; പലേടത്തും വോട്ടിങ്ങ് യന്ത്രങ്ങള്‍ പണിമുടക്കി

  ചിലരുടെയൊക്കെ അതിമോഹം തകര്‍ന്നടിയും-മുഖ്യമന്ത്രി

  വോട്ടര്‍ ഐഡിക്ക് ഐ.ഇ.ഡിയേക്കാള്‍ ശക്തിയുണ്ട് - പ്രധാനമന്ത്രി

  യന്ത്രം പണിമുടക്കി; മോഹന്‍ലാല്‍ ക്യൂവില്‍ ഒരുമണിക്കൂര്‍ കാത്തിരുന്നു

  സ്‌ഫോടനത്തില്‍ കൊല്ലപ്പെട്ട റസീനയുടെ കുടുംബത്തിന് ശ്രീലങ്കയുമായി എട്ട് പതിറ്റാണ്ടിലേറെ നീണ്ട ബന്ധം

  പൂക്കളുടെ സൗരഭ്യം പരത്തിയ സീനുമയുടെ വേര്‍പാട് പൂക്കളുടെ ചിത്രങ്ങള്‍ പങ്കുവെച്ച്

  കൊളംബോ സ്‌ഫോടനം; മരണ സംഖ്യ 290 ആയി

  മൊഗ്രാല്‍പുത്തൂര്‍ സ്വദേശിനി റസീന ഖാദറിന്റെ മയ്യത്ത് കൊളംബോയില്‍ ഖബറടക്കി

  കേരളത്തില്‍ എന്‍.ഡി.എ. നാലില്‍ കൂടുതല്‍ സീറ്റ് നേടും -കേന്ദ്രമന്ത്രി നിര്‍മ്മല സീതാരാമന്‍

  കൊളംബോയിലെ സ്‌ഫോടനത്തില്‍ കൊല്ലപ്പെട്ടവരില്‍ മൊഗ്രാല്‍ പുത്തൂര്‍ സ്വദേശിനിയും

  ചീഫ് ജസ്റ്റിസിനെതിരെ ലൈംഗികാരോപണം; ബ്ലാക്ക്‌മെയിലിങ്ങെന്ന് രഞ്ജന്‍ ഗൊഗോയ്

  വീണ്ടും ക്രൂരത: അമ്മയുടെ മര്‍ദ്ദനമേറ്റ കുട്ടി മരിച്ചു

  രണ്ടാംഘട്ടം തുടങ്ങി; കനത്ത പോളിങ്ങ്, സമാധാനപരം

  അംബാനിക്ക് 30,000 കോടി നല്‍കിയതാണ് ദേശവിരുദ്ധത-രാഹുല്‍