updated on:2017-10-11 01:24 PM
വീട് നിര്‍മ്മാണത്തിനുള്ള അനുമതിപത്രത്തിന് കൈക്കൂലി; പഞ്ചായത്ത് ഓവര്‍സീയറെ കയ്യോടെ പിടികൂടി

www.utharadesam.com 2017-10-11 01:24 PM,
ബദിയടുക്ക: വീട് നിര്‍മ്മാണത്തിന് അനുമതി നല്‍കാന്‍ 10,000 രൂപ കൈക്കൂലി വാങ്ങുന്നതിനിടെ പഞ്ചായത്ത് ഓവര്‍സിയര്‍ വിജിലന്‍സിന്റെ പിടിയിലായി. ബദിയടുക്ക പഞ്ചായത്തിലെ എല്‍.എസ്.ജി.ഡി ഓവര്‍സിയര്‍ ആലപ്പുഴ ചേര്‍ത്തല സ്വദേശി കെ.ബി പ്രശാന്തിനെ(36)യാണ് കൈക്കൂലി വാങ്ങുന്നതിനിടെ കാസര്‍കോട് വിജിലന്‍സ് ഡി.വൈ.എസ്.പി രഘുരാമന്റെ നേതൃത്വത്തിലുള്ള സംഘം കയ്യോടെ പിടികൂടിയത്.
കുംബഡാജെ ഏത്തടുക്ക സ്വദേശിയായ ഹരിപ്രസാദ് ബദിയടുക്ക ചെന്നാര്‍ക്കട്ടയില്‍ വീട് നിര്‍മ്മാണത്തിനായി ബാങ്കില്‍ നിന്ന് വായ്പ ലഭിക്കാനായി പഞ്ചായത്തിന്റെ അനുമതി ആവശ്യപ്പെട്ട് അപേക്ഷ നല്‍കിയിരുന്നു. അനുമതി സര്‍ട്ടിഫിക്കറ്റ് നല്‍കണമെങ്കില്‍ 10,000 രൂപ കൈക്കൂലി തരണമെന്ന് ഓവര്‍സിയര്‍ ആവശ്യപ്പെട്ടു. ഇതോടെ ഹരി പ്രസാദ് കാസര്‍കോട് വിജിലന്‍സില്‍ പരാതി നല്‍കി. ഫിനോഫ്തലില്‍ പുരട്ടിയ 10,000 രൂപ വിജിലന്‍സ് പരാതിക്കാരന് കൈമാറുകയും ഈ പണം ഓവര്‍സീയര്‍ക്ക് കൈക്കൂലിയായി നല്‍കാന്‍ ആവശ്യപ്പെടുകയും ചെയ്തു. ഇതിന്റെ അടിസ്ഥാനത്തില്‍ ഇന്നലെ വൈകിട്ട് അഞ്ചു മണിയോടെ പഞ്ചായത്ത് ഓഫീസില്‍ വെച്ച് ഓവര്‍സിയര്‍ പണം വാങ്ങുന്നതിനിടെ വിജിലന്‍സ് സംഘം കയ്യോടെ പിടികൂടുകയായിരുന്നു.
ഡി.വൈ.എസ്.പി.ക്ക് പുറമെ സി.ഐ.മാരായ അനില്‍കുമാര്‍, എം.ടി ജേക്കബ്, തഹസില്‍ദാര്‍ അനില്‍ ഫിലിപ്പ്, കലക്ട്രേറ്റിലെ ഹുസൂര്‍ ശിരസ്തദാര്‍, കെ.എസ് ഫരീദ്, എ.എസ്.ഐ.മാരായ ശശിധരന്‍ പിള്ള, എ.എസ് മുരളി, വിജിലന്‍സ് ഉദ്യോഗസ്ഥരായ ടി.എ ജോസഫ്, പ്രമോദ്, മനോജ്, ജിതേഷ്, രമേശ്, ഡ്രൈവര്‍ ദാസ് എന്നിവരും സംഘത്തിലുണ്ടായിരുന്നു. അറസ്റ്റ് നടപടികള്‍ രേഖപ്പെടുത്തിയ ശേഷം ഓവര്‍സിയറെ തലശ്ശേരി വിജിലന്‍സ് കോടതിയിലെ മജിസ്‌ട്രേറ്റ് മുമ്പാകെ ഹാജരാക്കി.



Recent News
  സ്‌റ്റേഷനില്‍ വിളിച്ച് 'ശല്യ'പ്പെടുത്തിയവരെ പൊലീസ് താക്കീത് ചെയ്തു

  കാറിലെത്തിയ സംഘം സെക്യൂരിറ്റി ജീവനക്കാരന്റെ കൈ തല്ലിയൊടിച്ചു

  മനോനില തെറ്റിയ യുവാവിന്റെ പരാക്രമം നാട്ടുകാരെ പരിഭ്രാന്തിയിലാക്കി

  ഷാര്‍ജയില്‍ നിന്ന് മടങ്ങിയ കാസര്‍കോട് സ്വദേശിനിയില്‍ നിന്ന് 15 ലക്ഷം രൂപയുടെ ആഭരണങ്ങള്‍ പിടിച്ചു

  ഓട്ടോ ഡ്രൈവറുടെ വെളിപ്പെടുത്തലിന്റെ നിജസ്ഥിതി അറിയാനുള്ള ആകാംക്ഷയില്‍ ഖാസിയുടെ കുടുംബവും നാട്ടുകാരും

  ബദിയടുക്ക ടൗണിലെ ഗതാഗത കുരുക്ക്; പരിഹാരവുമായി പൊലീസ് രംഗത്ത്

  ഓട്ടോവാന്‍ മരത്തിലിടിച്ച് ഡ്രൈവര്‍ക്ക് പരിക്ക്

  മരക്കൊമ്പ് തട്ടി ബസ് യാത്രക്കാരന് പരിക്ക്

  മീന്‍ വില്‍പ്പനയെച്ചൊല്ലി തര്‍ക്കം; യുവാവിന് മര്‍ദ്ദനമേറ്റു

  മഡ്ക്ക: രണ്ട് പേര്‍ അറസ്റ്റില്‍

  16കാരന്‍ സ്‌കൂട്ടറോടിച്ചു; ഉമ്മക്കെതിരെ കേസ്

  സംസ്ഥാനത്ത് ബി.ജെ.പിക്ക് സി.പി.എം അമിത പ്രാധാന്യം നല്‍കുന്നു-എം.എം ഹസ്സന്‍

  അനധികൃത മണല്‍ കടത്ത് പിടിച്ചു

  പാചകവാതക സിലിണ്ടര്‍ ചോര്‍ന്നു; വീട്ടുകാര്‍ പരിഭ്രാന്തിയിലായി

  'അന്തിമ റിപ്പോര്‍ട്ട് വന്നിട്ടും തോമസ് ചാണ്ടിക്കെതിരെ നടപടി സ്വീകരിക്കാത്തതിന് പിന്നില്‍ അഴിമതി'




newspaper,kasaragod,malayalam,entedesam,utharadesam,Utharadesham,kerala,india,northern kerala,malabar,news,live news,kasaragodnews,manglore,P.V.Krishnan,North Malabar,epaper,online news,journalist,local news,kasargod,utharadesam,Kasaragod Press Club,cinema news,Bizpages,Cartoon,Post your news,Kasaragod writers,vartha,Kasaragod vartha,Malayalam Internet News