updated on:2017-08-11 12:54 PM
ജില്ലയില്‍ ട്രാഫിക് നിയമലംഘന കേസുകള്‍ വര്‍ധിക്കുന്നു; നിയമസഭയില്‍ കണക്കുകള്‍ ഉദ്ധരിച്ച് മുഖ്യമന്ത്രി

www.utharadesam.com 2017-08-11 12:54 PM,
തിരുവനന്തപുരം: കാസര്‍കോട് ജില്ലയില്‍ ട്രാഫിക് നിയമലംഘനം അധികരിക്കുന്നതായി കണക്കുകള്‍ ഉദ്ധരിച്ച് നിയമസഭയില്‍ മുഖ്യമന്ത്രി പിണറായി വിജയന്‍. ജില്ലയില്‍ ഈ സര്‍ക്കാര്‍ അധികാരത്തില്‍ വന്ന ശേഷം 5536 ട്രാഫിക് നിയമലംഘന കേസുകള്‍ രജിസ്റ്റര്‍ ചെയ്യപ്പെട്ടിട്ടുണ്ട്. ജില്ലയില്‍ രജിസ്റ്റര്‍ ചെയ്ത 1,54,966 മോട്ടോര്‍ വെഹിക്കിള്‍ പെറ്റി കേസുകള്‍ക്ക് പുറമെയാണിത്.
എന്‍.എ നെല്ലിക്കുന്ന് എം.എല്‍.എ,യുടെ ചോദ്യങ്ങള്‍ക്കുള്ള മറുപടിയിലാണ് മുഖ്യമന്ത്രി ഇക്കാര്യമറിയിച്ചത്. ജില്ലയില്‍ കൂടുതല്‍ കേസുകള്‍ രജിസ്റ്റര്‍ ചെയ്യപ്പെട്ടിട്ടുള്ളത് കാസര്‍കോട് പൊലീസ് സ്റ്റേഷന്‍ പരിധിയിലാണ്. 934 കേസുകള്‍. വിദ്യാനഗറില്‍ 211ഉം ബദിയടുക്കയില്‍ 172ഉം കുമ്പളയില്‍ 298ഉം മഞ്ചേശ്വരത്ത് 186 ഉം ബേക്കലില്‍ 353ഉം അമ്പലത്തറയില്‍ 396ഉം ഹൊസ്ദുര്‍ഗിലും വെള്ളരിക്കുണ്ടിലും 285 വീതവും ചിറ്റാരിക്കലില്‍ 284ഉം രാജപുരത്ത് 396ഉം നീലേശ്വരത്ത് 369ഉം ചന്ദേരയില്‍ 302ഉം ചീമേനിയില്‍ 345ഉം ആദൂരില്‍ 334ഉം ബേഡകത്ത് 386ഉം കേസുകള്‍ രജിസ്റ്റര്‍ ചെയ്തിട്ടുണ്ടെന്നും എന്നാല്‍ ഇവിടങ്ങളിലെല്ലാം രജിസ്റ്റര്‍ ചെയ്ത പെറ്റിക്കേസുകളുടെ എണ്ണം ഇതിന്റെയൊക്കെ എത്രയോ മടങ്ങ് കൂടുതലാണെന്നും കണക്കുകള്‍ സഹിതം മുഖ്യമന്ത്രി വ്യക്തമാക്കി.
1,54,966 മോട്ടോര്‍ വെഹിക്കിള്‍ പെറ്റി കേസുകളില്‍ നിന്ന് 2,78,25,300 രൂപ പിഴയിനത്തില്‍ ഒടുക്കിയിട്ടുണ്ടെന്നും 5345 ട്രാഫിക് നിയമലംഘന കേസുകള്‍ ഇപ്പോള്‍ ജില്ലയിലെ വിവിധ കോടതികളില്‍ നിലവിലുണ്ടെന്നും എന്‍.എ നെല്ലിക്കുന്ന് എം.എല്‍.എ. യുടെ ചോദ്യത്തിനുള്ള മറുപടിയില്‍ മുഖ്യമന്ത്രി പറഞ്ഞു.



Recent News
  ടോറസ് ലോറിയില്‍ കടത്തിയ മണല്‍ പിടിച്ചു

  പൊതുസ്ഥലത്ത് മദ്യപിച്ചതിന് രണ്ട് പേര്‍ അറസ്റ്റില്‍

  കെട്ടിട നികുതി അടച്ചിട്ടും ഡിമാണ്ട് നോട്ടീസ് നല്‍കിയതായി പരാതി

  ബൈക്ക് മറിഞ്ഞ് പരിക്ക്

  നമ്പര്‍ പ്ലേറ്റ് വികൃതമാക്കി ടോറസ് ലോറിയില്‍ കടത്തുകയായിരുന്ന മണല്‍ പിടിച്ചു

  കാസര്‍കോടന്‍ മണ്ണിന് കുളിര്‍മ്മയായി കെ.പി.എ.സി എത്തുന്നു; ഈഡിപ്പസ് നാടകം 15ന് ടൗണ്‍ഹാളില്‍

  മടിക്കൈ കമ്മാരന് നാട് വിട നല്‍കി

  5000 ഡോളറുമായി ഗള്‍ഫിലേക്കെന്ന് പറഞ്ഞ് മുങ്ങിയ 'പൊതുപ്രവര്‍ത്തകന്‍' ഗോവയില്‍ പൊങ്ങി; ആള്‍കൂട്ടം വളഞ്ഞപ്പോള്‍ ജനാലയിലൂടെ രക്ഷപ്പെട്ടു

  ക്വാര്‍ട്ടേഴ്‌സ് മുറി കുത്തിത്തുറന്ന് ഇതര സംസ്ഥാന തൊഴിലാളികളുടെ മൊബൈല്‍ ഫോണുകളും പണവും മോഷ്ടിച്ചു

  പരിശോധിച്ച 50 ബസുകളില്‍ 40നും ബ്രേക്ക്‌ലൈറ്റ് ഇല്ല; നടപടിയുമായി ട്രാഫിക് പൊലീസ്

  യുവതിക്ക് ഓട്ടോയില്‍ സുഖപ്രസവം

  ഹോംനേഴ്‌സായ ആദിവാസി യുവതിയെ പീഡിപ്പിച്ചതിന് ഡോക്ടര്‍ക്കെതിരെ കേസ്

  റിട്ട. മെഡിക്കല്‍ ഓഫീസര്‍ രോഗിയെ പരിശോധിക്കുന്നതിനിടെ കുഴഞ്ഞുവീണ് മരിച്ചു

  അടച്ചിട്ട വീട് കുത്തിത്തുറന്ന് 2.62 ലക്ഷം രൂപയുടെ ചെമ്പുപാത്രങ്ങളും സ്വര്‍ണാഭരണവും കവര്‍ന്നു

  മഡ്ക്ക: രണ്ടുപേര്‍ അറസ്റ്റില്‍