updated on:2017-11-13 06:35 PM
മലയോരം കാട്ടാനപ്പേടിയില്‍; കാടിറങ്ങി വന്നത് 11 ആനകള്‍

www.utharadesam.com 2017-11-13 06:35 PM,
പാണ്ടി: കാടുമായി ചേര്‍ന്ന് തൊട്ടുരുമ്മി നില്‍ക്കുന്ന മലയോര മേഖലകളിലെ ജനങ്ങള്‍ കാട്ടാനപ്പേടിയില്‍. കാനത്തൂര്‍ നെയ്യങ്കയത്ത് ഏഴ് ആനകളും പരപ്പയില്‍ അഞ്ച് ആനകളും നാട്ടിലിറങ്ങിയിട്ടുണ്ട്. നെയ്യങ്കയത്തെ ആനക്കൂട്ടത്തില്‍ രണ്ട് കുട്ടികളും ഉള്‍പ്പെടുന്നു. പകല്‍ നേരങ്ങളില്‍ കാടിന്റെ അതിര്‍ത്തിയിലേക്ക് നീങ്ങുന്ന കാട്ടാനകള്‍ രാത്രിയിലാണ് നാട്ടിലിറങ്ങുന്നത്. വ്യാപകമായി കൃഷി നശിപ്പിക്കുന്നതിന് പുറമെ വീടുകള്‍ കൂടി അക്രമിക്കപ്പെട്ടേക്കുമോ എന്ന ആശങ്ക നിലനില്‍ക്കുന്നു. നാട്ടുകാര്‍ രാത്രിയില്‍ പുറത്തിറങ്ങാന്‍ മടിക്കുന്നു.
വനം വകുപ്പ് കാട്ടാനകള്‍ നാട്ടിലിറങ്ങുന്നത് തടയാന്‍ നടപടിയെടുക്കുമെന്ന് പറയുന്നുണ്ടെങ്കിലും ഒന്നും നടപ്പിലാകുന്നില്ലെന്നാണ് നാട്ടുകാര്‍ പറയുന്നത്. പടക്കം പൊട്ടിച്ചും തീകൂട്ടിയും ആനയെ പേടിപ്പിച്ച് കാടു കയറ്റുകയെന്ന പഴയ തന്ത്രങ്ങള്‍ മാത്രമെ ഇപ്പോഴും നിലവിലുള്ളു. ഈ പേടിപ്പിക്കലൊക്കെ എത്ര കണ്ടിരിക്കുന്നുവെന്ന മട്ടിലാണ് ഇപ്പോള്‍ ആനക്കൂട്ടങ്ങളുടെ നില്‍പ്പ്. കിടങ്ങുകള്‍ പണിതും കമ്പി വേലികള്‍ കെട്ടിയും വൈദ്യുതി കമ്പികള്‍ വലിച്ചും കാട്ടുമൃഗങ്ങള്‍ നാട്ടിലിറങ്ങുന്നത് തടയാന്‍ പറ്റുമോയെന്ന പഠനങ്ങള്‍ ഒരു ഭാഗത്ത് നടക്കുന്നുണ്ട്. എന്നാല്‍ കാടുമായി ചേര്‍ന്നുള്ള അതിരുകള്‍ ഏറെ നീണ്ടു നില്‍ക്കുന്നതിനാല്‍ ഏറെ പണച്ചെലവുണ്ടാകുന്ന വഴികളാണിതൊക്കെ. മരക്കമ്പു കൊണ്ട് വൈദ്യുതി വേലി തകര്‍ത്ത് മറി കടന്ന് വന്ന ഗജവീരന്മാരും ഉണ്ട്. അതിനാല്‍ കാട്ടാനക്കൂട്ടത്തെ തടയുക എന്നത് എളുപ്പമുള്ള കാര്യമല്ല. കാടിനകത്ത് ഇഷ്ടവിഭവങ്ങള്‍ കിട്ടാത്തതും വെള്ളത്തിനുള്ള ദൗര്‍ബല്യവുമാകാം ആനക്കൂട്ടം നാട്ടിലിറങ്ങാനെന്നാണ് സംശയിക്കുന്നത്. കാടിനോട് ചേര്‍ന്നുള്ള കവുങ്ങിന്‍ തോട്ടങ്ങളും റബ്ബര്‍ തോട്ടങ്ങളുമാണ് വ്യാപകമായി പലപ്പോഴും നശിപ്പിക്കപ്പെടുന്നത്. വാഴകളും വാഴക്കുലകളും ആനകളുടെ ഇഷ്ട വിഭവങ്ങളാണ്.
നെയ്യങ്കയം, കൊട്ടംകുഴി, ദേലംപാടി, കാറഡുക്ക, മുളിയാര്‍, ചാമക്കൊച്ചി, അര്‍ത്യ, കല്ലട, കടുമന, മണ്ണംകടവ് എന്നിവിടങ്ങളിലാണ് പലപ്പോഴും കാട്ടാനകള്‍ ഇറങ്ങാറുള്ളത്. കാടിനിടയിലൂടെയുള്ള വഴികളിലൂടെ പോകുന്നവര്‍ ഭീതിയോടെയാണ് നടന്ന് നീങ്ങുന്നത്.



