updated on:2017-12-07 04:40 PM
തട്ടിക്കൊണ്ടുപോകാനുള്ള ശ്രമം പാളി, അധോലോക സംഘം ചമഞ്ഞ് ഫോണ്‍ വിളിച്ച് പത്ത് ലക്ഷം ആവശ്യപ്പെട്ടു, ഒടുവില്‍ ജയിലഴിക്കുള്ളിലായി

www.utharadesam.com 2017-12-07 04:40 PM,
കാസര്‍കോട്: നവംബര്‍ 27ന് രാത്രി 7 മണിക്ക് ഗോവയിലെ പൊര്‍വോറിമിലെ പാര്‍ക്കിംഗ് ഏരിയയില്‍ കാര്‍ നിര്‍ത്തി നടന്നുപോകുന്നതിനിടയില്‍ ചെര്‍ക്കള സ്വദേശിയായ കോണ്‍ട്രാക്ടര്‍ സി.എച്ച് അബ്ദുല്ല (57) യെ നാലുപേര്‍ പിടിച്ചു വലിക്കുകയായിരുന്നു. എന്താണ് സംഭവമെന്ന് ചോദിക്കുന്നതിനിടയില്‍ വായ മൂടി നിശബ്ദനാക്കി. പിന്നെ വലിച്ചിഴച്ച് ഒരു വാഗണര്‍ കാറിലേക്ക് കയറ്റാനുള്ള ശ്രമമായി. ഒരു വിധം തള്ളി മുഖത്തെ ബലിഷ്ടകരങ്ങളെ നീക്കി നിലവിളിക്കാന്‍ സാധിച്ചത് കൊണ്ട് ജീവന്‍ തിരികെ കിട്ടി. നിലവിളി കേട്ട് ഫ്‌ളാറ്റിന്റെ താഴത്തെ നിലയിലുള്ളവര്‍ ഓടിയെത്തിയപ്പോഴേക്കും വാഗണര്‍ കാറില്‍ നാലംഗ അക്രമി സംഘം കടന്നു കളഞ്ഞിരുന്നു. പിടിവലിക്കിടയില്‍ താഴെ വീണ അബ്ദുല്ലയുടെ ഇടത് കൈ ഒടിഞ്ഞിരുന്നു. ആസ്പത്രിയില്‍ പ്രവേശിപ്പിച്ചപ്പോള്‍ ശസ്ത്രക്രിയ വേണമെന്നായി. അടിയന്തിര ശസ്ത്രക്രിയ നടത്തി. അപ്പോഴും അക്രമികളാരെന്ന് വ്യക്തമായിരുന്നില്ല. അക്രമികള്‍ എന്തിനാണ് തന്നെ ബലം പ്രയോഗിച്ച് കാറില്‍ കയറ്റാന്‍ ശ്രമിച്ചതെന്ന് എത്ര ആലോചിച്ചിട്ടും മനസ്സിലായില്ല. ആളുമാറിയതാകാം എന്നാണ് കരുതിയത്. എന്നാല്‍ അധോലോക സംഘങ്ങളെപ്പോലെ 29ന് ഒരു ഫോണ്‍ കോള്‍ വന്നു. പത്ത് ലക്ഷം രൂപ വേണമെന്നും ഇല്ലെങ്കില്‍ കൊന്നുകളയുമെന്നുമായിരുന്നു ഭീഷണി. ആദ്യം ഭീഷണി കാര്യമാക്കിയില്ല. എന്നാല്‍ ഡിസംബര്‍ 1ന് വീണ്ടും ഫോണ്‍കോള്‍. അതോടെ ഗോവ പൊലീസില്‍ പരാതിപ്പെട്ടു. സമാനരീതിയിലുള്ള ചില പരാതികള്‍ നേരത്തെ ഉണ്ടായതിനാല്‍ പൊലീസ് അന്വേഷണം ഊര്‍ജ്ജിതമാക്കി. വിളിച്ച നമ്പറുകള്‍ പൊലീസിന് കൈമാറിയിരുന്നു. സൈബര്‍ സെല്ലിന്റെ സഹായത്തോടെ അന്വേഷണമായി. ഒടുവില്‍ പൊവ്വല്‍ സ്വദേശിയായ രണ്ടു പേരെയാണ് പൊലീസ് പിടിക്കുന്നത്. സഹീര്‍ അന്‍ചു എന്ന അനസ്(23), ദില്‍ഷാന്‍ പി.എ എന്ന ദില്‍ഷു(22) എന്നിവരെയാണ് അറസ്റ്റ് ചെയ്തത്. അതോടെ നവംബര്‍ 27ന് തനിക്ക് നേരെ നടന്ന അക്രമത്തിന്റെ കാരണവും വ്യക്തമായി. തട്ടിക്കൊണ്ടുപോയി മോചന ദ്രവ്യം ആവശ്യപ്പെടുകയായിരുന്നു പ്രതികളുടെ ലക്ഷ്യം. അതില്‍ പരാജയപ്പെട്ടതോടെയാണ് ഭീഷണിപ്പെടുത്തി പണം വാങ്ങാന്‍ ശ്രമം നടന്നത്. ആദ്യം പൊലീസില്‍ പരാതിപ്പെടാത്തതിനാല്‍ ഇത്തവണയും അത് ഉണ്ടാകില്ലെന്ന് പ്രതികള്‍ കരുതി.
ഗോവ സ്വദേശികള്‍ ഉള്‍പ്പെട്ട സംഘമാണ് ഇതിന് പിന്നിലെന്നാണ് സംശയിക്കുന്നത്. സംഘത്തിലെ ഏതാനും പേരെ പൊലീസ് അന്വേഷിച്ച് വരികയാണ്. ഉടന്‍ പിടിക്കാന്‍ കഴിഞ്ഞേക്കും.



