updated on:2017-01-10 06:30 PM
നാട്യമയൂരവും, നടനവിസ്മയവും; മേളയെ നെഞ്ചിലേറ്റി തൃക്കരിപ്പൂര്‍

www.utharadesam.com 2017-01-10 06:30 PM,
തൃക്കരിപ്പൂര്‍: 57-ാമത് റവന്യൂ ജില്ലാ സ്‌കൂള്‍ കലോത്സവത്തിന്റെ സ്റ്റേജ് തല മത്സരങ്ങള്‍ രണ്ടാം നാളിലേക്ക് കടക്കുമ്പോള്‍ ഹൊസ്ദുര്‍ഗ്, ബേക്കല്‍ ഉപജില്ലകള്‍ മുന്നേറ്റം തുടരുന്നു. ഹയര്‍ സെക്കണ്ടറി വിഭാഗത്തില്‍ ഹൊസ്ദുര്‍ഗിന് പിന്നില്‍ ചെറുവത്തൂര്‍ ഉപജില്ലയാണ് രണ്ടാം സ്ഥാനത്ത് ഉള്ളത്. ഹൈസ്‌കൂള്‍ വിഭാഗത്തില്‍ കാസര്‍കോട് ഉപജില്ലയാണ് ഹൊസ്ദുര്‍ഗിന് തൊട്ട് പിന്നില്‍ ഉള്ളത്. യു.പി. വിഭാഗത്തില്‍ ബേക്കല്‍ ഉപജില്ല മുന്നില്‍ നില്‍ക്കുമ്പോള്‍ ഹൊസ്ദുര്‍ഗാണ് രണ്ടാമതുള്ളത്. പ്രധാന വേദിയില്‍ ഇന്ന് രാവിലെ കഥാപ്രസംഗം നടന്നു. ഉച്ചയ്ക്ക് ശേഷം സംഘനൃത്ത മത്സരങ്ങള്‍ ആരംഭിക്കും. വേദി രണ്ടില്‍ ഉറുദു ഗസല്‍ ആലാപനം നടന്നു. ഉച്ചയ്ക്ക് ശേഷം ഇവിടെ മോഹിനിയാട്ടം, കേരള നടനം മത്സരങ്ങള്‍ നടക്കും. വേദി മൂന്നില്‍ നാടക മത്സരമാണ് നടക്കുന്നത്. വേദി നാലില്‍ തിരുവാതിരകളി, സംഘഗാന മത്സരങ്ങള്‍ നടക്കുന്നു. മറ്റുവേദികളില്‍ ചെണ്ട, ചെണ്ടമേളം, പഞ്ചവാദ്യം, വട്ടപ്പാട്ട്, അറബിഗാനം, മോണോആക്ട് , വന്ദേമാതരം, വയലിന്‍, ഓടക്കുഴല്‍, ഗിത്താര്‍ തുടങ്ങിയ മത്സരങ്ങള്‍ നടന്നു വരുന്നു. കലോത്സവത്തിന്റെ ഔദ്യോഗിക ഉദ്ഘാടനം ഇന്നലെ മന്ത്രി രാമചന്ദ്രന്‍ കടന്നപള്ളി നിര്‍വ്വഹിച്ചു. കലോത്സവങ്ങള്‍ വരവ് വെക്കേണ്ടതും നിക്ഷേപിക്കേണ്ടതും മതേതരത്വവും സാഹോദര്യവുമാവണമെന്ന് മന്ത്രി പറഞ്ഞു. എം. രാജഗോപാലന്‍ എം.എല്‍.എ. അധ്യക്ഷത വഹിച്ചു. പ്രശസ്ത ഫുട്‌ബോള്‍ താരം മുഹമ്മദ് റാഫി, കേരള സാഹിത്യ അക്കാദമി അംഗമായി തിരഞ്ഞെടുക്കപ്പെട്ട ഇ.പി. രാജഗോപാലന്‍, മാസ്റ്റേഴ്‌സ് അത്‌ലറ്റിക്ക് മീറ്റില്‍ വിജയിച്ച എം.പവിത്രന്‍, കലോത്സവത്തിന്റെ സ്വാഗത ഗാനം രചിച്ച കെ.വി.കൃഷ്ണന്‍ എന്നിവരെ ചടങ്ങില്‍ മന്ത്രി അനുമോദിച്ചു. കലോത്സവ സ്മരണിക ജില്ലാ പഞ്ചായത്തംഗം പി.സി. സുബൈദ പ്രകാശനം ചെയ്തു. ജില്ലാ പഞ്ചായത്ത് പ്രസിഡണ്ട് എ.ജി.സി. ബഷീര്‍ സ്വാഗതം പറഞ്ഞു.




