updated on:2018-02-12 06:07 PM
മൂല്യാധിഷ്ഠിതമായ രാഷ്ട്രീയ നിലപാടാണ് കമ്മ്യൂണിസ്റ്റ് പാര്‍ട്ടിയുടെ അടിത്തറ-കെ.ഇ ഇസ്മയില്‍

www.utharadesam.com 2018-02-12 06:07 PM,
ചട്ടഞ്ചാല്‍: സാഹചര്യങ്ങള്‍ അനുസരിച്ച് നിലപാട് മാറ്റുന്ന രാഷ്ട്രീയ പ്രസ്ഥാനമല്ല കമ്മ്യൂണിസ്റ്റ് പാര്‍ട്ടിയെന്നും അടിയുറച്ച രാഷ്ട്രീയ നിലപാടാണ് ഈ പാര്‍ട്ടിയുടെ അടിസ്ഥാനമെന്നും സി.പി.ഐ ദേശീയ എക്‌സിക്യൂട്ടീവംഗം കെ.ഇ ഇസ്മയില്‍ പറഞ്ഞു. സി.പി.ഐ ജില്ലാ സമ്മേളന ബഹുജനറാലി ചട്ടഞ്ചാലിലെ ഇ.കെ മാസ്റ്റര്‍ നഗറില്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. കമ്മ്യൂണിസ്റ്റ് പാര്‍ട്ടിയെടുക്കുന്ന രാഷ്ട്രീയ നിലപാടില്‍ ആകൃഷ്ടരായാണ് ധാരാളം ആളുകള്‍ സംസ്ഥാനത്ത് പലയിടങ്ങളിലും ഈ പാര്‍ട്ടിയിലേക്ക് ചേരുന്നത്. രാഷ്ട്രീയ സാമൂഹ്യ-സാഹചര്യങ്ങളനുസരിച്ച് ആശയങ്ങള്‍ മാറ്റുകയും സ്വാധീനങ്ങള്‍ക്ക് വഴങ്ങുകയും ചെയ്യുന്ന നിലപാട് പാര്‍ട്ടിക്കില്ല. പൊതുവേ രാഷ്ട്രീയ പാര്‍ട്ടികളെ കുറിച്ചും പ്രവര്‍ത്തകരെ കുറിച്ചും ജനങ്ങള്‍ക്കുള്ള മതിപ്പ് കുറഞ്ഞു വരുമ്പോള്‍ സി.പി.ഐ എടുക്കുന്ന നിലപാടില്‍ ആകൃഷ്ടരായി പാര്‍ട്ടിയിലേക്ക് ആളുകള്‍ കടന്നു വരികയാണ്. അതാണ് ഈ പാര്‍ട്ടിയുടെ കരുത്തും ശക്തിയുമെന്നും അദ്ദേഹം പറഞ്ഞു.
ഇന്ത്യയുടെ ബഹുസ്വരതയും മതേതരത്വവും ഇല്ലാതാക്കാനുള്ള നടപടികളാണ് പ്രധാനമന്ത്രി നരേന്ദ്രമോഡി സ്വീകരിക്കുന്നതെന്ന് ഇസ്മായില്‍ പറഞ്ഞു. കോര്‍പറേറ്റുകളുടെ നവലിബറലുകളുടെയും വിശ്വസ്ത അഭിനവ ദല്ലാളാണ് മോഡി. രാജ്യത്തെ ഫാസിസത്തില്‍ നിന്നും മുക്തമാക്കാന്‍ ഇടതുപക്ഷത്തിന്റെ കരുത്തിലൂടെ മാത്രമേ സാധിക്കുകയുള്ളുവെന്നും കെ.ഇ ഇസ്മയില്‍ പറഞ്ഞു. ജില്ലാ സെക്രട്ടറി അഡ്വ. ഗോവിന്ദന്‍ പള്ളിക്കാപ്പില്‍ അധ്യക്ഷത വഹിച്ചു. സംസ്ഥാന എക്‌സിക്യൂട്ടീവംഗവും റവന്യൂ മന്ത്രിയുമായ ഇ. ചന്ദ്രശേഖരന്‍, സംസ്ഥാന കൗണ്‍സിലംഗങ്ങളായ കെ.വി കൃഷ്ണന്‍, ടി. കൃഷ്ണന്‍, ജില്ലാ എക്‌സിക്യൂട്ടീവംഗങ്ങളായ ബി.വി രാജന്‍, ബങ്കളം കുഞ്ഞികൃഷ്ണന്‍, കെ.എസ് കുര്യാക്കോസ്, സി.പി ബാബു, എം. അസിനാര്‍ തുടങ്ങിയവര്‍ സംബന്ധിച്ചു. സ്വാഗതസംഘം കണ്‍വീനര്‍ വി. രാജന്‍ സ്വാഗതം പറഞ്ഞു.



Recent News
  ബേക്കല്‍ എ.എസ്.ഐയെ വെട്ടിപ്പരിക്കേല്‍പിച്ച കേസില്‍ മൂന്നുപേര്‍ കൂടി അറസ്റ്റില്‍

  ഓഡിറ്റോറിയത്തില്‍ നിന്ന് വൃദ്ധയുടെ മാല പൊട്ടിച്ച സ്ത്രീകള്‍ സി.സി.ടി.വിയില്‍ കുടുങ്ങി

  ക്ഷേത്ര ഭണ്ഡാരം കുത്തി തുറന്ന് പണം കവര്‍ന്നു; ചിക്കന്‍ സ്റ്റാളിലും കവര്‍ച്ചാശ്രമം

  കേരളത്തിന്റെ ചരിത്ര നേട്ടത്തിന് മുഹമ്മദ് അസ്ഹറുദ്ദീന്റെ മികച്ച കീപ്പിങ്ങ്

  വധശ്രമക്കേസില്‍ പ്രതികള്‍ റിമാണ്ടില്‍

  തേങ്ങ മോഷണക്കേസില്‍ പ്രതിക്ക് ഒരുവര്‍ഷം തടവ്

  കെ.എസ്.ആര്‍.ടി.സി. ബസ് ഡ്രൈവറെ മര്‍ദ്ദിച്ചതിന് കേസ്

  എ.എസ്.ഐയെ വെട്ടിയ കേസില്‍ പ്രതി റിമാണ്ടില്‍; കാപ്പ ചുമത്തുമെന്ന് പൊലീസ്

  ഗ്യാരേജ് ഉടമയെ മര്‍ദ്ദിച്ചതായി പരാതി

  കാസര്‍കോട് സ്വദേശികള്‍ കടത്തിയ 27 ലക്ഷത്തിന്റെ സ്വര്‍ണ്ണം പിടിച്ചു; ഒരാള്‍ അറസ്റ്റില്‍

  പെട്രോള്‍ പമ്പില്‍ നിന്ന് കവര്‍ന്ന അലമാര തടയണയില്‍ ഉപേക്ഷിച്ച നിലയില്‍

  ഭാസ്‌കരന്റെ മരണത്തില്‍ ദുരൂഹതയില്ലെന്ന് നിഗമനം

  ചാക്കുകെട്ടുകളിലാക്കി സൂക്ഷിച്ച മണല്‍ പിടിച്ചു

  ഗോവന്‍ നിര്‍മ്മിത മദ്യവുമായി യുവാവ് അറസ്റ്റില്‍

  ബൈക്കില്‍ കടത്തുകയായിരുന്ന അരക്കിലോ കഞ്ചാവുമായി ഷിറിയ സ്വദേശി അറസ്റ്റില്‍