Recent News
  സ്വര്‍ണ്ണാഭരണങ്ങള്‍ കവര്‍ന്ന കേസില്‍ യുവതി അറസ്റ്റില്‍

  കെ.എം. അഹ്മദ് സ്മാരക മാധ്യമ പുരസ്‌കാരം കാര്‍ട്ടൂണിസ്റ്റ് ഗോപീകൃഷ്ണന്

  നിരവധി കവര്‍ച്ചാ കേസുകളിലെ പ്രതി ബേക്കലില്‍ അക്രമക്കേസില്‍ അറസ്റ്റില്‍

  മുന്‍മന്ത്രിയും കോണ്‍ഗ്രസ് നേതാവുമായ സി.എന്‍.ബാലകൃഷ്ണന്‍ അന്തരിച്ചു

  വിദ്യാര്‍ത്ഥിനിയെ പീഡിപ്പിക്കാന്‍ ശ്രമം; അധ്യാപകനെതിരെ കേസ്

  ബായാറില്‍ ചുമട്ടിറക്കുന്നതിനെ ചൊല്ലി തര്‍ക്കം; ഉന്തും തള്ളും

  ചേരങ്കൈ സ്വദേശിയെ കാണാതായി

  കാഞ്ഞങ്ങാട് സ്വദേശി ഷാര്‍ജയില്‍ മരിച്ചു

  നെല്ലിക്ക പറിക്കുന്നതിനിടെ കിണറ്റില്‍ വീണ് വിദ്യാര്‍ത്ഥി മരിച്ചത് നാടിന്റെ കണ്ണീരായി

  എന്‍ഡോസള്‍ഫാന്‍ ദുരിതബാധിതന്‍ കുഴഞ്ഞുവീണു മരിച്ചു

  ഖാസിയുടെ മരണം: ഹെഡ്‌പോസ്റ്റോഫീസിലേക്ക് മാര്‍ച്ച് നടത്തി

  നായന്മാര്‍മൂലയില്‍ വീടിന് തീപിടിച്ച് വന്‍ നാശനഷ്ടം

  പതിനേഴുകാരിയെ പീഡിപ്പിച്ചത് ആള്‍മാറാട്ടത്തിലൂടെ; പ്രതിയെ തിരിച്ചറിയാനായില്ല

  മാന്യയില്‍ ആസ്പത്രി മാലിന്യം തള്ളിയത് ജനവാസ കേന്ദ്രത്തില്‍

  കാര്‍ട്ടൂണില്‍ ഷദാബിന് സംസ്ഥാനതലത്തിലും നേട്ടം