Related News
Recent News
  പൊലീസുദ്യോഗസ്ഥര്‍ക്കെതിരായ പരാതികള്‍; കാസര്‍കോട് ജില്ലയില്‍ പ്രത്യേക അന്വേഷണ സംവിധാനങ്ങള്‍ വേണമെന്ന ആവശ്യം ശക്തമാകുന്നു

  തോക്കും തിരകളും പിടികൂടിയ സംഭവം; തീഹാര്‍ ജയിലില്‍ നിന്നും കൊണ്ടുവന്ന മുംബൈ സ്വദേശിയെ കാസര്‍കോട് ജയിലിലടച്ചു

  പലിശക്കുവാങ്ങിയ പണത്തിന്റെ പേരില്‍ യുവതിയെ ജനലില്‍ കെട്ടിയിട്ട് മര്‍ദിച്ച കേസില്‍ വിചാരണ തുടങ്ങി

  റോഡില്‍ മാര്‍ഗതടസ്സം സൃഷ്ടിച്ചവരെ പിന്തിരിപ്പിക്കാനെത്തിയ പൊലീസിനെ ആക്രമിച്ച കേസില്‍ ഒരു പ്രതി റിമാണ്ടില്‍

  ബഡ്‌സ് സ്‌കൂള്‍ പ്രവര്‍ത്തന സജ്ജമായി; ചെലവുകള്‍ എങ്ങനെ വഹിക്കുമെന്നോര്‍ത്ത് കുമ്പഡാജെ പഞ്ചായത്തിന് ആധിയേറി

  ഫഹദ് വധം: പ്രതിയുടെ മനോനില പരിശോധിച്ച ഡോക്ടറെ വിസ്തരിക്കും

  നഗരത്തിലെ ഹോട്ടലിലെ മോഷണം: പ്രതിയെ തിരിച്ചറിഞ്ഞു

  വഴിയാത്രക്കാരെ കല്ലെറിയുകയും പൊലീസിനെ അക്രമിക്കുകയും ചെയ്ത കേസില്‍ ഒരാള്‍ അറസ്റ്റില്‍

  ആക്‌സില്‍ പൊട്ടി ബസ് റോഡിലേക്ക് ചെരിഞ്ഞു

  യാത്രക്കിടെ പോസ്റ്റ്മാനില്‍ നിന്ന് നഷ്ടപ്പെട്ട പാസ്‌പോര്‍ട്ടുകളും പാന്‍കാര്‍ഡും പൊലീസ് സാന്നിധ്യത്തില്‍ കൈമാറി

  നഗരത്തിലെ സാഗര്‍ ഹോട്ടലില്‍ നിന്ന് 80,000 രൂപ കവര്‍ന്നു; മോഷ്ടാവിന്റെ ദൃശ്യങ്ങള്‍ സി.സി.ടി.വി. ക്യാമറയില്‍

  ബസിന് കല്ലെറിഞ്ഞ കേസില്‍ യുവാവ് അറസ്റ്റില്‍

  ദമ്പതികളെ അക്രമിച്ച കേസില്‍ അറസ്റ്റിലായ യുവാവ് നേരത്തെ മൂന്നുകേസുകളില്‍ പ്രതി

  കാണാതായ കോളേജ് വിദ്യാര്‍ത്ഥിയെ ഗോവ ബീച്ചില്‍ കണ്ടതായി വിവരം; കാര്‍ ഉപേക്ഷിച്ച നിലയില്‍

  ബൈക്ക് മറിഞ്ഞ് പൊലീസുകാരന്‍ മരിച്ചത് വീട്ടിലേക്ക് പോകുന്നതിനിടെ