updated on:2017-01-10 07:12 PM
ബി.ജെ.പിയും ആര്‍.എസ്.എസും രാജ്യത്തെ വിഷലിപ്തമാക്കുന്നു-യു.ആര്‍.സഭാപതി

www.utharadesam.com 2017-01-10 07:12 PM,
കാസര്‍കോട്: ബി.ജെ.പിയും ആര്‍.എസ്.എസും ചേര്‍ന്ന് രാജ്യത്തെ വിഷലിപ്തമാക്കുകയാണെന്ന് എ.ഐ.സി.സി. കോ-ഓഡിനേറ്റര്‍ യു.ആര്‍. സഭാപതി പറഞ്ഞു. പുതിയ ബസ് സ്റ്റാന്റിലെ സ്പീഡ് വേ ഓഡിറ്റോറിയത്തില്‍ കോണ്‍ഗ്രസ് ജില്ലാ കമ്മിറ്റിയുടെ ജനറല്‍ ബോഡി ഉദ്ഘാടനം ചെയ്യുകയായിരുന്നു അദ്ദേഹം. ഓരോ തിരഞ്ഞെടുപ്പ് വരുമ്പോഴും ഓരോ അജണ്ടകളുമായി ബി.ജെ. പി രംഗത്തിറങ്ങുകയാണ്. തിരഞ്ഞെടുപ്പിന് മുമ്പ് അയോധ്യയില്‍ രാമമന്ദിരം നിര്‍മ്മിക്കുമെന്ന് പറഞ്ഞ് വര്‍ഗീയത ഇളക്കിവിട്ടു. ഇപ്പോള്‍ ഹിന്ദുസമാജോത്സവങ്ങളുമായി രംഗത്തിറങ്ങിയിരിക്കുകയാണ്. 500, 1000 രൂപ നോട്ടുകള്‍ പിന്‍വലിച്ച കേന്ദ്ര സര്‍ക്കാറിന്റെ നടപടിയോടെ നവംബര്‍ എട്ട് മുതല്‍ രാജ്യം അരക്ഷിതാവസ്ഥയിലാണ്.
മുംബൈ നഗരത്തില്‍ മാത്രം 500 കോടി രൂപയുടെ നഷ്ടമാണ് പ്രതിദിനം. തൊഴിലില്ലായ്മ രൂക്ഷമായിരിക്കുകയാണ്. അധികാരത്തില്‍ എത്തി 100 ദിവസത്തിനുള്ളില്‍ കള്ളപ്പണം വെളിച്ചത്ത് കൊണ്ടുവരുമെന്നും ഓരോ പൗരന്റെയും ബാങ്ക് അക്കൗണ്ടുകളില്‍ 15 ലക്ഷം രൂപ വീതം നിക്ഷേപിക്കുമെന്നും പറഞ്ഞ മോദി മൂന്ന് വര്‍ഷമായിട്ടും വാഗ്ദാനം നിറവേറ്റിയില്ല.
മുസ്ലീം ലീഗ് നേതാവ് ഹമീദലി ഷംനാട്, കോണ്‍ഗ്രസ് നേതാവ് കെ.സി. കടമ്പുരാന്‍ എന്നിവരുടെ നിര്യാണത്തില്‍ അനുശോചനം രേഖപ്പെടുത്തി.
ഡി.സി.സി. പ്രസിഡണ്ട് ഹക്കീം കുന്നില്‍ അധ്യക്ഷത വഹിച്ചു. കെ.പി.സി.സി. ജനറല്‍ സെക്രട്ടറിമാരായ കെ.പി. കുഞ്ഞിക്കണ്ണന്‍, പി. രാമകൃഷ്ണന്‍, നിര്‍വ്വാഹക സമിതി അംഗങ്ങളായ പി. ഗംഗാധരന്‍ നായര്‍, പി.എ. അഷ്‌റഫലി, ബാലകൃഷ്ണ വൊര്‍കുഡ്‌ലു എന്നിവര്‍ പ്രസംഗിച്ചു. എ.ഗോവിന്ദന്‍ നായര്‍ സ്വാഗതം പറഞ്ഞു.



Recent News
  യാത്രക്കിടെ പുത്തന്‍ സ്‌കൂട്ടറിന്റെ ടയര്‍ ഇളകി

  പൈപ്പ് മാറ്റിസ്ഥാപിക്കാന്‍ എടുത്ത കുഴി മൂടിയില്ല; യാത്രക്കാര്‍ക്ക് ദുരിതം

  പനിപ്പേടിയില്‍ കാസര്‍കോട്; 21 പേര്‍ക്ക് ഡെങ്കിപ്പനി, ഒരാള്‍ക്ക് മലേറിയ

  നെല്ലിക്കുന്നില്‍ ക്ലബ്ബിന് നേരെ തീവെപ്പ്

  മുംബൈയിലെ വ്യാപാരിയെ തട്ടിക്കൊണ്ടുപോയ കേസില്‍ വിദ്യാര്‍ത്ഥി റിമാണ്ടില്‍; മൂന്നുപേരെ തിരയുന്നു

  വൊര്‍ക്കാടിയിലെ വിദ്യാര്‍ത്ഥിയുടെ മരണം വീണ് പരിക്കേറ്റത് മൂലമെന്ന് പോസ്റ്റുമോര്‍ട്ടം റിപ്പോര്‍ട്ട്

  പൊതുസ്ഥലത്ത് അടികൂടിയ സംഘം പൊലീസിന്റെ കൃത്യനിര്‍വ്വഹണം തടസ്സപ്പെടുത്തി; നാലുപേര്‍ അറസ്റ്റില്‍

  റോഡിലെ ഇറക്കത്തില്‍ സ്‌കൂട്ടര്‍ മറിഞ്ഞ് പോസ്റ്റുമാന്‍ മരിച്ചു

  ഒമ്പത് വയസുകാരിക്ക് അശ്ലീല ചിത്രം കാട്ടിയ യുവാവിന് 3 വര്‍ഷം കഠിന തടവ്

  സഹോദരങ്ങളടക്കം മൂന്നു പേര്‍ക്ക് ഡെങ്കിപ്പനി

  കല്ല്യാണ ദിവസം ഇഫ്താര്‍ ഒരുക്കി യൂത്ത് കോണ്‍. നേതാവ്

  ഹൈമാസ്റ്റ് ലൈറ്റ് സ്വിച്ച് ഓണ്‍ കര്‍മ്മം നടത്തി

  ഇന്‍ഷുറന്‍സ് മാനേജര്‍ അറിയാതെ അക്കൗണ്ടില്‍ നിന്ന് മൂന്നുതവണയായി പണം പിന്‍വലിച്ചു

  തെരുവ് കച്ചവടക്കാരെ പുനരധിവസിപ്പിക്കാന്‍ 43 ലക്ഷം രൂപയുടെ പദ്ധതിയുമായി നഗരസഭ

  ഭര്‍ത്താവ് ഉപേക്ഷിച്ചു; എന്‍ഡോസള്‍ഫാന്‍ ഇരയായ ആദിവാസി യുവതിയെ സര്‍ക്കാറും അവഗണിക്കുന്നു