updated on:2017-01-10 05:45 PM
കടുത്ത അതൃപ്തിയുമായി ഉന്നത ഐ.എ.എസ് ഉദ്യോഗസ്ഥര്‍

www.utharadesam.com 2017-01-10 05:45 PM,
തിരുവനന്തപുരം: കൂട്ട അവധിയെടുക്കുന്നതില്‍ നിന്ന് ഐ.എ.എസ് ഉദ്യോഗസ്ഥര്‍ പിന്മാറിയെങ്കിലും മുഖ്യമന്ത്രിയുടെ നിലപാടില്‍ കടുത്ത പ്രതിഷേധത്തിലാണ് ഉദ്യോഗസ്ഥര്‍. ചീഫ് സെക്രട്ടറി എസ്.എം വിജയാനന്ദും അഡീ. ചീഫ് സെക്രട്ടറി കെ.എം അബ്രഹാമും രാജിവെക്കാന്‍ സന്നദ്ധത അറിയിച്ചുകഴിഞ്ഞു. ഉദ്യോഗസ്ഥരെ പിന്തിരിപ്പിക്കാന്‍ ചില മന്ത്രിമാര്‍ ഇവരുമായി ചര്‍ച്ച നടത്തിവരികയാണ്. മന്ത്രി ഡോ. തോമസ് ഐസക് ചീഫ് സെക്രട്ടറിയുമായി സംസാരിച്ചു. കടുത്ത നിലപാടെടുക്കരുതെന്നും പ്രശ്‌നങ്ങള്‍ സംബന്ധിച്ച് വിശദമായ ചര്‍ച്ച നടത്താമെന്നും മുഖ്യമന്ത്രി ഉറപ്പ് നല്‍കിയ കാര്യം അദ്ദേഹം ഓര്‍മ്മിപ്പിച്ചു. മുഖ്യമന്ത്രിയുടെ നിലപാടില്‍ കടുത്ത പ്രതിഷേധത്തിലാണ് ഉദ്യോഗസ്ഥര്‍. കൂട്ട അവധിനീക്കവും തുടര്‍ന്നുണ്ടായ സംഭവങ്ങളും സര്‍ക്കാറിന്റെ പ്രതിഛായ തകര്‍ത്തതായി ഇന്നലെ നടന്ന ചര്‍ച്ചയില്‍ മുഖ്യമന്ത്രി തുറന്നടിച്ചിരുന്നു. പ്രതിഷേധത്തെ പ്രതിപക്ഷം രാഷ്ട്രീയ മുതലെടുപ്പിന് ഉപയോഗപ്പെടുത്തിയതായും മുഖ്യമന്ത്രി ചൂണ്ടിക്കാട്ടിയിരുന്നു. ഉദ്യോഗസ്ഥര്‍ക്ക് കൂട്ടുനില്‍ക്കുകയെന്ന മട്ടില്‍ ചീഫ് സെക്രട്ടറിയെ മുഖ്യമന്ത്രി കുറ്റപ്പെടുത്തുകയും ചെയ്തു. അതിനിടെ ചീഫ് സെക്രട്ടറിക്കെതിരെ വിജിലന്‍സ് കോടതിയില്‍ സ്വകാര്യ ഹരജി ഫയല്‍ ചെയ്തു. സമരത്തിന് ചീഫ് സെക്രട്ടറി ഒത്താശ ചെയ്യുന്നുവെന്നാരോപിച്ച് തിരുവനന്തപുരം സ്വദേശി പായിച്ചിറ നവാസാണ് തിരുവനന്തപുരം വിജിലന്‍സ് കോടതിയില്‍ ഹരജി നല്‍കിയത്. ഇത് ഫയലില്‍ സ്വീകരിച്ച് 19ന് പരിഗണിക്കാനായി മാറ്റി.



Recent News
  പൊലീസുദ്യോഗസ്ഥര്‍ക്കെതിരായ പരാതികള്‍; കാസര്‍കോട് ജില്ലയില്‍ പ്രത്യേക അന്വേഷണ സംവിധാനങ്ങള്‍ വേണമെന്ന ആവശ്യം ശക്തമാകുന്നു

  തോക്കും തിരകളും പിടികൂടിയ സംഭവം; തീഹാര്‍ ജയിലില്‍ നിന്നും കൊണ്ടുവന്ന മുംബൈ സ്വദേശിയെ കാസര്‍കോട് ജയിലിലടച്ചു

  പലിശക്കുവാങ്ങിയ പണത്തിന്റെ പേരില്‍ യുവതിയെ ജനലില്‍ കെട്ടിയിട്ട് മര്‍ദിച്ച കേസില്‍ വിചാരണ തുടങ്ങി

  റോഡില്‍ മാര്‍ഗതടസ്സം സൃഷ്ടിച്ചവരെ പിന്തിരിപ്പിക്കാനെത്തിയ പൊലീസിനെ ആക്രമിച്ച കേസില്‍ ഒരു പ്രതി റിമാണ്ടില്‍

  ബഡ്‌സ് സ്‌കൂള്‍ പ്രവര്‍ത്തന സജ്ജമായി; ചെലവുകള്‍ എങ്ങനെ വഹിക്കുമെന്നോര്‍ത്ത് കുമ്പഡാജെ പഞ്ചായത്തിന് ആധിയേറി

  ഫഹദ് വധം: പ്രതിയുടെ മനോനില പരിശോധിച്ച ഡോക്ടറെ വിസ്തരിക്കും

  നഗരത്തിലെ ഹോട്ടലിലെ മോഷണം: പ്രതിയെ തിരിച്ചറിഞ്ഞു

  വഴിയാത്രക്കാരെ കല്ലെറിയുകയും പൊലീസിനെ അക്രമിക്കുകയും ചെയ്ത കേസില്‍ ഒരാള്‍ അറസ്റ്റില്‍

  ആക്‌സില്‍ പൊട്ടി ബസ് റോഡിലേക്ക് ചെരിഞ്ഞു

  യാത്രക്കിടെ പോസ്റ്റ്മാനില്‍ നിന്ന് നഷ്ടപ്പെട്ട പാസ്‌പോര്‍ട്ടുകളും പാന്‍കാര്‍ഡും പൊലീസ് സാന്നിധ്യത്തില്‍ കൈമാറി

  നഗരത്തിലെ സാഗര്‍ ഹോട്ടലില്‍ നിന്ന് 80,000 രൂപ കവര്‍ന്നു; മോഷ്ടാവിന്റെ ദൃശ്യങ്ങള്‍ സി.സി.ടി.വി. ക്യാമറയില്‍

  ബസിന് കല്ലെറിഞ്ഞ കേസില്‍ യുവാവ് അറസ്റ്റില്‍

  ദമ്പതികളെ അക്രമിച്ച കേസില്‍ അറസ്റ്റിലായ യുവാവ് നേരത്തെ മൂന്നുകേസുകളില്‍ പ്രതി

  കാണാതായ കോളേജ് വിദ്യാര്‍ത്ഥിയെ ഗോവ ബീച്ചില്‍ കണ്ടതായി വിവരം; കാര്‍ ഉപേക്ഷിച്ച നിലയില്‍

  ബൈക്ക് മറിഞ്ഞ് പൊലീസുകാരന്‍ മരിച്ചത് വീട്ടിലേക്ക് പോകുന്നതിനിടെ