updated on:2017-08-12 12:44 PM
വിദ്യാര്‍ത്ഥികളെ പീഡനത്തിനിരയാക്കിയ മദ്രസ അധ്യാപകനെതിരെ നാല് കേസുകള്‍

www.utharadesam.com 2017-08-12 12:44 PM,
കാസര്‍കോട്: വിദ്യാര്‍ത്ഥികളെ ലൈംഗികമായി പീഡിപ്പിച്ച സംഭവത്തില്‍ മദ്രസ അധ്യാപകനെതിരെ ബേക്കല്‍ പൊലീസ് നാല് കേസെടുത്തു. സുള്ള്യ സ്വദേശിയായ മദ്രസ അധ്യാപകനെതിരെയാണ് കേസ്. ഇയാളെ പൊലീസ് ചോദ്യം ചെയ്തുവരികയാണ്.
നാല് വര്‍ഷം മുമ്പാണ് മദ്രസ അധ്യാപകനായി ചെമ്പിരിക്കയിലെത്തിയത്. പീഡനത്തിനിരയായ ഒരു കുട്ടിയാണ് വിവരം ബന്ധുക്കളോട് പറഞ്ഞത്. ഇക്കാര്യം ചില കമ്മിറ്റി അംഗങ്ങള്‍ അറിഞ്ഞതോടെ മദ്രസ ജോലിയില്‍ നിന്നും പറഞ്ഞുവിട്ടു. പിന്നീട് നാട്ടില്‍ സംഭവം പ്രചരിച്ചെങ്കിലും പരാതി നല്‍കാന്‍ ആരും തയ്യാറല്ലായിരുന്നു. ഒടുവില്‍ ചൈല്‍ഡ് ലൈന്‍ പ്രവര്‍ത്തകരുടെ സഹായത്തോടെയാണ് കുട്ടികള്‍ പരാതിപ്പെട്ടത്.
പഠിക്കാനെത്തിയ കുട്ടികളാണ് പീഡനത്തിനിരയായത്. നാല് കുട്ടികളില്‍ നിന്നും പൊലീസ് മൊഴി എടുത്തിട്ടുണ്ട്. മറ്റുചില കുട്ടികളെ കൂടി പീഡിപ്പിച്ചതായി വിവരം ലഭിച്ചതിനാല്‍ അവരെ കൂടി കൗണ്‍സിലിങ്ങിന് വിധേയമാക്കുമെന്ന് പൊലീസ് പറഞ്ഞു.
മദ്രസാധ്യാപകന്‍ മറ്റെവിടെയെങ്കിലും ജോലി ചെയ്തിട്ടുണ്ടോ എന്നും പരിശോധിക്കുന്നുണ്ട്.
അവിടേയും സമാന രീതിയിലുള്ള പീഡനത്തിനുള്ള സാധ്യത കണക്കിലെടുത്താണ് അന്വേഷണം മുന്നോട്ട് പോകുന്നത്. കുട്ടികളെ പീഡിപ്പിച്ച വിവരം നാട്ടുകാര്‍ അറിഞ്ഞാല്‍ മദ്രസ അധ്യാപകന്റെ ജീവന് തന്നെ ഭീഷണിയാകുമെന്ന് കരുതിയാണത്രെ ജോലിയില്‍ നിന്നും ഉടന്‍ പറഞ്ഞുവിട്ടത്. സുള്ള്യയിലെ വീട്ടിലെ കഴിയുന്നതിനിടെ പൊലീസ് രഹസ്യമായെത്തിയാണ് കസ്റ്റഡിയിലെടുത്തത്.



Recent News
  കാഞ്ഞങ്ങാട് സ്വദേശിയെ കാണാതായി

  20 കലാകാരന്മാരുമായി കെ.പി.എ.സി. എത്തി; ഈഡിപ്പസ് സമകാലീന സംഭവങ്ങളുടെ അടിയൊഴുക്കുകളെന്ന് കലേഷ്

  ജില്ലാ ആസ്പത്രിയില്‍ രണ്ട് സ്ത്രീകളുടെ ബാഗുകള്‍ മോഷണം പോയി

  ചെറുഗോളിയില്‍ പേപ്പട്ടിയുടെ പരാക്രമം; കുട്ടികളടക്കം പത്തുപേര്‍ക്ക് കടിയേറ്റു

  പൊലീസ് പിന്തുടരുന്നതിനിടെ മണല്‍ പറമ്പിലിറക്കി; തിരികെ എടുപ്പിച്ച് കസ്റ്റഡിയിലെടുത്തു

  മുലപ്പാല്‍ തൊണ്ടയില്‍ കുടുങ്ങി മൂന്ന് ദിവസം പ്രായമുള്ള കുഞ്ഞ് മരിച്ചു

  കെ.എം. അഹ്മദ് അനുസ്മരണം; പുസ്തകോത്സവം തുടങ്ങി

  ചീമേനിയിലെ കൊള്ളയും കൊലയും; അന്വേഷണത്തിന് പ്രത്യേക സ്‌ക്വാഡ്

  കുഴഞ്ഞ് വീണു മരിച്ചു

  എസ്.ഐ.യെ കാറില്‍ പിന്തുടര്‍ന്ന രണ്ട് പേര്‍ അറസ്റ്റില്‍

  ധന്യയുടെ മൃതദേഹം സംസ്‌കരിച്ചു

  കുടിവെള്ള മീറ്ററില്‍ കൃത്രിമം: സ്‌ക്വാഡ് നടത്തിയ പരിശോധനയില്‍ 1.15 ലക്ഷം രൂപ പിഴ

  മുള്ളേരിയയില്‍ 19കാരി കിണര്‍ കമ്പിയില്‍ തൂങ്ങിമരിച്ചു

  മരുന്ന് കഴിച്ച് മടുത്തെന്ന് കുറിപ്പെഴുതി സ്‌കൂള്‍ പ്രിന്‍സിപ്പാള്‍ ആത്മഹത്യ ചെയ്തു

  ജ്വല്ലറിയില്‍ ഇടപാടുകാരുടെ ബഹളം; പൊലീസ് ഇടപെട്ടു