updated on:2017-01-11 11:04 AM
പ്ലസ് വണ്‍ വിദ്യാര്‍ത്ഥിനിയെ ബലമായി പിടിച്ച് കൊണ്ടുപോയി സ്‌കൂള്‍ ടോയ്‌ലെറ്റില്‍ വെച്ച് പീഡിപ്പിക്കാന്‍ ശ്രമം; യുവാവ് പിടിയില്‍

www.utharadesam.com 2017-01-11 11:04 AM,
ബദിയടുക്ക: അധ്യാപകനായ അച്ഛനെ സ്‌കൂള്‍ കോമ്പൗണ്ടില്‍ കാത്ത് നില്‍ക്കുന്നതിനിടെ പ്ലസ് വണ്‍ വിദ്യാര്‍ത്ഥിനിയെ ബലമായി പിടിച്ചുകൊണ്ടുപോയി ടോയ്‌ലറ്റില്‍ വെച്ച് പീഡിപ്പിക്കാന്‍ ശ്രമിച്ച യുവാവിനെ അധ്യാപകര്‍ പിടികൂടി പോലീസില്‍ ഏല്‍പിച്ചു. ഇന്നലെ വൈകിട്ട് അഞ്ച് മണിയോടെ ബദിയടുക്ക പൊലീസ് സ്റ്റേഷന്‍ പരിധിയിലെ ഒരു സ്‌കൂളിലാണ് സംഭവം. ബദിയടുക്ക- മുള്ളേരിയ റോഡിലെ സിദ്ദിഖ് (28)ആണ് പിടിയിലായത്. സിദ്ദിഖിനെ പൊലീസ് ചോദ്യം ചെയ്ത് വരികയാണ്. ഉച്ചയോടെ കോടതിയില്‍ ഹാജരാക്കും. സ്വകാര്യ കോളേജിലെ പ്ലസ് വണ്‍ വിദ്യാര്‍ത്ഥിനിയായ 17കാരി ട്യൂഷന്‍ ക്ലാസ് കഴിഞ്ഞ ശേഷം സ്‌കൂള്‍ അധ്യാപകനായ അച്ഛനൊപ്പം ബൈക്കില്‍ വീട്ടിലേക്ക് പോകുകയാണ് പതിവ്. ഇന്നലെ സ്‌കൂളില്‍ അധ്യാപകരുടെ യോഗം നടക്കുന്നതിനാല്‍ വിദ്യാര്‍ത്ഥിനി അച്ഛനെ കാത്ത് സ്‌കൂള്‍ കോമ്പൗണ്ടില്‍ നിന്നതായിരുന്നു. അതിനിടെയെത്തിയ യുവാവ് വിദ്യാര്‍ത്ഥിനിയെ വായ മൂടി സ്‌കൂള്‍ ടോയ്‌ലെറ്റിലേക്ക് ബലമായി പിടിച്ചുകൊണ്ടുപോവുകയായിരുന്നുവത്രെ. വാതില്‍ അടച്ചതോടെ വിദ്യാര്‍ത്ഥിനി ബഹളം വെച്ചു. അതിനിടെ സ്‌കൂളിന് സമീപം നടന്നുപോകുകയായിരുന്നയാള്‍ വിദ്യാര്‍ത്ഥിനിയുടെ നിലവിളി കേട്ട് അധ്യാപകരോട് വിവരം അറിയിച്ചു. തുടര്‍ന്ന് അധ്യാപകരെത്തിയപ്പോള്‍ യുവാവ് ഓടി രക്ഷപ്പെടാന്‍ ശ്രമിക്കുകയായിരുന്നുവത്രെ. പിന്തുടര്‍ന്നാണ് പിടിച്ചത്. പിന്നീട് പോലീസില്‍ ഏല്‍പിക്കുകയായിരുന്നു.



Recent News
  ജനറല്‍ ആസ്പത്രിയിലെ രോഗികള്‍ക്ക് പെരുന്നാള്‍ ഭക്ഷണവുമായി ചെമനാട് സി.എച്ച് സെന്റര്‍ പ്രവര്‍ത്തകരെത്തി

  പുകയില വിരുദ്ധ ദിനത്തില്‍ കടത്താന്‍ ശ്രമിച്ച 80 കിലോ പുകയില ഉല്‍പ്പ ന്നങ്ങള്‍ പിടികൂടി

  മനോരോഗ വിദഗ്ധന്‍ ഡോ.കെ.പി.വി നാരായണന്‍ അന്തരിച്ചു

  മുസോടി അത്തീക്കയില്‍ കടല്‍ ക്ഷോഭം; ഏഴു വീടുകള്‍ക്ക് നാശം, 28 തെങ്ങുകള്‍ കടപുഴകി

  കാറുകള്‍ കൂട്ടിയിടിച്ച് 5പേര്‍ക്ക് പരിക്ക്

  ബേള ചര്‍ച്ച് പരിസരത്ത് സംഘട്ടനം: 64പേര്‍ക്കെതിരെ കേസ്

  കെ.കെ. വേണുഗോപാല്‍ അറ്റോര്‍ണി ജനറലായേക്കും

  ഇന്നോവ കാര്‍ റോഡില്‍ തെന്നിമറിഞ്ഞു; ആറുപേര്‍ക്ക് പരിക്ക്

  നഗരത്തിലും ആസ്പത്രിക്ക് പിറകിലും കുന്നുകൂടി മാലിന്യം

  ജില്ലാതല മാലിന്യ നിര്‍മ്മാര്‍ജ്ജനം ജനറല്‍ ആസ്പത്രിയില്‍ മന്ത്രി ഇ. ചന്ദ്രശേഖരന്‍ ഉദ്ഘാടനം ചെയ്തു

  ബൈക്ക് യാത്രക്കാരെ ആക്രമിച്ച കേസില്‍ ഒരു പ്രതി കൂടി അറസ്റ്റില്‍

  കാസര്‍കോട്ട് ഒരാള്‍ക്ക് എച്ച് 1 എന്‍1; 4 പേര്‍ക്ക് ഡെങ്കിപ്പനി

  കുടജാദ്രിയില്‍ ജീപ്പിടിച്ച് കാസര്‍കോട് റീസര്‍വ്വെ വിഭാഗത്തിലെ ജീവനക്കാരി മരിച്ചു

  തൃക്കരിപ്പൂരില്‍ പെരുന്നാള്‍ ആഘോഷത്തിന് താരപ്പകിട്ട്

  ചെളിവെള്ളത്തിലിറങ്ങി അവര്‍ തിമിര്‍ത്താടി; നാട്ടി മഴ മഹോത്സവം ശ്രദ്ധേയമായി




newspaper,kasaragod,malayalam,entedesam,utharadesam,Utharadesham,kerala,india,northern kerala,malabar,news,live news,kasaragodnews,manglore,P.V.Krishnan,North Malabar,epaper,online news,journalist,local news,kasargod,utharadesam,Kasaragod Press Club,cinema news,Bizpages,Cartoon,Post your news,Kasaragod writers,vartha,Kasaragod vartha,Malayalam Internet News