updated on:2017-12-07 04:45 PM
കണക്ക് മാഷിന്റെ പീഡനം പുറത്തറിഞ്ഞത് ചൈല്‍ഡ് ലൈന്‍ പ്രവര്‍ത്തകരിലൂടെ

www.utharadesam.com 2017-12-07 04:45 PM,
ബന്തടുക്ക: ഗുരുശിഷ്യ ബന്ധത്തിന്റെ പവിത്രതകള്‍ കാറ്റില്‍ പറത്തി കണക്ക് മാഷ് ക്ലാസ് മുറിയില്‍ വില്ലനായപ്പോള്‍ അക്കാര്യം പുറത്ത് കൊണ്ടുവന്നത് ചൈല്‍ഡ് ലൈന്‍ പ്രവര്‍ത്തകര്‍. ഓരോ സ്‌കൂളുകളിലെയും കുട്ടികളെ കൗണ്‍സിലിംഗിന് വിധേയമാക്കാനും ചെറിയ ചെറിയ പരാതികളില്‍ പോലും അന്വേഷണം നടത്താനും ചൈല്‍ഡ് ലൈന്‍ മുന്നിട്ടിറങ്ങാറുണ്ട്. അങ്ങനെയുള്ള ഒരു കൗണ്‍സിലിംഗിനിടയിലാണ് കുട്ടികള്‍ പീഡന കാര്യം പുറത്ത് പറയുന്നത്. എട്ടും ഒമ്പതും വയസ്സുള്ള കുഞ്ഞുങ്ങളെയാണ് മാഷ് ലൈംഗികച്ചുവയോടെ സ്പര്‍ശിച്ചത്. കണക്ക് ക്ലാസില്‍ ഓരോ കുട്ടികളെയും പുസ്തകവുമായി തന്റെ മേശക്കരികിലേക്ക് വിളിപ്പിക്കുമായിരുന്നുവത്രെ. മറ്റു കുട്ടികളുടെയെല്ലാം മുമ്പില്‍ വെച്ച് തന്നെ കണക്ക് പറഞ്ഞു കൊടുക്കുകയാണെന്ന വ്യാജേന സ്പര്‍ശിച്ചു കൊണ്ടിരുന്നു. അധ്യാപകനായതിനാല്‍ ഭയം മൂലം കുട്ടികള്‍ പുറത്ത് പറഞ്ഞില്ല. ഒരു കുട്ടി പരാതിയുമായി മുന്നോട്ട് വന്നതോടെ പിന്നാലെ ഒമ്പത് കുട്ടികളാണ് തങ്ങള്‍ക്കുണ്ടായ അനുഭവം പൊലീസുമായി പങ്കുവെച്ചത്. സ്‌കൂള്‍ അധികൃതര്‍ അധ്യാപകനെ രക്ഷിക്കാന്‍ ശ്രമിച്ചുവെന്ന ആരോപണമുണ്ട്. സംഭവം ഒതുക്കിത്തീര്‍ക്കാനുള്ള ശ്രമങ്ങള്‍ നടന്നുവെന്നാണ് പറയപ്പെടുന്നത്. മഹിളാസംഘവും ഡി.വൈ.എഫ്.ഐ പ്രവര്‍ത്തകരും ഇതിനെതിരെ പ്രതിഷേധിച്ചിരുന്നു.
ആദൂര്‍ സി.ഐ.യാണ് കേസ് അന്വേഷിക്കുന്നത്. കേസില്‍ പ്രതി ചേര്‍ക്കപ്പെട്ട കണക്ക് മാഷ് രാജപുരം പൂടംകല്ലിലെ ഡൊമനിക് (45) ഒളിവിലാണ്.



Recent News
  പ്രമുഖ സഹകാരി സി. മാധവന്‍ അന്തരിച്ചു

  വിദ്യാര്‍ത്ഥിനിയെ പീഡിപ്പിക്കാന്‍ ശ്രമിച്ച മധ്യവയസ്‌ക്കന്‍ പിടിയില്‍

  അനന്തപുരത്ത് ജെ.സി.ബി. മറിഞ്ഞ് ഡ്രൈവര്‍ മരിച്ചു

  തീവണ്ടിയില്‍ നിന്ന് തെറിച്ചു വീണ് മരിച്ച തമിഴ് നാട് സ്വദേശിയുടെ മൃതദേഹം ഏറ്റുവാങ്ങാന്‍ ബന്ധുക്കളെത്തി

  സ്വര്‍ണ്ണാഭരണങ്ങള്‍ കവര്‍ന്ന കേസില്‍ യുവതി അറസ്റ്റില്‍

  കെ.എം. അഹ്മദ് സ്മാരക മാധ്യമ പുരസ്‌കാരം കാര്‍ട്ടൂണിസ്റ്റ് ഗോപീകൃഷ്ണന്

  നിരവധി കവര്‍ച്ചാ കേസുകളിലെ പ്രതി ബേക്കലില്‍ അക്രമക്കേസില്‍ അറസ്റ്റില്‍

  മുന്‍മന്ത്രിയും കോണ്‍ഗ്രസ് നേതാവുമായ സി.എന്‍.ബാലകൃഷ്ണന്‍ അന്തരിച്ചു

  വിദ്യാര്‍ത്ഥിനിയെ പീഡിപ്പിക്കാന്‍ ശ്രമം; അധ്യാപകനെതിരെ കേസ്

  ബായാറില്‍ ചുമട്ടിറക്കുന്നതിനെ ചൊല്ലി തര്‍ക്കം; ഉന്തും തള്ളും

  ചേരങ്കൈ സ്വദേശിയെ കാണാതായി

  കാഞ്ഞങ്ങാട് സ്വദേശി ഷാര്‍ജയില്‍ മരിച്ചു

  നെല്ലിക്ക പറിക്കുന്നതിനിടെ കിണറ്റില്‍ വീണ് വിദ്യാര്‍ത്ഥി മരിച്ചത് നാടിന്റെ കണ്ണീരായി

  എന്‍ഡോസള്‍ഫാന്‍ ദുരിതബാധിതന്‍ കുഴഞ്ഞുവീണു മരിച്ചു

  ഖാസിയുടെ മരണം: ഹെഡ്‌പോസ്റ്റോഫീസിലേക്ക് മാര്‍ച്ച് നടത്തി