Recent News
  കാറില്‍ കടത്തുകയായിരുന്ന കര്‍ണാടക നിര്‍മ്മിത മദ്യവുമായി മുണ്ട്യത്തടുക്ക സ്വദേശി അറസ്റ്റില്‍

  സംസ്ഥാനത്തെ ഉന്നത വിദ്യാഭ്യാസ മേഖലയെ ലോക നിലവാരത്തിലേക്കുയര്‍ത്തുന്നതിന് ഇടപെടും-ഗവര്‍ണര്‍

  കെ.എം. അഹ്മദ് സ്മാരക മാധ്യമ പുരസ്‌കാരം കാര്‍ട്ടൂണിസ്റ്റ് ഗോപീകൃഷ്ണന് സമ്മാനിച്ചു

  സ്‌കൂള്‍ വിദ്യാര്‍ത്ഥിനിയെ പീഡിപ്പിച്ച കേസിലെ പ്രതിക്ക് 10 വര്‍ഷം കഠിനതടവ്

  അനധികൃത കടവുകള്‍ നശിപ്പിച്ചു

  പുഴയില്‍ കണ്ടെത്തിയ മൃതദേഹം മുഹമ്മദ് കുഞ്ഞിയുടേതാണെന്ന് ഉറപ്പാക്കുന്ന തെളിവുകള്‍ ലഭിച്ചെന്ന് പൊലീസ്

  ബൈക്ക് ഉപേക്ഷിച്ചനിലയില്‍

  നാടക സംവിധായകന്‍ ചന്ദ്രാലയം നാരായണന്‍ അന്തരിച്ചു

  ഉളിയത്തടുക്കയില്‍ സംഘര്‍ഷം; നിരവധി പേര്‍ക്ക് പരിക്ക്, വ്യാപാര സ്ഥാപനങ്ങള്‍ക്ക് നേരെയും അക്രമം

  അഹ്മദ് മാഷ് അനുസ്മരണവും പുരസ്‌കാരദാനവും ഇന്ന്

  കാസര്‍കോട് മാര്‍ക്കറ്റില്‍ മത്സ്യം വാങ്ങാനെത്തിയ യുവാവില്‍ നിന്ന് കള്ളനോട്ടുകള്‍ പിടികൂടി

  ചാമുണ്ഡിക്കുന്നില്‍ വീണ്ടും പുലിയെ കണ്ടു

  സ്വകാര്യ ധനകാര്യ സ്ഥാപനത്തിലെ ജീവനക്കാരന്‍ തൂങ്ങിമരിച്ച നിലയില്‍

  വൃദ്ധന്‍ വീട്ടിനുള്ളില്‍ തൂങ്ങി മരിച്ച നിലയില്‍

  കുഞ്ചത്തൂരില്‍ സംഘര്‍ഷം; പൊലീസ് ഗ്രാനേഡ് പ്രയോഗിച്ചു, നാലുപേര്‍ക്ക് പരിക്ക്