updated on:2018-01-12 04:45 PM
ബദിയടുക്ക ലേലം വിളി വിവാദം;’ ഡ്രൈവറെ ജോലിയില്‍ നിന്ന് പിരിച്ചു വിട്ടു

www.utharadesam.com 2018-01-12 04:45 PM,
ബദിയടുക്ക: പഞ്ചായത്ത് ഓഫീസിലെ ആംബുലന്‍സില്‍ താല്‍ക്കാലികാടിസ്ഥാനത്തില്‍ ജോലി ചെയ്യുന്ന ഡ്രൈവറെ ഭരണ സമിതി യോഗം ജോലിയില്‍ നിന്നും പിരിച്ചു വിട്ടു. ദിവസ വേതനാടിസ്ഥാനത്തില്‍ ഡ്രൈവറായി ജോലി ചെയ്തിരുന്ന ഗോളിയടുക്കയിലെ അബ്ദുല്ലയെയാണ് ഭരണ സമിതിയുടെ ഐക്യകണ്‌ഠേനയുള്ള തീരുമാന പ്രകാരം ജോലിയില്‍ നിന്ന് പിരിച്ചുവിട്ടത്. ദിവസങ്ങള്‍ക്ക് മുമ്പ് പഞ്ചായത്ത് ഓഫീസില്‍ നടന്ന ആക്രി സാധനങ്ങള്‍ ഡ്രൈവറും ഒരു ബന്ധുവും ലേലം വിളിക്കുകയുണ്ടായി. എന്നാല്‍ ലേലത്തിന്റെ മറവില്‍ വിലപിടിപ്പുള്ള മറ്റു സാധനങ്ങള്‍ പഞ്ചായത്ത് ഓഫീസില്‍ പ്രവൃത്തി സമയമല്ലാത്ത നേരത്ത് ഡ്രൈവര്‍ കടത്തി കൊണ്ടു പോയതായി ലേലം വിളിയില്‍ ഏര്‍പ്പെട്ടവരും നാട്ടുകാരില്‍ ചിലരും പഞ്ചായത്ത് സെക്രട്ടറിക്കും ഡി.ഡി.പി.ക്കും പരാതി നല്‍കിയിരുന്നു. ഇതിന്റെ അടിസ്ഥാനത്തില്‍ ഇന്നലെ വിളിച്ചു ചേര്‍ത്ത ഭരണ സമിതി യോഗമാണ് ഡ്രൈവറെ പിരിച്ചു വിടാനുള്ള തീരുമാനം കൈക്കൊണ്ടത്. അതേ സമയം പരാതിയില്‍ ഉന്നയിച്ച പ്രകാരം വിലപിടിപ്പുള്ള സാധനങ്ങള്‍ കൊണ്ടു പോയതായി സ്റ്റോക്ക് പരിശോധനയില്‍ നിന്നും കണ്ടെത്താനായിട്ടില്ലെന്നും ചില സാധനങ്ങള്‍ ഓഫീസിന് പുറത്ത് ഇറക്കി വെച്ചത് ശ്രദ്ധയില്‍പ്പെട്ടിട്ടുണ്ടെന്നും പല ഔദ്യോഗിക കാര്യങ്ങളിലും ഡ്രൈവര്‍ നിരന്തരമായി ഇടപ്പെടുന്നുവെന്ന കണ്ടെത്തലിനെ തുടര്‍ന്നാണ് ജോലിയില്‍ നിന്നും പിരിച്ചു വിട്ടതെന്നും പഞ്ചായത്ത് സെക്രട്ടറി എം. സാരംഗധരന്‍ പറഞ്ഞു.



Recent News
  യാത്രക്കിടെ പോസ്റ്റ്മാനില്‍ നിന്ന് നഷ്ടപ്പെട്ട പാസ്‌പോര്‍ട്ടുകളും പാന്‍കാര്‍ഡും പൊലീസ് സാന്നിധ്യത്തില്‍ കൈമാറി

  നഗരത്തിലെ സാഗര്‍ ഹോട്ടലില്‍ നിന്ന് 80,000 രൂപ കവര്‍ന്നു; മോഷ്ടാവിന്റെ ദൃശ്യങ്ങള്‍ സി.സി.ടി.വി. ക്യാമറയില്‍

  ബസിന് കല്ലെറിഞ്ഞ കേസില്‍ യുവാവ് അറസ്റ്റില്‍

  ദമ്പതികളെ അക്രമിച്ച കേസില്‍ അറസ്റ്റിലായ യുവാവ് നേരത്തെ മൂന്നുകേസുകളില്‍ പ്രതി

  കാണാതായ കോളേജ് വിദ്യാര്‍ത്ഥിയെ ഗോവ ബീച്ചില്‍ കണ്ടതായി വിവരം; കാര്‍ ഉപേക്ഷിച്ച നിലയില്‍

  ബൈക്ക് മറിഞ്ഞ് പൊലീസുകാരന്‍ മരിച്ചത് വീട്ടിലേക്ക് പോകുന്നതിനിടെ

  ശാന്തിനഗറില്‍ എന്‍.എ. ഹാരിസ് തന്നെ

  'യുവാക്കള്‍ ആരോഗ്യ ശീലങ്ങള്‍ വളര്‍ത്തണം'

  ആലൂരില്‍ താല്‍ക്കാലിക തടയണ ഇത്തവണയും തകര്‍ന്നു; സര്‍ക്കാറിന് പാഴായത് ലക്ഷങ്ങള്‍

  കൂട്ടൂകാരോടൊപ്പം കക്കവാരാന്‍ പുഴയില്‍ ഇറങ്ങിയ വിദ്യാര്‍ത്ഥി മുങ്ങിമരിച്ചു

  അപ്രഖ്യാപിത ഹര്‍ത്താല്‍: ഉറവിടം അന്വേഷിക്കുന്നു,153 (എ) വകുപ്പ് പ്രകാരം കേസ്

  കടല്‍ കാണാനെത്തിയ ദമ്പതികളെ അക്രമിച്ചതിന് 18 പേര്‍ക്കെതിരെ കേസ്; ഒരാള്‍ അറസ്റ്റില്‍

  യുവാവിനെ അക്രമിച്ചതിനും ക്ലബ്ബ് തകര്‍ത്തതിനും രണ്ടുപേര്‍ അറസ്റ്റില്‍

  കാനക്കോട്ട് വീട്ടുമുറ്റത്ത് നിര്‍ത്തിയിട്ട ടാക്‌സി കാര്‍ കത്തിനശിച്ചു

  ടയര്‍ പൊട്ടി മീന്‍ലോറി മറിഞ്ഞു; രണ്ടുപേര്‍ക്ക് പരിക്ക്