updated on:2017-11-14 06:26 PM
തളങ്കര സ്വദേശിയെ കൊന്ന് കിണറ്റില്‍ തള്ളിയ കേസില്‍ അഡ്വ. സി.കെ ശ്രീധരനെ സ്‌പെഷ്യല്‍ പബ്ലിക് പ്രോസിക്യൂട്ടറായി നിയമിച്ചു

www.utharadesam.com 2017-11-14 06:26 PM,
കാസര്‍കോട്: തളങ്കര കടവത്തെ ആമു ഹാജി കോളിയാടിന്റെ മകനും ചെട്ടുംകുഴിയില്‍ താമസക്കാരനുമായിരുന്ന മന്‍സൂര്‍ അലി കോളിയാടിനെ ക്രൂരമായി കൊലപ്പെടുത്തി കിണറ്റില്‍ തള്ളിയ കേസില്‍ അഡ്വ. സി.കെ ശ്രീധരനെ സ്‌പെഷ്യല്‍ പബ്ലിക് പ്രോസിക്യൂട്ടറായി നിയമിച്ച് സര്‍ക്കാര്‍ ഉത്തരവായി. ഈ വര്‍ഷം ജനുവരി 25ന് ബായാറില്‍ വെച്ചാണ് മന്‍സൂറലിയെ രണ്ടംഗ സംഘം ക്രൂരമായി കൊലപ്പെടുത്തി കിണറ്റില്‍ തള്ളിയത്. പ്രതികളായ ബായാര്‍ സുന്നികട്ടയിലെ സലാമും തമിഴ്‌നാട് സ്വദേശിയും ബായാറില്‍ താമസക്കാരനുമായ അഷ്‌റഫും ഇപ്പോഴും റിമാണ്ടിലാണ്. സ്വര്‍ണ വില്‍പന ഏജന്റായ മന്‍സൂറലിയെ സ്വര്‍ണമുണ്ടെന്ന് പറഞ്ഞ് ബായാറിലേക്ക് വിളിച്ചുവരുത്തി പണം കവരാന്‍ വേണ്ടി കൊലപ്പെടുത്തുകയായിരുന്നു. കേസില്‍ സ്‌പെഷ്യല്‍ പബ്ലിക് പ്രോസിക്യൂട്ടറെ നിയമിക്കണമെന്നാവശ്യപ്പെട്ട് മന്‍സൂറലിയുടെ ഭാര്യ റസീന എന്‍.എ നെല്ലിക്കുന്ന് എം.എല്‍.എ മുഖാന്തിരം മുഖ്യമന്ത്രിക്ക് നിവേദനം നല്‍കിയിരുന്നു. ഇതേ തുടര്‍ന്നാണ് കാഞ്ഞങ്ങാട്ടെ പ്രമുഖ അഭിഭാഷകന്‍ അഡ്വ. സി.കെ ശ്രീധരനെ നിയമിച്ച് ഉത്തരവായത്.



Recent News
  ഉറൂസ് കമ്മിറ്റി ഓഫീസ് അക്രമശ്രമക്കേസിലെ പ്രതികള്‍ റിമാണ്ടില്‍; രണ്ടുപേര്‍ക്കെതിരെ കാപ്പ ചുമത്തിയേക്കും

  ബൈക്ക് തടഞ്ഞ് യുവാക്കളെ കുത്തിപ്പരിക്കേല്‍പ്പിച്ചു

  പി.ബി. അബ്ദുല്‍റസാഖ് ഓര്‍മ്മയായി

  സംസ്ഥാന സീനിയര്‍ സോഫ്റ്റ്‌ബോള്‍: കോഴിക്കോട് സെമിയില്‍

  കൊറഗ വിഭാഗക്കാരുടെ ക്ഷേമ പ്രവര്‍ത്തനങ്ങള്‍ക്ക് കോടികള്‍ ചിലവഴിച്ചെന്ന് പറയുമ്പോഴും അവരുടെ ജീവിതം ദുരിതം തന്നെ

  ഖബറടക്കത്തിനും ആയിരങ്ങളെത്തി

  അപകടത്തില്‍ ജ്യോത്സ്യന് ഗുരുതരം

  തുളുനാടിന്റെ വികസനത്തിന് വേണ്ടി ശബ്ദിച്ച എം.എല്‍.എയെന്ന് മുഖ്യമന്ത്രി

  പി.ബി. അബ്ദുല്‍റസാഖ് എം.എല്‍.എ.അന്തരിച്ചു

  ഉറൂസ് കമ്മിറ്റി ഓഫീസിന് നേരെയുണ്ടായ അക്രമ ശ്രമം; അഞ്ചുപേര്‍കൂടി അറസ്റ്റില്‍

  വിവാഹ വീട്ടില്‍ പോയി മടങ്ങുന്നതിനിടെ പാലത്തില്‍ നിന്ന് വീണ് മരിച്ചു

  ഉപ്പളയില്‍ ടൂറിസ്റ്റ് മിനിബസും ഓട്ടോയും കൂട്ടിയിടിച്ച് യുവാവ് മരിച്ചു; 4 പേര്‍ക്ക് പരിക്ക്

  21കാരിയെ കാണാതായി

  കരിമ്പ് ജ്യൂസ് യന്ത്രം മറിച്ചിട്ട് നശിപ്പിച്ചു

  മുഹമ്മദലി പെരുമ്പള അന്തരിച്ചു